ಬಿಹಾರ: ಬಿಜೆಪಿ ಗೆಲುವು ಸಾಧಿಸಿದಾಗೆಲ್ಲ ಎಲೆಕ್ಟ್ರಾನಿಕ್ ವೋಟಿಂಗ್ ಮಷಿನ್ (ಇವಿಎಂ) ಮೇಲೆ ಆರೋಪ ಹೊರಿಸುವ ಕಾಂಗ್ರೆಸ್ ಮತ್ತಿತರ ವಿರೋಧ ಪಕ್ಷಗಳ ಚಾಳಿ ಇದೀಗ ಮುಂದುವರಿದಿದೆ. ಈಗ ಚುನಾವಣೆ ಹಂತದಲ್ಲೇ ಅಂಥದ್ದೊಂದು ಪ್ರಯತ್ನ ನಡೆದಿದೆ.
ಈ ಸಲ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅಂಥ ಆರೋಪ ಮಾಡಿದ್ದು, ಇವಿಎಂಗೆ ಬೇರೆಯದೇ ವ್ಯಾಖ್ಯಾನ ಮಾಡಿದ್ದಾರೆ. ಎಲೆಕ್ಟ್ರಾನಿಕ್ ವೋಟಿಂಗ್ ಮಷಿನ್ಅನ್ನು ಮೋದಿ ವೋಟಿಂಗ್ ಮಷಿನ್(ಎಂವಿಎಂ) ಎಂದು ರಾಹುಲ್ ಗಾಂಧಿ ಕರೆದಿದ್ದಾರೆ.
ಬಿಹಾರದಲ್ಲಿ ಚುನಾವಣಾ ಪ್ರಚಾರದಲ್ಲಿ ಪಾಲ್ಗೊಂಡಿದ್ದ ರಾಹುಲ್, ಇವಿಎಂ ಇವಿಎಂ ಆಗಿಲ್ಲ, ಅದೀಗ ಎಂವಿಎಂ. ಆದರೆ ಈ ಸಲ ಬಿಹಾರದಲ್ಲಿ ಯುವಜನತೆ ಸಿಟ್ಟಿಗೆದ್ದಿದ್ದು, ಇವಿಎಂ-ಎಂವಿಎಂ ಯಾವುದೇ ಇದ್ದರೂ ಗೆಲ್ಲುವುದು ಘಟಬಂಧನ್ (ಕಾಂಗ್ರೆಸ್, ಆರ್ಜೆಡಿ ಮತ್ತು ಎಡಪಕ್ಷಗಳ ಮೈತ್ರಿ) ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)