ಮುಂಬೈ: ತಮ್ಮ ನೇರ ನುಡಿ ಮತ್ತು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಭಿಪ್ರಾಯವನ್ನು ನೇರವಾಗಿ ತಿಳಿಸುವ ಮೂಲಕ ಕೆಲವೊಮ್ಮೆ ವಿವಾದವನ್ನು ಮೈಮೇಲೆ ಎಳೆದುಕೊಳ್ಳುವ ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ ಆಗಾಗ ಟ್ರೋಲ್ ಆಗುತ್ತಲೇ ಇರುತ್ತಾರೆ. ಆದಾಗ್ಯೂ ಟ್ರೋಲ್ಗೆ ತಲೆಕೆಡಿಸಿಕೊಳ್ಳದ ಸ್ವರಾ, ತನಗೆ ಏನು ಅನಿಸುತ್ತದೆಯೋ ಅದನ್ನು ಯಾರಿಗೂ ಹೆದರದೆ ಹೇಳುತ್ತಾರೆ. ಅದೇ ರೀತಿ ಸ್ವರಾ ಅವರು ಇತ್ತೀಚೆಗೆ ಹಿಜಾಬ್ ವಿವಾದದ ಬಗ್ಗೆ ಮಾತನಾಡಿದ್ದು, ದ್ರೌಪದಿಯ ವಸ್ತ್ರಾಪಹರಣವನ್ನು ಹಿಜಾಬ್ ವಿವಾದಕ್ಕೆ ಹೋಲಿಸಿ ಸರಣಿ ಟ್ವೀಟ್ಗಳನ್ನು ಮಾಡಿ ಮತ್ತೆ ವಿವಾದಕ್ಕೆ ಸಿಲುಕಿಕೊಂಡಿದ್ದಾರೆ.
ಮಹಾಭಾರತದಲ್ಲಿ ದ್ರೌಪದಿಯ ಬಟ್ಟೆಗಳನ್ನು ತುಂಬಿದ ಸಭೆಯಲ್ಲಿ ಬಲವಂತವಾಗಿ ಕಳಚಲಾಯಿತು. ಇಂದು ಜವಬ್ದಾರಿಯುತ ಹಾಗೂ ಶಕ್ತಿಯುತ ಜನಪ್ರತಿನಿಧಿಗಳು ವಿಧಾನಸಭೆಯಲ್ಲಿ ಕುಳಿತು ಹಿಜಾಬ್ ವಿವಾದವನ್ನು ಸುಮ್ಮನೇ ನೋಡುತ್ತಿರುವುದನ್ನು ನೋಡಿದರೆ ಮಹಾಭಾರತದ ಸನ್ನಿವೇಶವೇ ನೆನಪಿಗೆ ಬರುತ್ತಿದೆ ಎಂದು ಸ್ವರಾ ಟ್ವೀಟ್ ಮಾಡಿದ್ದಾರೆ.
ಇದೀಗ ಸ್ವರಾ ಅವರ ಟ್ವೀಟ್ಗೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಅದರಲ್ಲೂ ಹೆಚ್ಚಾಗಿ ಟೀಕೆಗಳು ಕೇಳಿಬರುತ್ತಿವೆ. ದ್ರೌಪದಿ ಬಟ್ಟೆಯನ್ನು ಬಲವಂತವಾಗಿ ಕಳಚಿದರು. ಆದರೆ, ನೀವೇ ನಿಮ್ಮ ಬಟ್ಟೆಗಳನ್ನು ತೆಗೆದಿದ್ದೀರಿ ಎಂದು ನೆಟ್ಟಿಗರೊಬ್ಬರು ವ್ಯಂಗ್ಯವಾಡಿದ್ದಾರೆ. ಸ್ವರಾ ಅವರು ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದಾಗ ಅವರು ಧರಿಸಿದ್ದ ಶಾರ್ಟ್ ಡ್ರೆಸ್ ಸ್ಕ್ರೀನ್ಶಾಟ್ ಅನ್ನು ಶೇರ್ ಮಾಡಿಕೊಂಡಿರುವ ಇನ್ನೊಬ್ಬ ನೆಟ್ಟಿಗ ನಿಮ್ಮ ಶಾರ್ಟ್ ಡ್ರೆಸ್ ಬಗ್ಗೆ ಮಾತನಾಡಿ ಎಂದಿದ್ದಾನೆ.
That is @ReallySwara my friends, who is advocating for Hijab. pic.twitter.com/hkGigxaV9R
— Keya Ghosh (@keyakahe) February 12, 2022
ನೆಟ್ಟಿಗರ ಟೀಕೆಗೆ ಖಾರವಾಗಿಯೇ ಪ್ರತಿಕ್ರಿಯೆ ನೀಡಿರುವ ಸ್ವರಾ, ಹೌದು, ಅದು ನಾನೇ… ನೋಡಲು ತುಂಬಾ ಹಾಟ್ ಆಗಿದ್ದೇನೆ ಧನ್ಯವಾದಗಳು! ನನ್ನ ಫೋಟೋವನ್ನು ಶೇರ್ ಮಾಡಿದ್ದಕ್ಕೆ ಮತ್ತು ನಾನೂ ಕೂಡ ತುಂಬಾ ಹಾಟಿ ಎಂದು ಜಗತ್ತಿಗೆ ಮತ್ತೆ ನೆನಪು ಮಾಡಿದ್ದಕ್ಕೆ ಧನ್ಯವಾದಗಳು. ತಮ್ಮ ಉಡುಪುಗಳನ್ನು ಆಯ್ಕೆ ಮಾಡಿಕೊಳ್ಳುವ ಮಹಿಳೆಯರ ಹಕ್ಕನ್ನು ನಾನು ಪ್ರತಿಪಾದಿಸುತ್ತೇನೆ ಎಂದಿದ್ದಾರೆ.
