ವಿಜಯವಾಡ: ಬೈಕ್ನಲ್ಲಿ ಬರುತ್ತಿದ್ದ ಸಬ್ ಇನ್ಸ್ಪೆಕ್ಟರ್ ಮೇಲೆ ಅನುಮಾನ ಮೂಡಿ ಆತನನ್ನು ತಡೆದು ಪೊಲೀಸರು ಪರಿಶೀಲನೆ ನಡೆಸುವಾಗ ಎಲ್ಲರು ಶಾಕ್ ಆಗುವಂತಹ ಸಂಗತಿ ಬಯಲಾದ ಘಟನೆ ಆಂಧ್ರ ಪ್ರದೇಶದಲ್ಲಿ ನಡೆದಿದೆ.
ಶಾಕಿಂಗ್ ವಿಚಾರವೆಂದರೆ, ಪರಿಶೀಲನೆ ನಡೆಸಿದಾಗ ಆತ ಒರಿಜಿನಲ್ ಪೊಲೀಸ್ ಅಲ್ಲ, ಅವನೊಬ್ಬ ನಕಲಿ ಪೊಲೀಸ್ ಎಂಬುದು ಗೊತ್ತಾಗಿದ್ದು, ವಿಶಾಖಪಟ್ಟಣದ ಅಂಕಪಲ್ಲಿ ಪಟ್ಟಣ ಪೊಲೀಸರು ನಕಲಿ ಎಸ್ಐನನ್ನು ಬಂಧಿಸಿದ್ದಾರೆ. ಬಂಧಿತನನ್ನು ಪುಡಿ ಮಹೇಶ್ ಅಲಿಯಾಸ್ ಮತ್ಸ್ಯರಾಜು ಎಂದು ಗುರುತಿಸಲಾಗಿದೆ. ಈತ ಆಂಧ್ರದ ಚಿಡಿಕಡಾ ಮಂಡಲದ ವೀರಭದ್ರ ರಾವ್ ಪೇಟಾ ಗ್ರಾಮದ ನಿವಾಸಿ.
ಪೊಲೀಸರಿಗೆ ಸಿಕ್ಕಿಬಿದ್ದ ಬಳಿಕ ಎಸ್ಕೇಪ್ ಆಗಲು ನಕಲಿ ಎಸ್ಐ ಪ್ರಯತ್ನಿಸಿದಾದರೂ ಅದು ಸಾಧ್ಯವಾಗಲಿಲ್ಲ. ಪೊಲೀಸ್ ಯೂನಿಫಾರ್ಮ್, ಸ್ಟಾರ್ಸ್ ಮತ್ತು ವಿಸಲ್ ಗಾರ್ಡ್ ಎಲ್ಲವನ್ನು ಖರೀದಿಸಿದ್ದಾನೆ. ಸಿನಿಮಾ ಶೂಟಿಂಗ್ಗಾಗಿ ಎಸ್ಐ ವೇಷ ದೋರೆಯುವ ವಿಶಾಖಪಟ್ಟಣಂ ಮಾರ್ಕೆಟ್ನಲ್ಲಿ ಎಲ್ಲವನ್ನು ಖರೀದಿ ಮಾಡಿದ್ದಾನೆ.
ಯೂನಿಫಾರ್ಮ್ ಮಾತ್ರವಲ್ಲ ಆರೋಪಿ ನಕಲಿ ಐಡಿ ಕೂಡ ಸೃಷ್ಟಿ ಮಾಡಿಕೊಂಡಿದ್ದಾನೆ. ಡ್ರೈವಿಂಗ್ ಲೈಸೆನ್ಸ್ ಪಡೆದುಕೊಳ್ಳಲು ಆರೋಪಿ ಯೂನಿಫಾರ್ಮ್ನಲ್ಲೇ ಆರ್ಟಿಒ ಕಚೇರಿಗೆ ಹೋಗಿದ್ದ. ಗುರುವಾರ ಅಂಕಪಲ್ಲಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬೈಕ್ ರೈಡ್ ಮಾಡುವಾಗ ಅನುಮಾನ ಬಂದ ಹಿನ್ನೆಲೆಯಲ್ಲಿ ಮಹೇಶ್ನನ್ನು ಬಂಧಿಸಲಾಗಿದೆ. ಆರೋಪಿ ಮೇಲೆ ವಂಚನೆ ಪ್ರಕರಣವನ್ನು ದಾಖಲಿಸಲಾಗಿದೆ. (ಏಜೆನ್ಸೀಸ್)
ಮೈಸೂರಿನಲ್ಲಿ ವಿದ್ಯಾರ್ಥಿನಿ ಮೇಲೆ ಹಲ್ಲೆ-ಅತ್ಯಾಚಾರ ಯತ್ನ ಕೇಸ್: ತಾನೇ ಎಣೆದ ಬಲೆಗೆ ಸಿಲುಕಿಕೊಂಡ ಯುವತಿ?
ಹಾಸ್ಟೆಲ್ ರಹಸ್ಯ ಮುಚ್ಚಿಕೊಳ್ಳಲು ಯುವತಿಯ ನಾಟಕ: ಮೈಸೂರು ವಿದ್ಯಾರ್ಥಿನಿ ಅತ್ಯಾಚಾರ ಯತ್ನ ಕೇಸ್ಗೆ ಟ್ವಿಸ್ಟ್!
ಪಕ್ಕದಲ್ಲಿ ಖಾಲಿ ಇದೆ ಯಾರಾದ್ರೂ ಬರ್ತೀರಾ? ನೆಟ್ಟಿಗರಿಗೆ ಮಾಜಿ ನೀಲಿ ತಾರೆಯ ಬಿಗ್ ಆಫರ್!