ಚೆನ್ನೈ: ಮಹಿಳೆಯರೊಂದಿಗೆ ಪಬ್ಜಿ ಆಡುತ್ತಾ ಅವರೊಂದಿಗೆ ಅಶ್ಲೀಲವಾಗಿ ಮಾತನಾಡುತ್ತಿದ್ದ ಆಡಿಯೋವನ್ನು ಯೂಟ್ಯೂಬ್ನಲ್ಲಿ ಅಪ್ಲೋಡ್ ಮಾಡಿ ಭಾರೀ ಲಾಭ ಮಾಡುತ್ತಿದ್ದ ಪಬ್ಜಿ ಮದನ್ ಬಂಧನವಾಗಿರುವ ಎಲ್ಲರಿಗೂ ಗೊತ್ತೇ ಇದೆ. ಇದೀಗ ಆತನ ಪತ್ನಿ ಕೃತಿಕ ಪತ್ರಿಕಾಗೋಷ್ಠಿಯಲ್ಲಿ ಗಂಡನ ಪರವಾಗಿ ಮಾತನಾಡಿದ್ದು, ಸೈಬರ್ ಕ್ರೈಂ ಪೊಲೀಸರ ವಿರುದ್ಧ ಹರಿಹಾಯ್ದಿದ್ದಾರೆ.
ಜುಲೈ 6ರಂದು ಕೃತಿಕಾ ಪತ್ರಿಕಾಗೋಷ್ಠಿ ನಡೆಸಿದ್ದಾರೆ. ನನ್ನ ಪತಿ ಮದನ್ ದಿನವೊಂದಕ್ಕೆ 20 ಗಂಟೆಗಳ ಕಾಲ ಕೆಲಸ ಮಾಡುತ್ತಿದ್ದರು. ಇದೀಗ ಸೈಬರ್ ಕ್ರೈಂ ಪೊಲೀಸರು ಪತಿಯ ಯೂಟ್ಯೂಬ್ ಚಾನೆಲ್ಗಳನ್ನು ನಿಷ್ಕ್ರಿಯಗೊಳಿಸಿರುವುದರಿಂದ ನಮ್ಮ ಆದಾಯದ ಮೇಲೆ ಹೊಡೆತ ಬಿದ್ದು, ಜೀವನ ನಿರ್ವಹಿಸುವುದು ಕಷ್ಟಕರವಾಗಿದೆ ಎಂದು ಹೇಳಿದ್ದಾರೆ.
ಪಬ್ಜಿ ಮದನ್ ಎಂದೇ ಖ್ಯಾತಿಯಾಗಿರುವ ಮದನ್ ಚೆನ್ನೈ ಪ್ರಖ್ಯಾತ ಯೂಟ್ಯೂಬರ್. ಈತ ತನ್ನ ಆನ್ಲೈನ್ ಗೇಮಿಂಗ್ ಚಾನೆಲ್ಗಳಲ್ಲಿ ಅಶ್ಲೀಯ ಪದಗಳನ್ನು ಬಳಸುತ್ತಿದ್ದ. ಆತನ ಚಾನೆಲ್ನಲ್ಲಿ ಕಿರಿಯ ವಯಸ್ಸಿನ ಮಕ್ಕಳೇ ಅತಿ ಹೆಚ್ಚು ಚಂದಾದಾರರಾಗಿದ್ದರಿಂದ ಈ ಬಗ್ಗೆ ದೂರು ದಾಖಲಾಗಿತ್ತು. ಇದಾದ ಬಳಿಕ ತಲೆಮರೆಸಿಕೊಂಡಿದ್ದ ಮದನ್ನನ್ನು ಜೂನ್ 18ರಂದು ಚೆನ್ನೈ ವಿಶೇಷ ಪೊಲೀಸ್ ತಂಡ ಬಂಧಿಸಿತ್ತು. ಜುಲೈ 3ರವರೆಗೆ ಆತನನ್ನು ಕಸ್ಟಡಿಯಲ್ಲಿ ಇಟ್ಟುಕೊಳ್ಳಲಾಗಿತ್ತು. ಇದರ ನಡುವೆ ಸಿಸಿಬಿ ಜೂನ್ 20ರಂದು ಮದನ್ನ ಎಲ್ಲ ಯೂಟ್ಯೂಬ್ ಚಾನೆಲ್ಗಳನ್ನು ಬ್ಲಾಕ್ ಮಾಡಿ ವಿಡಿಯೋಗಳನ್ನು ಡಿಲೀಟ್ ಮಾಡಿತು.
