ಮುಂಬೈ: ನೀಲಿ ಚಿತ್ರದ ದಂಧೆಯಲ್ಲಿ ಉದ್ಯಮಿ ಹಾಗೂ ಖ್ಯಾತ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ಬಂಧನವಾಗುತ್ತಿದ್ದಂತೆ ಅವರ ವಿರುದ್ಧ ಒಂದೊಂದೆ ಆರೋಪಗಳು ಹೊರಬರುತ್ತಿವೆ. ಇದೀಗ ಮಾಡೆಲ್ ಕಂ ನಟಿ ಸಾಗರಿಕ ಸೋನಾ ಸುಮನ್ ಗಂಭೀರ ಆರೋಪ ಮಾಡಿದ್ದಾರೆ.
ರಾಜ್ ಕುಂದ್ರಾ ನಿರ್ಮಾಣದ ವೆಬ್ ಸರಣಿಯಲ್ಲಿ ನಟಿಸಲು ನನಗೆ ಉಮೇಶ್ ಕಾಮತ್ ಎಂಬುವರು ಕರೆ ಮಾಡಿದ್ದರು. ವಿಡಿಯೋ ಕಾಲ್ನಲ್ಲಿ ಬೆತ್ತಲೆ ಆಡಿಷನ್ ನೀಡುವಂತೆ ಕೇಳಿದ್ದರು ಎಂದು ಸಾಗರಿಕ ಆರೋಪಿಸಿದ್ದಾರೆ.
ಬ್ಲೂಫಿಲ್ಮ್ ದಂಧೆಯಲ್ಲಿ ಉಮೇಶ್ ಕಾಮತ್ ಕೂಡ ಮುಂಬೈ ಪೊಲೀಸರಿಂದ ಬಂಧನವಾಗಿದ್ದಾರೆ. ಕಾಮತ್, ರಾಜ್ ಕುಂದ್ರಾ ಕಂಪನಿಯ ಮಾಜಿ ಉದ್ಯೋಗಿ. ಮಾಡೆಲ್ ಕಂ ನಟಿ ಹಾಗೂ ಪ್ರಕರಣದ ಮತ್ತೊಬ್ಬ ಆರೋಪಿ ಗೆಹ್ನಾ ವಸಿಸ್ಟ್ ನೀಡಿದ 8 ಅಶ್ಲೀಲ ವಿಡಿಯೋಗಳನ್ನು ಆ್ಯಪ್ನಲ್ಲಿ ಅಪ್ಲೋಡ್ ಮಾಡಿದ ಆರೋಪ ಕಾಮತ್ ಮೇಲಿದೆ.
ಯುಕೆ ಪ್ರೊಡಕ್ಷನ್ ಕಂಪನಿ ಕೆನ್ರಿನ್ನಲ್ಲಿ ರಾಜ್ ಕುಂದ್ರಾ ಪಾಲು ಇರುವುದು ಬೆಳಕಿಗೆ ಬಂದಿದ್ದು, ಆ ಕಂಪನಿಯಲ್ಲಿ ಕಾಮತ್ ಕೆಲಸ ಮಾಡುತ್ತಿದ್ದರು. ಇನ್ನು ಪ್ರಕರಣದಲ್ಲಿ ಗೆಹ್ನಾ ವಸಿಸ್ಟ್ ಜಾಮೀನಿನ ಮೇಲೆ ಹೊರಗಿದ್ದಾರೆ. ಗೆಹಾನಾ ವಸಿಸ್ಟ್ ಬಂಧನವಾದ ಬಳಿಕ, ಫೆಬ್ರವರಿಯಲ್ಲಿ ಮಾಡೆಲ್ ಕಂ ನಟಿ ಸಾಗರಿಕ ಸೋನಾ ಸುಮನ್ ಮಾತನಾಡಿ, ರಾಜ್ ಕುಂದ್ರಾ ಬೆತ್ತಲೆ ಆಡಿಷನ್ಗೆ ನನ್ನನ್ನು ಕೇಳಿದ್ದರು ಎಂದು ಆರೋಪಿಸಿದ್ದಾರೆ.
ಇದೀಗ ಸಾಗರಿಕಾ ಹೇಳಿಕೆ ದಾಖಲಿಸಿಕೊಳ್ಳಲು ಮುಂಬೈ ಪೊಲೀಸರು ನೋಟಿಸ್ ನೋಡಿದ್ದಾರೆ. ಆದರೆ, ಆಕೆ ವಿಚಾರಣೆಗೆ ಹಾಜರಾಗಿಲ್ಲ. ಒಂದು ವೇಳೆ ಆಕೆ ಮುಂದೆ ಬಂದರೆ ಹೇಳಿಕೆಯನ್ನು ದಾಖಲಿಸಲಿದ್ದಾರೆ. (ಏಜೆನ್ಸೀಸ್)
ಬ್ಲೂ ಫಿಲ್ಮ್ ದಂಧೆಯಲ್ಲಿ ರಾಜ್ ಕುಂದ್ರಾ ಸಿಕ್ಕಿಬಿದ್ದಿದ್ಹೇಗೆ? ಮುಂಬೈನ ಕರಾಳ ಲೋಕ ಬಿಚ್ಚಿಟ್ಟ ಪೊಲೀಸ್ ಆಯುಕ್ತ!
ಸಾಕಪ್ಪ ಸಾಕು ರಾಜ್ ಕುಂದ್ರಾ ಸಹವಾಸ: 2019ರಲ್ಲಿ ನಡೆದ ಕರಾಳ ಘಟನೆ ಬಿಚ್ಚಿಟ್ಟ ಪೂನಂ ಪಾಂಡೆ..!
BBK8: ಎಂಟು ಸ್ಪರ್ಧಿಗಳಿಗೆ ಗೊತ್ತಾಗಿದೆ ಬಿಗ್ಬಾಸ್ ಸೀಸನ್ 8ರ ವಿನ್ನರ್ ನೇಮ್..!