ಕನ್ನಡ ಚಿತ್ರಂಗದ ಅತ್ಯಂತ ಬ್ಯುಸಿ ನಟಿ ಎಂದರೆ ಅದು ರಚಿತಾ ರಾಮ್. ಈಗಾಗಲೇ ಅವರ ಅಭಿನಯದ ‘ಏಕ್ ಲವ್ ಯಾ’, ‘100’, ‘ಸೂಪರ್ ಮಚ್ಚಿ’, ‘ರವಿ ಬೋಪಣ್ಣ’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದು, ಅವೆಲ್ಲಾ ಬಿಡುಗಡೆಯಾಗಬೇಕಿದೆ.
ಇದನ್ನೂ ಓದಿ: ಜೀವ ಉಳೀಬೇಕು ಅಂದ್ರೆ 35 ಕೋಟಿ ಕೊಡಿ … ಮಹೇಶ್ ಮಂಜ್ರೇಕರ್ಗೆ ಬೆದರಿಕೆ
ಈ ಮಧ್ಯೆ ಅವರು ‘ಏಪ್ರಿಲ್’, ‘ವೀರಂ’, ‘ಮಾನ್ಸೂನ್ ರಾಗ’, ‘ಸೀರೆ’ ಮತ್ತು ‘ಕೊಲಮಾವು ಕೋಕಿಲ’ ಚಿತ್ರದ ಕನ್ನಡ ರೀಮೇಕ್ನಲ್ಲಿ ಅವರು ನಟಿಸುವುದಕ್ಕೆ ಒಪ್ಪಿಕೊಂಡಿದ್ದು, ಈ ಚಿತ್ರಗಳು ಮುಂದಿನ ದಿನಗಳಲ್ಲಿ ಒಂದರಹಿಂದೊಂದು ಪ್ರಾರಂಭವಾಗಲಿದೆ.
ಇದೆಲ್ಲದರ ಜತೆಗೆ, ರಚಿತಾ ಇನ್ನೂ ಒಂದು ಹೊಸ ಚಿತ್ರವೊಂದನ್ನು ಒಪ್ಪಿಕೊಂಡಿದ್ದಾರೆ. ವಿಶೇಷವೆಂದರೆ, ದಿನೇಶ್ ಬಾಬು ನಿರ್ದೇಶನದ 50ನೇ ಚಿತ್ರ ಇದಾಗಿದ್ದು, ಈ ಚಿತ್ರಕ್ಕೆ ಶುಕ್ರವಾರ ಚಾಲನೆ ಸಿಗಲಿದೆ, ಈ ಹೆಸರಿಡದ ಚಿತ್ರವನ್ನು ರವೀಶ್ ಆರ್ ಸಿ ಮತ್ತು ರುಬಿನ್ ರಾಜ್ ಜತೆಯಾಗಿ ನಿರ್ಮಿಸುತ್ತಿದ್ದಾರೆ. ಪಿ.ಕೆ.ಎಚ್. ದಾಸ್ ಛಾಯಾಗ್ರಹಣ ಮಾಡಿದರೆ, ಗುಮ್ಮಿನೇನಿ ವಿಜಯ್ ಚಿತ್ರಕ್ಕೆ ಸಂಗೀತ ಸಂಯೋಜಿಸುತ್ತಿದ್ದಾರೆ.
ಅಂದಹಾಗೆ, ಈ ಚಿತ್ರವನ್ನು ನಿರ್ದೇಶಿಸುವುದರ ಜತೆಗೆ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆಯನ್ನೂ ರಚಿಸುತ್ತಿದ್ದಾರೆ ದಿನೇಶ್ ಬಾಬು. ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ಇದೊಂದು ಪ್ಯಾರಾ ನಾರ್ಮಲ್ ಆಕ್ಟಿವಿಟಿ ಇರುವ ಚಿತ್ರ ಎನ್ನುತ್ತಾರೆ. ‘ಈ ಹಿಂದೆ ‘ಕನಕಾಂಬರಿ’ ಎಂಬ ಹಾರರ್ ಚಿತ್ರ ಮಾಡಿದ್ದೆ. ಆದರೆ, ಅತೀಂದ್ರಿಯ ಶಕ್ತಿಯ ಬಗ್ಗೆ ಇದುವರೆಗೂ ಚಿತ್ರ ಮಾಡಿರಲಿಲ್ಲ. ಈ ಚಿತ್ರದಲ್ಲಿ ಅಂಥದ್ದೊಂದು ಕಥೆ ಮಾಡಿಕೊಂಡಿದ್ದೇನೆ. ಚಿತ್ರಕ್ಕಾಗಿ ಒಂದು ಮನೆಯ ಹುಡುಕಾಟ ನಡೆದಿದ್ದು, ಸೆಪ್ಟೆಂಬರ್ ಕೊನೆಯಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ’ ಎನ್ನುತ್ತಾರೆ.
ಇದನ್ನೂ ಓದಿ: ‘ಕ್ಷಮಿಸು ಬಾಬು.. ಎಂದು ಯಾಕೆ ಹೇಳಿದೆ..ಜೂ.14ರಂದು ಏನಾಯಿತು?’-ಎಳೆಎಳೆಯಾಗಿ ಬಿಚ್ಚಿಟ್ಟ ರಿಯಾ ಚಕ್ರವರ್ತಿ
ಈ ಚಿತ್ರದ ಹೆಸರನ್ನು ಸದ್ಯಕ್ಕೆ ಗೌಪ್ಯವಾಗಿ ಇಡಲಾಗಿದ್ದು, ಶುಕ್ರವಾರ ಮುಹೂರ್ತದ ಸಂದರ್ಭದಲ್ಲಿ ಚಿತ್ರದ ಹೆಸರನ್ನು ಅನಾವರಣಗೊಳಿಸಲಾಗುತ್ತದೆ.