ಹೈದರಾಬಾದ್: ವರದನಾಯಕ, ಡಕೋಟಾ ಪಿಕ್ಚರ್ ಮತ್ತು ಲವ್ ಯು ಆಲಿಯಾ ಸಿನಿಮಾಗಳಲ್ಲಿ ನಟಿಸಿ ಕನ್ನಡಿಗರಿಗೂ ಪರಿಚಿತವಾಗಿರುವ ನಟಿ ನಿಕೇಶಾ ಪಟೇಲ್, ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಟಾಲಿವುಡ್ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ ಎಸ್.ಎಸ್. ರಾಜಮೌಳಿ ನಿರ್ದೇಶನದ ಹಾಗೂ ಜೂ. ಎನ್ಟಿಆರ್ ಮತ್ತು ರಾಮ್ಚರಣ್ ಅಭಿನಯದ “ಆರ್ಆರ್ಆರ್” ಸಿನಿಮಾ ಬಗ್ಗೆ ನಿಕೇಶಾ ಅವರು ಮಾಡಿರುವ ಟ್ವೀಟ್ ಇದೀಗ ಉಭಯ ನಟರ ಅಭಿಮಾನಿಗಳ ಕೋಪಕ್ಕೆ ಕಾರಣವಾಗಿದೆ.
ಆರ್ಆರ್ಆರ್ ಸಿನಿಮಾವನ್ನು ನೋಡಿ ಅನೇಕರು ಕೊಂಡಾಡಿದ್ದಾರೆ. ಹಾಲಿವುಡ್ನಲ್ಲೂ ನಿರ್ದೇಶಕ ರಾಜಮೌಳಿ ಅವರಿಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಬಾಕ್ಸ್ಆಫೀಸ್ನಲ್ಲೂ ಸಹ ಈ ಸಿನಿಮಾ 1000 ಕೋಟಿ ರೂಪಾಯಿಗು ಅಧಿಕ ಕಲೆಕ್ಸನ್ ಮಾಡಿ, ದಾಖಲೆ ಬರೆದಿದೆ. ಭರ್ಜರಿ ಯಶಸ್ಸು ಕಂಡಿರುವ ಆರ್ಆರ್ಆರ್ ಸಿನಿಮಾ ಬಗ್ಗೆ ಇದೀಗ ನಿಕೇಶಾ ಆಡಿರುವ ಮಾತು ಎನ್ಟಿಆರ್ ಮತ್ತು ರಾಮ್ಚರಣ್ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ.
ಇತ್ತೀಚೆಗೆ ಸಿನಿಮಾ ನೋಡಿ ಟ್ವೀಟ್ ಮಾಡಿರುವ ನಿಕೇಶಾ, ನಾನು ಈಗಷ್ಟೇ ಆರ್ಆರ್ಆರ್ ಸಿನಿಮಾವನ್ನು ನೋಡಿದೆ. ನನಗೆ ಸಿನಿಮಾ ಇಷ್ಟವಾಗಲಿಲ್ಲ. ನನಗೆ ಹೇಳಬೇಕು ಅನಿಸಿತು ಅದಕ್ಕೆ ಹೇಳಿದೆ. ನೀವು ನೋಡುವ ಎಲ್ಲ ಸಿನಿಮಾವನ್ನು ನೀವು ಇಷ್ಟಪಡಬೇಕು ಅಂತೇನಿಲ್ಲ. ಪ್ರತಿಯೊಬ್ಬರಿಗು ಅವರದೇಯಾದ ಒಂದು ಅಭಿಪ್ರಾಯವನ್ನು ಹೊಂದಿರುತ್ತಾರೆ ಎಂದು ನಿಕೇಶಾ ಹೇಳಿದ್ದಾರೆ.
So I just watched RRR and I didn’t like the film. There I just said it. You don’t have to like each film you watch . Each to there own opinion. #RRR #RRRMovie
— Nikesha Patel (@NikeshaPatel) October 4, 2022
ಇದೀಗ ನಿಕೇಶಾ ಆಡಿರುವ ಮಾತನ್ನು ಉಲ್ಲೇಖಿಸಿ ಎನ್ಟಿಆರ್ ಮತ್ತು ರಾಮ್ಚರಣ್ ಅಭಿಮಾನಿಗಳು ಸಿಕ್ಕಾಪಟ್ಟೆ ಟ್ರೋಲ್ ಮಾಡುತ್ತಿದ್ದಾರೆ. ನಿಮ್ಮ ಸಿನಿಮಾಗಳನ್ನು ಸಹ ನಾವು ನೋಡಿದ್ದೇವೆ. ನಿಮ್ಮ ನಟನೆ ತುಂಬಾ ಕಳಪೆಯಾಗಿದೆ. ಇದು ನಮ್ಮ ಅಭಿಪ್ರಾಯವಷ್ಟೇ ಎಂದು ನಿಕೇಶಾ ಪಟೇಲ್ ಅವರಿಗೆ ನೆಟ್ಟಿಗರು ಟಾಂಗ್ ಕೊಟ್ಟಿದ್ದಾರೆ. ಅಲ್ಲದೆ, ನಿಕೇಶಾ ಅವರ ಪುಲಿ ಸಿನಿಮಾದ ಹೀನಾಯ ಸೋಲನ್ನು ಮರು ನೆನಪಿಸಿ, ಕಾಲೆಳೆಯುತ್ತಿದ್ದಾರೆ.
ಅಂದಹಾಗೆ ನಿಕೇಶಾ ಕೈಯಲ್ಲಿ ಸದ್ಯ ಯಾವುದೇ ಸಿನಿಮಾಗಳಿಲ್ಲ. ಯಾರಾದರೂ ಅವಕಾಶ ನೀಡಿದರೆ, ಸಿನಿ ರಂಗದಲ್ಲಿ ಎರಡನೇ ಇನ್ನಿಂಗ್ಸ್ ಆರಂಭಿಸಲು ನಿಕೇಶಾ ರೆಡಿಯಾಗಿದ್ದಾರೆ. (ಏಜೆನ್ಸೀಸ್)
ಹಾಟ್ ಫೋಟೋ ಹರಿಬಿಟ್ಟ ವರದನಾಯಕ ಸಿನಿಮಾ ಖ್ಯಾತಿಯ ನಟಿ ನಿಕೇಶಾ ಪಟೇಲ್!
VIDEO: ದೇಶದ ಗಮನ ಸೆಳೆದ ಬೆಂಗಳೂರಿನ ಗಲ್ಲಿ ಕ್ರಿಕೆಟ್: ವ್ಹಾರೆವ್ಹಾ ಎಂದ ಪ್ರಧಾನಿ ಮೋದಿ! ಏನು ವಿಶೇಷ ಅಂತೀರಾ?
ತುಮಕೂರಲ್ಲಿ ಹಾಡಹಗಲೇ ಕುಡಿದ ಮತ್ತಿನಲ್ಲಿ ನಾಗರಹಾವನ್ನ ಕೈಗೆ ಸುತ್ತಿಕೊಂಡು ಓಡಾಡಿದ ಯುವಕ! ಮುಂದೇನಾಯ್ತು?