ಹೈದರಾಬಾದ್: ಪ್ರಭಾಸ್ ಅಭಿನಯದ ರಾಧೇ ಶ್ಯಾಮ್ ಚಿತ್ರವು ಜುಲೈ 30ರಂದು ಬಿಡುಗಡೆಯಾಗುತ್ತಿದೆ. ಆದರೆ, ಕರೊನಾ ಎರಡನೇ ಅಲೆ ಹೆಚ್ಚಾದ ಹಿನ್ನೆಲೆಯಲ್ಲಿ ಚಿತ್ರಪ್ರದರ್ಶನ ರದ್ದಾಗಿರುವುದರಿಂದ, ಚಿತ್ರ ಪೋಸ್ಟ್ಪೋನ್ ಆಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ನಟ ಸಲ್ಮಾನ್ ಖಾನ್ ಬಾಡಿಗಾರ್ಡ್ ಶೇರಾ ಸಂಬಳ ಓರ್ವ ಸಿಇಒಗಿಂತಲೂ ಹೆಚ್ಚಾ?
ಈ ಮಧ್ಯೆ, ಚಿತ್ರತಂಡವು ಒಂದೊಳ್ಳೆಯ ಕೆಲಸ ಮಾಡಿದೆ. ಚಿತ್ರಕ್ಕಾಗಿ ಹೈದರಾಬಾದ್ನಲ್ಲಿ ಒಂದು ಆಸ್ಪತ್ರೆಯ ಸೆಟ್ ಹಾಕಿಸಲಾಗಿತ್ತು. ಅದಕ್ಕಾಗಿ ಹಾಸಿಗೆ, ಮಂಚ, ಸ್ಟ್ರೆಚರ್, ಆಕ್ಸಿಜನ್ ಸಿಲಿಂಡರ್ಗಳು ಸೇರಿದಂತೆ ಆಸ್ಪತ್ರೆಗೆ ಬೇಕಾದ ಎಲ್ಲ ಸೌಲಭ್ಯಗಳನ್ನು ತರಿಸಲಾಗಿತ್ತು. ಈಗ ಆ ಎಲ್ಲ ಉಪಕರಣಗಳನ್ನು ಹೈದರಾಬಾದ್ನ ಒಂದು ಕೋವಿಡ್ ಆಸ್ಪತ್ರೆಗೆ ದಾನ ಮಾಡಲಾಗಿದೆ.
ಹೈದರಾಬಾದ್ನ ಕೋವಿಡ್ ಆಸ್ಪತ್ರೆಗಳಲ್ಲಿ ಬೆಡ್ ಸಿಗದೆ ಜನ ಒದ್ದಾಡುವಂತಾಗಿದೆ. ಹೇಗೂ ಚಿತ್ರಕ್ಕೆ ಇತ್ತೀಚೆಗೆ ಆಸ್ಪತ್ರೆಯ ಸೆಟ್ ಹಾಕಿಸಲಾಗಿತ್ತು. ಆಸ್ಪತ್ರೆಗೆ ಏನು ಬೇಕೋ ಅವೆಲ್ಲವನ್ನು ಹೊಸದಾಗಿ ತರಿಸಲಾಗಿತ್ತು. 70ರ ದಶಕದ ಇಟಲಿಯ ಒಂದು ಆಸ್ಪತ್ರೆಯಂತೆ ಈ ಸೆಟ್ ನಿರ್ಮಾಣ ಮಾಡಲಾಗಿತ್ತು.
ಈಗ ಹೇಗೂ ಚಿತ್ರೀಕರಣ ಮುಗಿದಿರುವುದರಿಂದ, ಪ್ರಾಪರ್ಟಿಗಳನ್ನು ಚಿತ್ರತಂಡ ಹಾಗೆಯೇ ಇಟ್ಟುಕೊಂಡಿತ್ತು. ಯಾವಾಗ, ಆಸ್ಪತ್ರೆಗಳಲ್ಲಿ ಅಭಾವ ಹೆಚ್ಚಿದೆ ಎಂಬ ವಿಷಯ ಗೊತ್ತಾಯಿತೋ, ತಕ್ಷಣವೇ ಆಸ್ಪತ್ರೆಯೊಂದಕ್ಕೆ ಆ ಪ್ರಾಪರ್ಟಿಗಳನ್ನು ದಾನ ಮಾಡಲಾಗಿದೆ. ಒಂಬತ್ತು ಟ್ರಕ್ಗಳಲ್ಲಿ 50 ಹಾಸಿಗೆಗಳು, ಸ್ಟ್ರೆಚರ್ ಮುಂತಾದವುಗಳನ್ನು ರವಾನಿಸಲಾಗಿದೆ.
ಇದನ್ನೂ ಓದಿ: ಆಕ್ಸಿಜನ್ ಮುಗೀತಿದೆ, ಯಾರೂ ಬರ್ತಿಲ್ಲ… ಮೃತ ನಟ ರಾಹುಲ್‌ನ ಹೃದಯವಿದ್ರಾವಕ ವಿಡಿಯೋ ಹಂಚಿಕೊಂಡ ಪತ್ನಿ
ರಾಧೇ ಶ್ಯಾಮ್ ಚಿತ್ರದಲ್ಲಿ ಪ್ರಭಾಸ್ಗೆ ನಾಯಕಿಯಾಗಿ ಪೂಜಾ ಹೆಗ್ಡೆ ನಟಿಸುತ್ತಿದ್ದು, ಮಿಕ್ಕಂತೆ ಮೈನೆ ಪ್ಯಾರ್ ಕಿಯಾ ಖ್ಯಾತಿಯ ಭಾಗ್ಯಶ್ರೀ, ಕೃಷ್ಣಂರಾಜು ಸೇರಿದಂತೆ ಹಲವು ಜನಪ್ರಿಯ ನಟ-ನಟಿಯರು ನಟಿಸಿದ್ದಾರೆ. ಚಿತ್ರವನ್ನು ರಾಧಾಕೃಷ್ಣ ಕುಮಾರ್ ನಿರ್ದೇಶಿಸುತ್ತಿದ್ದಾರೆ.