ಬೆಂಗಳೂರು: ನಟಿರಾಧಿಕಾ ಪಂಡಿತ್ ಹಾಗೂ ನಟ ಯಶ್ ಅವರು ದಾಂಪತ್ಯ ಜೀವನವನ್ನು ಆರಂಭಿಸಿ ಐದು ವರ್ಷಗಳು ಕಳೆದಿವೆ. ಮತ್ತು ಇಬ್ಬರು ಇತ್ತೀಚೆಗೆ ಮಾಲ್ಡೀವ್ಸ್ ಕಡಲತೀರದಲ್ಲಿ ಎಂಜಾಯ್ ಮಾಡಿದ್ದು, 5 ನೇ ವಿವಾಹ ವಾರ್ಷಿಕೋತ್ಸವದ ಸಂರ್ದಭದಲ್ಲಿ ಅವರ ಮಾಲ್ಡೀವ್ಸ್ ಫೋಟೋಗಳನ್ನು ಅಭಿಮಾನಿಗಳಿಗೆಂದು ಹಂಚಿಕೊಂಡಿದ್ದಾರೆ. ಫೋಟೋಗಳನ್ನು ಪೋಸ್ಟ್ ಮಾಡುವ ಮೂಲಕ, “ಫೋಟೋಗಳಿಗೆ ಪೋಸ್ ನೀಡಲು ಪುರುಷರು ಏಕೆ ಕಷ್ಟಪಡುತ್ತಾರೆ” ಎಂದು ಯಶ್ ಅವರನ್ನು ಕ್ಯಾಪ್ಷನ್ ಮೂಲಕ ಕಾಲೆಳೆದಿದ್ದಾರೆ ರಾಧಿಕಾ. ಸ್ಯಾಂಡಲ್ವುಡ್ನಈ ಕ್ಯೂಟ್ದಂಪತಿಗಳು ತಮ್ಮ ವಿವಾಹವಾರ್ಷಿಕೋತ್ಸವದಂದು ಪರಸ್ಪರ ಸಿಹಿ ಸಂದೇಶಗಳನ್ನು ಹಂಚಿಕೊಂಡರು.
ರಾಧಿಕಾ ಅವರು ‘happy 5th sweetheart‘ ಎಂಬ ಸಂದೇಶದ ಜೊತೆಗೆ ವಿಶೇಷ ಉಲ್ಲೇಖವನ್ನು ಯಶ್ ಅವರಿಗೆ ಹಂಚಿಕೊಂಡಿದ್ದಾರೆ. ಇನ್ನು, ಸೋಷಿಯಲ್ ಮೀಡಿಯಾದಲ್ಲಿ ಅಪರೂಪಕ್ಕೆ ಫೋಟೋಗಳನ್ನು ಪೋಸ್ಟ್ ಮಾಡುವ ನಟ ಯಶ್, ” ಜಗತ್ತು ಸುಂದರವಾಗಿದೆ ಎಂದು ಹೇಳುತ್ತಾರೆ. ಅದಕ್ಕೆ, ನಾನು ಸಂಪೂರ್ಣವಾಗಿ ಒಪ್ಪುತ್ತೇನೆ, ಆದರೆ ಅದು ನೀನು (ರಾಧಿಕಾ) ನನ್ನ ಪಕ್ಕದಲ್ಲಿರುವಾಗ ಮಾತ್ರ. ನನ್ನ ಜಗತ್ತನ್ನು ಸುಂದರವಾಗಿಸಿದ್ದಕ್ಕಾಗಿ ಧನ್ಯವಾದಗಳು. ನಿನ್ನನ್ನು ಎಂದೆಂದಿಗೂ ಪ್ರೀತಿಸುತ್ತೇನೆ” ಎಂದು ಬರೆದುಕೊಂಡಿದ್ದಾರೆ. ಇದೀಗ, ರಾಧಿಕಾ ಮತ್ತು ಯಶ್ ಅವರು ಹಂಚಿಕೊಂಡಿರುವ ಫೋಟೋಗಳು ವೈರಲ್ ಆಗುತ್ತಿವೆ.