ನವದೆಹಲಿ: ಇಂದು ಇಡೀ ಪ್ರಪಂಚದಲ್ಲಿ ಪ್ರತಿಯೊಬ್ಬರ ಮನೆಯಲ್ಲೂ ಟಿವಿ ಇದೆ. ಅದರಲ್ಲೂ ತಿಂಗಳಾಂತ್ಯದ ವಿದ್ಯುತ್ ಬಿಲ್ನಲ್ಲಿ ಟಿವಿಯ ಕೊಡುಗೆಯೂ ಬಹುಮುಖ್ಯವಾಗಿದೆ. ಭಾರತದ ಸುಮಾರು 70 ರಷ್ಟು ಮನೆಗಳಲ್ಲಿ ಟಿವಿಯ ಮುಖ್ಯ ಸ್ವಿಚ್ ಆಫ್ ಮಾಡುವುದೇ ಇಲ್ಲ. ಬಹುತೇಕರು ಕೇವಲ ರಿಮೋಟ್ನಿಂದ ಆಫ್ ಮಾಡಿ ಸುಮ್ಮನಾಗುತ್ತಾರೆಂದು ಸಮೀಕ್ಷೆ ಒಂದರ ಪ್ರಕಾರ ತಿಳಿದುಬಂದಿದೆ.
ಈ ರೀತಿಯಾಗಿ ಟಿವಿ ಸ್ವಿಚ್ ಆಫ್ ಮಾಡಿದರೆ ಆಗಲೂ ವಿದ್ಯುತ್ ಬಳಕೆಯಾಗುತ್ತಿರುತ್ತದೆ. ಇದು ಕೂಡ ನಿಮ್ಮ ಮನೆಯ ಬಜೆಟ್ ಮೇಲೆ ಗೊತ್ತಿಲ್ಲದೇ ಪರಿಣಾಮ ಬೀರುವುದರಲ್ಲಿ ಸಂಶಯವೇ ಇಲ್ಲ. ಹೀಗಾಗಿ ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸುವಾಗ ಕೆಲವೊಂದು ಸಲಹೆಗಳನ್ನು ಅನುಸರಿಸಿದರೆ, ವಿದ್ಯುತ್ ಬಿಲ್ ಭಾರ ಕೊಂಚ ಕಡಿಮೆ ಆಗಲಿದೆ. ಇಲ್ಲವಾದರೆ, ನಮಗೆ ಗೊತ್ತಿಲ್ಲದೇ ನಮ್ಮ ಜೇಬಿನಿಂದ ಸುಮ್ಮನೇ ಹಣ ಪಾವತಿಸಬೇಕಾಗುತ್ತದೆ.
ಎಂದಿಗೂ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಸ್ಟ್ಯಾಂಡ್ಬೈ ಮೋಡ್ನಲ್ಲಿ ಬಿಡಬಾರದು. ಏಕೆಂದರೆ ಸ್ಟ್ಯಾಂಡ್ಬೈ ಮೋಡ್ನಲ್ಲಿದ್ರೆ ಪ್ಲಗ್ ಸಾಕೆಟ್ನಿಂದ ವಿದ್ಯುತ್ ಬಳಕೆ ಮುಂದುವರಿಯುತ್ತದೆ. ಟಿವಿ ಮಾಡೆಲ್, ಅದರ ಟೆಕ್ನಾಲಜಿ ಮತ್ತು ಗಾತ್ರವು ಸ್ಟ್ಯಾಂಡ್ಬೈ ಮೋಡ್ನಲ್ಲಿರುವ ಟಿವಿ ವಿದ್ಯುತ್ ಬಳಕೆಯನ್ನು ಅವಲಂಬಿಸಿರುತ್ತದೆ. ಕೇವಲ ರಿಮೋಟ್ನಲ್ಲಿ ಆಫ್ ಮಾಡುವುದರಿಂದ ವರ್ಷಕ್ಕೆ ಖರ್ಚಾಗುವ ವಿದ್ಯುತ್ ಬೆಲೆ ಕೇಳಿದರೆ ನೀವು ನಿಜಕ್ಕೂ ಅಚ್ಚರಿ ಪಡುತ್ತೀರಾ.
ಪರಿಣಿತರ ಪ್ರಕಾರ ಟಿವಿ ಸ್ಟ್ಯಾಂಡ್ಬೈ ಮೋಡ್ನಲ್ಲಿದ್ದರೆ, ಪ್ರತಿ ಗಂಟೆಗೆ ಅಂದಾಜು 0.5 ವ್ಯಾಟ್ ಖರ್ಚಾಗುತ್ತದೆ. ಇದರಿಂದ ತಿಂಗಳಿಗೆ ಸುಮಾರು 5 ರೂಪಾಯಿವರೆಗೂ ವಿದ್ಯುತ್ ಬಿಲ್ ಬರುತ್ತದೆ. ಟಿವಿಯು ಹವಾನಿಯಂತ್ರಣ ಅಥವಾ ಹೀಟರ್‌ನಂತಹ ಕಾಲೋಚಿತ ಸಾಧನವಲ್ಲ. ಅದನ್ನು ಪ್ರತಿನಿತ್ಯವೂ ಬಳಸುವ ಕಾರಣ ಸ್ಟ್ಯಾಂಡ್ಬೈ ಮೋಡ್ ಅಭ್ಯಾಸ ಮಾಡಿಕೊಂಡರೆ ವರ್ಷಪೂರ್ತಿ ಅಂದಾಜು ನೂರಾರು ರೂಪಾಯಿ ವಿದ್ಯುತ್ ಬಿಲ್ ತೆರಬೇಕಾಗುತ್ತದೆ. (ಏಜೆನ್ಸೀಸ್)
ಬದುಕಿನ ದೊಡ್ಡ ಬಲವನ್ನು ಕಳೆದುಕೊಂಡೆ: ಸಿನಿಮಾ ಯಶಸ್ಸಿನ ಖುಷಿಯ ಬೆನ್ನಲ್ಲೇ ನೇಹಾ ಶೆಟ್ಟಿ ಮನೆಯಲ್ಲಿ ದುರಂತ
ದೀಪಿಕಾ ಮೈಮಾಟಕ್ಕೆ ಕಂಗನಾ ‘ಕೆಂಗಣ್ಣು’: ಗೆಹ್ರಾಯಿಯಾಂ ಚಿತ್ರದ ಬಗ್ಗೆ ಟೀಕಾಸ್ತ್ರ
ನಾಗಚೈತನ್ಯರ ಮೊದಲ ಪತ್ನಿ ಮತ್ತು ಬೆಡ್ರೂಮ್ ರಹಸ್ಯಗಳ ಬಗ್ಗೆ ಬೋಲ್ಡ್ ಆಗಿ ಮಾತನಾಡಿದ್ದರು ಸಮಂತಾ..!