ಬೆಂಗಳೂರು: ಡಾ. ರಾಜ್ ಪುಣ್ಯಸ್ಮರಣೆ ಪ್ರಯುಕ್ತ ಕಿರಿ ಮಗ ಪುನೀತ್ ರಾಜ್ಕುಮಾರ್ 10 ವರ್ಷದ ಹಿಂದಿನ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ. ಆಂಗ್ಲ ಡಾಕ್ಯುಮೆಂಟರಿಯೊಂದಕ್ಕೆ ಪಾರ್ವತಮ್ಮ ರಾಜ್ಕುಮಾರ್, ಶಿವರಾಜ್ಕುಮಾರ್, ಪುನೀತ್ ರಾಜ್ಕುಮಾರ್ ಮತ್ತು ಮೊಮ್ಮಗಳು ಧನ್ಯಾ ರಾಮ್ಕುಮಾರ್ ಮಾತನಾಡಿದ್ದಾರೆ. ಅವರೆಲ್ಲರ ಮಾತಿನ ಆಯ್ದ ಭಾಗ ಇಲ್ಲಿದೆ.
ಪಾರ್ವತಮ್ಮ ರಾಜ್ಕುಮಾರ್ ಅವರು ಮನೆಯಲ್ಲಿದ್ದರೆ ಟೈಮ್ ಹೇಗೆ ಹೋಗುತ್ತಿತ್ತೋ ಗೊತ್ತಿರಲಿಲ್ಲ. ಅವರಿಲ್ಲ ಅಂದರೆ ಟೈಮ್ ಕಳೆಯೋದೆ ಕಷ್ಟ.. ಅವರು ನಿಭಾಯಿಸಿದ ರಾಘವೇಂದ್ರ ಸ್ವಾಮಿ ಸಿನಿಮಾ ಈಗಲೂ ಕಾಡುತ್ತದೆ..
ಶಿವಣ್ಣ; ಅಪ್ಪನ ಕಣ್ಣುಗಳು ತುಂಬ ಆಕರ್ಷಕವಾಗಿದ್ದವು. ಆ ಕಣ್ಣುಗಳು ಎಲ್ಲರಿಗೂ ಇಷ್ಟ.. ಸಿನಿಮಾ ವಿಚಾರದಲ್ಲಿ ತುಂಬ ಬಿಜಿ ಇರುತ್ತಿದ್ದರು. ಒಂದೊಂದು ತಿಂಗಳು ಮನೆಗೆ ಬರುತ್ತಿರಲಿಲ್ಲ. ಯಾವಾಗ ಮರಳಿ ಬರುತ್ತಿದ್ದರೋ, ಬಂದ ಕೂಡಲೇ ಮಿಸ್ ಆಗಿದ್ದ ಪ್ರೀತಿಯನ್ನು ನೀಡುತ್ತಿದ್ದರು.
ಪುನೀತ್; ಶಿಸ್ತು ಅವರ ಜೀವನದ ಬಹುಮುಖ್ಯ ಅಂಗ, ಆಹಾರ ವೇಸ್ಟ್ ಮಾಡುವುದು ಅವರಿಗೆ ಇಷ್ಟ ಆಗುತ್ತಿರಲಿಲ್ಲ. ಅವರೊಬ್ಬ ಕೇವಲ ನಟನಾಗಿ ಇರಲಿಲ್ಲ. ಪ್ರೀತಿ, ಕಾಳಜಿಗೆ ಹೆಸರಾಗಿದ್ದರು..
ಹೀಗೆ ವಿಡಿಯೋದಲ್ಲಿ ಒಂದಷ್ಟು ಅಂಶಗಳನ್ನು ಹೇಳಿಕೊಂಡಿದ್ದಾರೆ. ಸದ್ಯ ಆ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳೂ ಖುಷಿಯಲ್ಲಿದ್ದಾರೆ.