ಮತ್ತೊಂದು ಟ್ವೀಟ್ ಮಾಡಿರುವ ಸ್ವರಾ, ಮಧ್ಯಾಹ್ನದ ಶುಭಾಶಯಗಳು ಟ್ವಿಟ್ಟಿಗರೆ, ಇಲ್ಲಿ ಸಂಘಿಗಳ ಮತ್ತು ಆಯ್ಕೆ ಎಂಬ ಪರಿಕಲ್ಪನೆಯನ್ನು ಅರಿಯುವಲ್ಲಿ ಸಂಪೂರ್ಣ ವಿಫಲವಾಗಿರುವ ಕೆಲವರ ಟ್ವೀಟ್ಗಳ ಕೆಲವೊಂದು ಸ್ಯಾಂಪಲ್ ಇವೆ. ಇವರುಗಳು ಹತಾಶ ಮಾತುಗಳು ಇಲ್ಲಿವೆ ಎಂಜಾಯ್ ಮಾಡಿ ಎಂದಿದ್ದಾರೆ.
Good afternoon Tweeple! Here is a sample RW tweet salad 🥗 comprising Of Sanghis & their total failure to understand the concept of choice; their pathetic slut-shaming, and garnished with a desperate attempt to seem intellectual by quoting Urdu Shaayars 😂
Enjoy!! 💛✨🤗 pic.twitter.com/3fp1rjVMAT— Swara Bhasker (@ReallySwara) February 16, 2022
ಕರ್ನಾಟಕದಲ್ಲಿ ಎಬ್ಬಿರುವ ಹಿಜಾಬ್ ವಿವಾದ ವಿಚಾರಣೆಯನ್ನು ಹೈಕೋರ್ಟ್ ಏಕ ಸದಸ್ಯ ಪೀಠದಿಂದ ವಿಸ್ತೃತ ಪೀಠಕ್ಕೆ ಹಿಜಾಬ್ ಪ್ರಕರಣ ವರ್ಗಾವಣೆ ಆಗಿದ್ದು, ಕಳೆದ ಮೂರು ದಿನಗಳಿಂದ ನಿರಂತರವಾಗಿ ವಿಚಾರಣೆ ನಡೆಯುತ್ತಿದ್ದು, ತೀರ್ಪು ಯಾವಾಗ ಬರಲಿದೆ ಎಂದು ಇಡೀ ದೇಶವೇ ಎದುರು ನೋಡುತ್ತಿದೆ. ಅಲ್ಲಿಯವರೆಗೆ ಶಾಲಾ-ಕಾಲೇಜು ತೆರೆಯುವಂತೆ ಮತ್ತು ಆದೇಶ ಬರುವವರೆಗೂ ಯಾವುದೇ ಧಾರ್ಮಿಕ ಉಡುಪು ಧರಿಸದಂತೆ ಹೈಕೋರ್ಟ್ ವಿಸ್ತೃತ ಪೀಠ ಮಧ್ಯಂತರ ಆದೇಶ ಹೊರಡಿಸಿದರೂ ಹಿಜಾಬ್ ವಿವಾದ ರಾಜ್ಯದಲ್ಲಿ ಮುಂದುವರಿದಿದೆ.
ಇನ್ನೊಂದೆಡೆ ಹೈಕೋರ್ಟ್ ನೀಡಿರುವ ಮಧ್ಯಂತರ ಆದೇಶವನ್ನು ಪ್ರಶ್ನಿಸಿ ವಿದ್ಯಾರ್ಥಿನಿಯರು ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ದಾರೆ. ಅರ್ಜಿಯನ್ನು ತುರ್ತು ವಿಚಾರಣೆ ನಡೆಸುವಂತೆ ಸುಪ್ರೀಂಕೋರ್ಟ್ಗೆ ಮನವಿ ಮಾಡಿದ್ದರು. ಆದರೆ, ತಕ್ಷಣದ ವಿಚಾರಣೆಯನ್ನು ಸುಪ್ರೀಂಕೋರ್ಟ್ ನಿರಾಕರಿಸಿದೆ. ಇಂತಹ ವಿಚಾರಗಳನ್ನು ರಾಷ್ಟ್ರೀಯ ಮಟ್ಟಕ್ಕೆ ಹರಡಬೇಡಿ. ಸೂಕ್ತ ಸಂದರ್ಭದಲ್ಲಿ ಮಾತ್ರ ಈ ವಿಚಾರದಲ್ಲಿ ಮಧ್ಯ ಪ್ರವೇಶಿಸುತ್ತೇವೆ ಎಂದಿರುವ ಸುಪ್ರೀಂಕೋರ್ಟ್ ತಕ್ಷಣ ಅರ್ಜಿ ವಿಚಾರಣೆಯನ್ನು ನಿರಾಕರಿಸಿದೆ. (ಏಜೆನ್ಸೀಸ್)
ಮೈಸೂರಿಗೆ ಬಂದ ರೋಬೋ ಸುಂದರಿ! ಸೀರೆಯುