ಮುಂಬೈ: ಕಳೆದ ವರ್ಷ ಭಾರತೀಯ ಚಿತ್ರರಂಗದಲ್ಲಿ ಹಲವು ಟಾಪ್ ಟೆನ್ ಸಮೀಕ್ಷೆಗಳಾಗಿವೆ. ಅತ್ಯುತ್ತಮ ನಟ, ಚಿತ್ರ, ನಟಿ ಸೇರಿದಂತೆ ಹಲವು ಸಂಸ್ಥೆಗಳು, ಹಲವು ರೀತಿಯ ಸಮೀಕ್ಷೆಗಳನ್ನು ಮಾಡಿವೆ. ಈಗ ಈಸ್ಟರ್ನ್ ಐ ಎಂಬ ಸಂಸ್ಥೆಯು 30 ಅಂಡರ್ 30 ಏಷ್ಯನ್ ಸೆಲೆಬ್ರಿಗಳ ಪಟ್ಟಿ ಬಿಡುಗಡೆ ಮಾಡಿದ್ದು, ಅದರಲ್ಲಿ ಕನ್ನಡತಿ ರಶ್ಮಿಕಾ ಮಂದಣ್ಣ ಸಹ ಇರುವುದು ವಿಶೇಷ.
ಇದನ್ನೂ ಓದಿ: ‘ಡ್ಯಾಶ್’ ಹಾಡಿಗೆ ಕೋಟಿ ವೀಕ್ಷಣೆ … ಖುಷಿಯಾದರು ಚಂದನ್, ಸಂಜನಾ
30 ಅಂಡರ್ 30 ಏಷ್ಯನ್ ಸೆಲೆಬ್ರಿಗಳ ಎಂಬ ಹೆಸರೇ ಹೇಳುವಂತೆ 30ರ ವಯಸ್ಸಿನ ಒಳಗಿರುವ 30 ಸೆಲೆಬ್ರಿಟಿ ಪಟ್ಟಿಗಳು ಇಲ್ಲಿದೆ. ಇದು ಬರೀ ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ. ಇಡೀ ಏಷ್ಯಾದ ಸೆಲೆಬ್ರಿಟಿಗಳು ಇಲ್ಲಿದ್ದು, ಇದರಲ್ಲಿ ಭಾರತದಿಂದಲೂ 10 ಮಂದಿ ಇದ್ದಾರೆ ಎನ್ನುವುದು ವಿಶೇಷ.
ಈ ಪಟ್ಟಿಯಲ್ಲಿ ಕಾಣುವ ಪ್ರಮು ಹೆಸರುಗಳೆಂದರೆ ಅದು ರಶ್ಮಿಕಾ ಮತ್ತು ಆಲಿಯಾ ಭಟ್ ಅವರದ್ದು. ರಶ್ಮಿಕಾ ದಕ್ಷಿಣ ಭಾರತೀಯ ಚಿತ್ರರಂಗವನ್ನು ಪ್ರತಿನಿಧಿಸಿದರೆ, ಬಾಲಿವುಡ್ನಿಂದ ಆಲಿಯಾ ಹೆಸರು ಪ್ರಮುಖವಾಗಿ ಕಾಣಿಸುತ್ತಿದೆ. ಮಿಕ್ಕಂತೆ ಅಹಾನ್ ಶೆಟ್ಟಿ, ಸಂಗೀತಗಾರ ಅರ್ಮಾನ್ ಮಲ್ಲಿಕ್, ಅವಂತಿಕಾ ವಂದನಾಪು, ಆಲಯಾ ಫರ್ನೀಚರ್ವಾಲ, ಅಖಿಲ್ ಅಕ್ಕಿನೇನಿ ಮುಂತಾದವರು ಈ ಪಟ್ಟಿಯಲ್ಲಿದ್ದಾರೆ.
ಇದನ್ನೂ ಓದಿ: ಒಂದು ‘ಲಾಂಗ್ ಡ್ರೈವ್’ಗೂ ಮೊದಲು ಮತ್ತು ಆ ನಂತರ …
ಈ ಪಟ್ಟಿಯಲ್ಲಿ ರಶ್ಮಿಕಾ ಹೆಸರು ಕಾಣಿಸಿಕೊಳ್ಳುವುದಕ್ಕೆ ಪ್ರಮುಖವಾಗಿ ‘ಪುಷ್ಪ – ದಿ ರೈಸ್’ ಕಾರಣ ಎಂದು ಹೇಳಲಾಗುತ್ತಿದೆ. ಈ ಚಿತ್ರದ ಯಶಸ್ಸಿನಿಂದಾಗಿ ರಶ್ಮಿಕಾ ಬಾಲಿವುಡ್ಗೂ ಎಂಟ್ರಿ ಕೊಟ್ಟು, ನ್ಯಾಷನಲ್ ಕ್ರಶ್ ಆದರು ಎಂಬುದರಲ್ಲಿ ಎರಡು ಮಾತಿಲ್ಲ. ಸದ್ಯ ‘ಪುಷ್ಪ’ ಚಿತ್ರದ ಸೀಕ್ವೆಲ್ನಲ್ಲಿ ನಟಿಸುತ್ತಿರುವ ರಶ್ಮಿಕಾ, ‘ಅನಿಮಲ್’ ಎಂಬ ರಣಬೀರ್ ಕಪೂರ್ ಅಭಿನಯದ ಚಿತ್ರದಲ್ಲೂ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
ನರೇಶ್-ಪವಿತ್ರಾ ಲೋಕೇಶ್ ಪ್ರಕರಣದಲ್ಲಿ ಸ್ಫೋಟಕ ಟ್ವಿಸ್ಟ್: 3ನೇ ಪತ್ನಿ ವಿರುದ್ಧ ಗಂಭೀರ ಆರೋಪ ಮಾಡಿದ ನರೇಶ್