ಕಾಬುಲ್: ತಾಲಿಬಾನ್ ಕಪಿಮುಷ್ಠಿಯಲ್ಲಿ ಸಿಲುಕಿರುವ ಆಫ್ಘಾನ್ ಜನರು ನಿತ್ಯವೂ ಜೀವ ಕೈಯಲ್ಲಿ ಹಿಡಿದು ಬದುಕುವಂತಹ ಸ್ಥಿತಿ ನಿರ್ಮಾಣ ಆಗಿದೆ. ಕಳೆದ 4 ದಿನಗಳಲ್ಲಿ ಕಾಬುಲ್ ಏರ್ಪೋರ್ಟ್ ವ್ಯಾಪ್ತಿ ಒಂದರಲ್ಲಿ ತಾಲಿಬಾನಿಗಳ ಗುಂಡೇಟಿಗೆ 12 ಮಂದಿ ಪ್ರಾಣ ಬಿಟ್ಟಿದ್ದಾರೆ. ಅಲ್ಲದೆ, ತಾಲಿಬಾನಿಗಳು ಕೈಯಲ್ಲಿ ಶಸ್ತ್ರಾಸ್ತ್ರಗಳನ್ನು ಹಿಡಿದು ಓಡಾಡುತ್ತಿರುವ ದೃಶ್ಯ ಎಂಥವರ ಎದೆಯಲ್ಲಿ ನಡುಕ ಹುಟ್ಟಿಸುವಂತಿದ್ದು, ಅಕ್ಷರಶಃ ಆಫ್ಘಾನ್, ತಾಲಿಬಾನ್ ಅಡಿಯಲ್ಲಿ ನರಕವಾಗಿದೆ.
ತಾಜಾ ಬೆಳವಣಿಗೆ ಎಂಬಂತೆ ತಾಲಿಬಾನ್ ಉಗ್ರರು ದ್ವೇಷದ ಹಾದಿಯನ್ನು ತುಳಿದಿದ್ದು, ಈ ಹಿಂದೆ ತಮ್ಮ ವಿರುದ್ಧದ ಕಾರ್ಯಾಚರಣೆಯಲ್ಲಿ ಅಮೆರಿಕ ಸೇನಾಪಡೆಗಳಿಗೆ ಸಹಾಯ ಮಾಡಿದ್ದವರ ಮನೆಯನ್ನು ಹುಡುಕಿ…ಹುಡುಕಿ ಭೀಕರ ಶಿಕ್ಷೆಯನ್ನು ನೀಡುತ್ತಿದ್ದಾರೆ.
ಫಾಕ್ಸ್ ನ್ಯೂಸ್ಗೆ ಸಂದರ್ಶನ ನೀಡಿರುವ ನಿವೃತ್ತ ನೌಕಾ ಸಾರ್ಜೆಂಟ್ ರಿಯಾನ್ ರೋಜರ್ಸ್, 2010ರಲ್ಲಿ ಕಾಬುಲ್ನ ಹೆಲ್ಮಾಂಡ್ ಪ್ರಾಂತ್ಯದಲ್ಲಿ ಕೆಲಸ ಮಾಡುತ್ತಿದ್ದಾಗ ಅವರ ಜತೆ ಕಾರ್ಯನಿರ್ವಹಿಸುತ್ತಿದ್ದ ವ್ಯಾಖ್ಯಾನಕಾರ ಪ್ರಸ್ತುತ ತಾಲಿಬಾನ್ ಬಲೆಯಲ್ಲಿ ಸಿಲುಕಿದ್ದಾರೆ ಎಂದು ತಿಳಿಸಿದ್ದಾರೆ.
ನಿನ್ನೆ ಅವರು ನನ್ನೊಂದಿಗೆ ಮಾತನಾಡಿದರು. ಆಫ್ಘಾನ್ ರಾಷ್ಟ್ರೀ ಸೇನೆಯ ಮೂವರು ಕಮಾಂಡರ್ಗಳನ್ನು ನಿನ್ನೆಯಷ್ಟೇ ತಾಲಿಬಾನಿಗಳು ಗಲ್ಲಿಗೇರಿಸಿದರು ಎಂಬ ಮಾಹಿತಿ ನೀಡಿದರು. ಅಮೆರಿಕ ಸೇನೆಗೆ ಸಹಕರಿಸಿದವರ ಪ್ರತಿಯೊಬ್ಬರ ಮನೆಯ ಬಾಗಿಲು ಬಡಿಯುತ್ತಿರುವ ತಾಲಿಬಾನಿಗಳು ಸಿಕ್ಕಿಕೊಂಡವರಿಗೆ ಕಠಿಣ ಶಿಕ್ಷೆಯನ್ನು ನೀಡುತ್ತಿದ್ದಾರುವ ಮಾಹಿತಿಯನ್ನು ವ್ಯಾಖ್ಯಾನಕಾರ ತಿಳಿಸಿದ್ದಾಗಿ ರಿಯಾನ್ ಫಾಕ್ಸ್ ನ್ಯೂಸ್ಗೆ ತಿಳಿಸಿದರು. (ಏಜೆನ್ಸೀಸ್)
ವಿಮಾನದಿಂದ ಕೆಳಗೆ ಬಿದ್ದವರ ಗುರುತು ಪತ್ತೆ: ಅಂದು ಮನೆಯ ಮೇಲೆ ನಡೆದ ಭಯಾನಕ ಘಟನೆ ಬಿಚ್ಚಿಟ್ಟ ಮಾಲೀಕ
ನಿಮ್ಮ ಕನ್ನಡ ಪ್ರೀತಿಗೆ ಚಿರಋಣಿ: ಮಗಳ ವಿಡಿಯೋಗೆ ಕನ್ನಡ ಹಾಡು ಹಾಕಿದ ವಾರ್ನರ್ಗೆ ಕನ್ನಡಿಗರ ಸಲಾಂ