ಬಳಿಕ ಮದನ್ ನಂಬರ್ ಜಾಡು ಹಿಡಿದ ಆತನ ಪತ್ನಿ ಕೃತಿಕಾಳನ್ನು ಸೇಲಂನ ಅತ್ತೆ ಮನೆಯಲ್ಲಿ ಜೂನ್ 16ರಂದು ಬಂಧಿಸಲಾಗಿತ್ತು. ಇದಾದ ಬಳಿಕ ಕೃತಿಕಾಗೆ ಜೂನ್ 29ರಂದು ಜಾಮೀನು ಸಿಕ್ಕಿ ಹೊರಬಂದಿದ್ದರು. ಮಗು ಇದ್ದ ಕಾರಣ ಆಕೆಗೆ ಬೇಗ ಜಾಮೀನು ದೊರಕಿದೆ.
ಹೆಚ್ಚಿನ ಚಂದಾದಾರರನ್ನು ಸೆಳೆಯಲು ಪಬ್ಜಿ ಮದನ್ ಅಶ್ಲೀಲ ಮಾತುಗಳುಳ್ಳ ವಿಡಿಯೋಗಳನ್ನು ಅಪ್ಲೋಡ್ ಮಾಡುತ್ತಿದ್ದ. ಯೂಟ್ಯೂಬ್ನಿಂದಲೇ ಮದನ್ ಕೋಟ್ಯಾಂತರ ರೂಪಾಯಿ ಹಣವನ್ನು ಮಾಡಿದ್ದಾನೆ. ಇದರ ನಡುವೆ ಆತನ ಜಾಮೀನು ಸಹ ನಿರಾಕರಣೆ ಆಗಿದೆ. ಮದನ್ ಮೇಲೆ ಚೆನ್ನೈ ಪೊಲೀಸರು ಜುಲೈ 6ರಂದು ಗೂಂಡಾ ಕಾಯ್ದೆಯನ್ನು ದಾಖಲಿಸಿದ್ದಾರೆ.
ಇದರ ನಡುವೆ ಚೆನ್ನೈನ ಪೊಲೀಸ್ ಆಯುಕ್ತರ ಕಚೇರಿಗೆ ಬಂದ ಮದನ್ ಪತ್ನಿ ಕೃತಿಕಾ ವಿಚಾರಣೆ ಎದುರಿಸಿದ್ದಾಳೆ. ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಆಕೆ, ನನ್ನ ಗಂಡನ ಯೂಟ್ಯೂಬ್ ಚಾನೆಲ್ಗಳನ್ನು ನಿಷ್ಕ್ರಿಯಗೊಳಿಸಿರುವುದರಿಂದ ನಮ್ಮ ಜೀವನ ನಿರ್ವಹಣೆಯ ಮೇಲೆ ಹೊಡೆತ ಬಿದ್ದಿದೆ. ನಮ್ಮ ಬಳಿ ಯಾವುದೇ ಐಷಾರಾಮಿ ಕಾರಿಲ್ಲ. ಇರುವುದೊಂದೆ ಆಡಿ ಎ6 ಕಾರು ಎಂದು ಎಂದು ಪೊಲೀಸರಿಗೆ ಹೇಳಿಕೆ ನೀಡಿರುವುದಾಗಿ ತಿಳಿಸಿದ್ದಾರೆ.
ಇದೀಗ ಕೃತಿಕಾ ಹೇಳಿದ ಮಾತುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಮಾಡಲಾಗುತ್ತಿದೆ. ಐಷಾರಾಮಿ ಕಾರಿಲ್ಲ ಬದಲಾಗಿ ಆಡಿ ಕಾರಿದೆ ಎಂದು ಹೇಳಿರುವುದು ನಗೆಪಾಟಿಲಿಗೆ ಕಾರಣವಾಗಿದೆ. ಆಡಿ ಕಾರು ಕೂಡ ಐಷಾರಾಮಿ ಕಾರುಗಳಲ್ಲಿ ಒಂದಾಗಿರುವುದರಿಂದ ಕೃತಿಕಾ ಹೇಳಿಕೆಯನ್ನು ಸಿಕ್ಕಾಪಟ್ಟೆ ಟ್ರೋಲ್ ಮಾಡಲಾಗುತ್ತಿದೆ. (ಏಜೆನ್ಸೀಸ್)
ಸೆಕ್ಸ್ ಬಗ್ಗೆ ಮಾತಾಡೋ ಹುಡ್ಗಿರ್ಗೆ 5 ಲಕ್ಷ! 3 ವರ್ಷದಲ್ಲಿ 75 ಕೋಟಿ ಗಳಿಸಿ ತಗ್ಲಾಕೊಂಡ ಯೂಟ್ಯೂಬರ್ ದಂಪತಿ
ಪಬ್ಜಿ ಲೈವ್ ಸ್ಟ್ರೀಮಿಂಗ್ನಲ್ಲಿ ಅಶ್ಲೀಲತೆ: ಚೆನ್ನೈ ಮೂಲದ ಯೂಟ್ಯೂಬರ್ ದಂಪತಿಯ ಬಂಧನ!