ರಾಘವೇಂದ್ರ ರಾಜ್​ಕುಮಾರ್ ನಟನೆಯ '13' ಚಿತ್ರದ ಮುಹೂರ್ತ; ಫೋಟೋ ವೈರಲ್

ಬೆಂಗಳೂರು: ನಟ ರಾಘವೇಂದ್ರ ರಾಜ್​ಕುಮಾರ್ ಅವರು ಸದ್ಯ ಹಲವಾರು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಇದೀಗ, ಅವರ ನಟನೆಯ ಹೊಸದೊಂದು ಚಿತ್ರದ ಮುಹೂರ್ತ ಇಂದು ನಡೆದಿದೆ. ಬೆಂಗಳೂರಿನ ಕಂಠಿರವ ಸ್ಟುಡಿಯೋದಲ್ಲಿ ರಾಘಣ್ಣರ ಹೊಸ ಸಿನಿಮಾ‌ಗೆ ಚಾಲನೆ ನೀಡಲಾಗಿದೆ. ಆ ಮೂಲಕ '13' ಸಿನಿಮಾ ಇಂದು (ಏಪ್ರಿಲ್ 9 ರಂದು) ಸೆಟ್ಟೇರಿದೆ ಎನ್ನಬಹುದು. ಮೊದಲು ಕರುನಾಡ ಪವರ್ ಸ್ಟಾರ್ ನಟ ಪುನೀತ್ ರಾಜ್ ಕುಮಾರ್ ಅವರಿಗೆ ಪೂಜೆ ಸಲ್ಲಿಸಿದ ಚಿತ್ರತಂಡ, ಬಳಿಕ ಸಿನಿಮಾದ ಮುಹೂರ್ತ ಕಾರ್ಯಕ್ರಮ ನಡೆಸಿತು.

ಇನ್ನು, ಕೆ.ನಾಗೇಂದ್ರ ಬಾಬು ಅವರ ನಿರ್ದೇಶನದ ಈ '13' ಸಿನಿಮಾ ಕನ್ನಡ ಹಾಗೂ ಇಂಗ್ಲೀಷ್, 2 ಭಾಷೆಗಳಲ್ಲಿ ರಿಲೀಸ್ ಆಗಲಿದೆ. ನಟ ರಾಘವೇಂದ್ರ ರಾಜ್​ಕುಮಾರ್ ಅವರು ಹಿರಿಯ ನಟಿ ಶ್ರುತಿ ಈ ಸಿನಿಮಾದಲ್ಲಿ ಪ್ರಮುಖ ರೋಲ್​ಗಳಲ್ಲಿ ಕಾಣಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಬರೋ ಕ್ಯಾರೆಕ್ಟರ್​ಗಳ ರೂಪದಲ್ಲೇ ರಾಘಣ್ಣ ಮತ್ತು ಶ್ರುತಿ ಅವರು ಮುಹೂರ್ತಕ್ಕೆ ಎಂಟ್ರಿ ಕೊಟ್ಟಿದ್ದರು. ಹೌದು, ನಟ ರಾಘವೇಂದ್ರ ರಾಜ್​ಕುಮಾರ್ ಅವರು ಗುಜುರಿ ಅಂಗಡಿಯ ಮಾಲಿಕನಾಗಿ ಹಾಗೂ ನಟಿ ಶ್ರುತಿ ಅವರು ಮುಸ್ಲಿಂ ಮಹಿಳೆಯಾಗಿ ತೆರೆ ಮೇಲೆ ಮಿಂಚಲಿದ್ದಾರೆ. 

https://www.vijayavani.net/will-smith-banned-from-oscar-for-10-years-netizens-question-why-not-comedian-chris-rock-be-punished-too/

https://www.vijayavani.net/photos-of-allu-arjun-40th-birthday-celebrations-from-serbia-country-goes-viral-on-social-media/

https://www.vijayavani.net/92-year-old-veteran-telugu-actor-mannava-balayya-passes-away-due-to-age-related-ailments/