ಮುಂಬೈ: ಬಾಲಿವುಡ್ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಕಾರ್ಯಕ್ರಮವನ್ನು ನಟಿ ತಾಪ್ಸಿ ಪನ್ನು ಲೇವಡಿ ಮಾಡಿದ್ದಾರೆ. ತಮ್ಮ ನಟನೆಯ ದೋಬಾರಾ ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ತೊಡಗಿರುವ ತಾಪ್ಸಿ, ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಕಾಫಿ ವಿತ್ ಕರಣ್ ಕಾರ್ಯಕ್ರಮ ವಿರುದ್ಧ ವಾಗ್ದಾಳಿ ನಡೆಸಿದರು.
ನಿಮ್ಮನ್ಯಾಕೆ ಕಾಫಿ ವಿತ್ ಕರಣ್ ಕಾರ್ಯಕ್ರಮಕ್ಕೆ ಆಹ್ವಾನಿಸುವುದಿಲ್ಲ ಎಂದು ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ ತಾಪ್ಸಿ, ಕರಣ್ ಜೋಹರ್ ಟಾಕ್ ಶೋಗೆ ನನ್ನನ್ನು ಆಹ್ವಾನಿಸುವಷ್ಟು ನನ್ನ ಲೈಂಗಿಕ ಜೀವನ ಆಸಕ್ತಿದಾಯಕವಾಗಿಲ್ಲದಿರಬಹುದು ಎಂದು ಹೇಳುವ ಮೂಲಕ ಕಾಫಿ ವಿತ್ ಕರಣ್ ಕಾರ್ಯಕ್ರಮದ ಬಗ್ಗೆ ವ್ಯಂಗ್ಯವಾಡಿದರು. ಏಕೆಂದರೆ, ಕರಣ್ ಜೋಹರ್ ನಡೆಸಿಕೊಡವ ಕಾರ್ಯಕ್ರಮದಲ್ಲಿ ಸಿನಿಮಾಗಿಂತ ಸೆಲೆಬ್ರಿಟಿಗಳ ಸೆಕ್ಸ್ ಲೈಫ್ ಬಗ್ಗೆಯೇ ಹೆಚ್ಚು ಮಾತನಾಡಲಾಗುತ್ತದೆ. ಈ ಕಾರಣದಿಂದ ತಾಪ್ಸಿ ಮೊನೆಚಾದ ಮಾತಿನ ಮೂಲಕವೇ ಕಾಫಿ ವಿತ್ ಕರಣ್ ಕಾರ್ಯಕ್ರಮದ ವಿರುದ್ಧ ಚಾಟಿ ಬೀಸಿದ್ದಾರೆ.
ಈ ಹಿಂದೆ ಕಾರ್ಯಕ್ರಮದ ಅತಿಥಿಗಳಾಗಿ ಬಂದಿದ್ದ ಸಾರಾ ಅಲಿ ಖಾನ್, ಜಾಹ್ನವಿ ಕಪೂರ್, ವಿಜಯ್ ದೇವರಕೊಂಡ, ಅನನ್ಯಾ ಪಾಂಡೆ, ಕರೀನಾ ಕಪೂರ್ ಹಾಗೂ ಆಮೀರ್ ಖಾನ್ ಬಳಿ ಸಿನಿಮಾಗಿಂದ ಲೈಂಗಿಕತೆ ಬಗ್ಗೆಯೇ ಕರಣ್ ಜೋಹರ್ ಹೆಚ್ಚಾಗಿ ಚರ್ಚಿಸಿದ್ದರು. ಮಗುವಾದ ಬಳಿಕ ಸೆಕ್ಸ್ ಲೈಫ್ ಹೇಗಿದೆ ಎಂದು ಕರೀನಾ ಕಪೂರ್ ಅವರನ್ನು ಕರಣ್ ಪ್ರಶ್ನೆ ಮಾಡಿದ್ದರು. ಇದಕ್ಕೆ ಉತ್ತರಿಸಿದ ಕರೀನಾ, ನಿಮಗೂ ಯಶ್ ಮತ್ತು ರೂಹಿ ಎಂಬ ಮಕ್ಕಳಿರುವುದು ಗೊತ್ತಿರಲಿ ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ಕರಣ್, ನೀವು ನನ್ನ ಸೆಕ್ಸ್ ಲೈಫ್ ಬಗ್ಗೆ ಕೆಟ್ಟದಾಗಿ ಮಾತನಾಡುತ್ತಿದ್ದೀರಿ, ನನ್ನ ತಾಯಿ ಈ ಕಾರ್ಯಕ್ರಮವನ್ನು ನೋಡುತ್ತಿರುತ್ತಾರೆ ಎಂದರು. ಈ ವೇಳೆ ಆಮೀರ್ ಖಾನ್, ಕರಣ್ಗೆ ತಕ್ಷಣ ಪ್ರಶ್ನೆಯೊಂದನ್ನು ಮುಂದಿಟ್ಟರು. ಬೇರೆಯವರ ಸೆಕ್ಸ್ ಲೈಫ್ ಬಗ್ಗೆ ಮಾತನಾಡುತ್ತೀಯಲ್ಲ ನಿಮ್ಮ ತಾಯಿ ಏನು ಅಂದುಕೊಳ್ಳುವುದಿಲ್ಲವಾ? ಎಂದಿದ್ದರು. ಈ ವಿಡಿಯೋ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು.
ತಾಪ್ಸಿ ಪನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಅವರ ಮುಂಬರುವ ಚಿತ್ರ ದೋಬಾರಾವನ್ನು ಅನುರಾಗ್ ಕಶ್ಯಪ್ ನಿರ್ದೇಶಿಸಿದ್ದಾರೆ ಮತ್ತು ಏಕ್ತಾ ಕಪೂರ್ ನಿರ್ಮಿಸಿದ್ದಾರೆ. ಈ ಚಲನಚಿತ್ರವು ಪ್ರತಿಷ್ಠಿತ ಚಲನಚಿತ್ರೋತ್ಸವಗಳಲ್ಲಿ ಒಂದಾದ ಲಂಡನ್ ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ತೆರೆಕಂಡಿತು. ಈ ಚಿತ್ರವು 2018ರ ಸ್ಪ್ಯಾನಿಷ್ ಚಲನಚಿತ್ರ ಮಿರಾಜ್ನ ರಿಮೇಕ್ ಆಗಿದೆ. ಇದು ಆಗಸ್ಟ್ 19 ರಂದು ಬಿಡುಗಡೆಯಾಗಲಿದೆ. (ಏಜೆನ್ಸೀಸ್)
ಕಮಲ್ ಹಾಸನ್ ವಿರುದ್ಧ ಗಂಭೀರ ಆರೋಪ ಮಾಡಿದ ಖ್ಯಾತ ಕಿರುತೆರೆ ಕಲಾವಿದೆ: ಅಭಿಮಾನಿಗಳಿಗೆ ಶಾಕ್!
ಧನಂಜಯ್ ನಿಜಕ್ಕೂ ನಟರಾಕ್ಷಸ!; ‘ಮಾನ್ಸೂನ್ ರಾಗ’ ಟ್ರೇಲರ್ ಲಾಂಚ್ನಲ್ಲಿ ರಚಿತಾ ಮಾತು
ಚೀನಿ ಮೊಬೈಲ್ಗೆ ನಿರ್ಬಂಧ?; ಅಗ್ಗದ ಸ್ಮಾರ್ಟ್ಫೋನ್ ಮಾರಾಟ ನಿಯಂತ್ರಣಕ್ಕೆ ಕೇಂದ್ರ ಪ್ಲ್ಯಾನ್