ಗುವಾಹಟಿ: ಆರಂಭಿಕ ಬ್ಯಾಟ್ಸ್ಮ್ಯಾನ್ಗಳಾದ ಯಶಸ್ವಿ ಜೈಸ್ವಾಲ್ ಹಾಗೂ ಜೋಸ್ ಬಟ್ಲರ್ ಸಿಡಿಸಿದ ಅರ್ಧಶತಕಗಳ ಫಲವಾಗಿ ರಾಜಸ್ಥಾನ ರಾಯಲ್ಸ್ ತಂಡವು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 57 ರನ್ಗಳ ಜಯ ಸಾಧಿಸಿದೆ.
ಗುವಾಹಟಿಯ ಬರ್ಸಾಪುರ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ತಂಡವು 4 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 199ರನ್ ಗಳಿಸಿತ್ತು.
ಭರ್ಜರಿ ಆರಂಭ
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ತಂಡವು ಆರಂಭಿಕರಾದ ಜೋಸ್ ಬಟ್ಲರ್(79 ರನ್, 51ಎಸೆತ, 11 ಬೌಂಡರಿ, 1 ಸಿಕ್ಸರ್), ಯಶಸ್ವಿ ಜೈಸ್ವಾಲ್(60 ರನ್, 31 ಎಸೆತ, 11 ಬೌಂಡರಿ, 1 ಸಿಕ್ಸರ್), ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮ್ಯಾನ್ ಶಿಮ್ರೋನ್ ಹೆಟ್ಮೆಯರ್ (39 ರನ್, 21 ಎಸೆತ, 1 ಬೌಂಡರಿ, 4 ಸಿಕ್ಸರ್) ಫಲವಾಗಿ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 199 ರನ್ ಗಳಿಸಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ 200 ರನ್ಗಳ ಬೃಹತ್ ಮೊತ್ತವನ್ನ ಸವಾಲಾಗಿ ನೀಡಿತ್ತು.
ಇದನ್ನು ಓದಿ: IPL 2023; ಗಾಯದ ಸಮಸ್ಯೆ ನಡುವೆ ಬದಲಿ ಆಟಗಾರರ ಮೊರೆ ಹೋದ RCB
ವಾರ್ನರ್-ಲಲಿತ್ ಯಾದವ್ ಹೋರಾಟ ವ್ಯರ್ಥ
ಬೃಹತ್ ಮೊತ್ತ ಬೆನ್ನತ್ತಿದ ಡೆಹಲಿ ಕ್ಯಾಪಿಟಲ್ಸ್ ತಂಡವು ಆರಂಭಿಕ ವೈಫಲ್ಯದ ಹೊರತ್ತಾಗಿಯೂ ನಾಯಕ ಡೇವಿಡ್ ವಾರ್ನರ್(65 ರನ್, 55 ಎಸೆತ, 7 ಬೌಂಡರಿ), ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮ್ಯಾನ್ ಲಲಿತ್ ಯಾದವ್ (38 ರನ್, 24 ಎಸೆತ, 5 ಬೌಂಡರಿ) ಫಲವಾಗಿ 9 ವಿಕೆಟ್ ನಷ್ಕ್ಕೆ 20 ಓವರ್ಗಳಲ್ಲಿ 142 ರನ್ಗಳಿಸಿ 57 ರನ್ಗಳ ಸೋಲೊಪ್ಪಿಕೊಂಡಿತ್ತು.
RR ಪರ ಟ್ರೆಂಟ್ ಬೌಲ್ಟ್(4-1-29-2), ಸಂದೀಪ್ ಶರ್ಮ(4-0-20-1), ಆರ್.ಅಶ್ವಿನ್(4-025-2), ಯಜುವೇಂದ್ರ ಚಹಲ್ (4-0-27-3) ವಿಕೆಟ್ ಪಡೆದಿದ್ದಾರೆ.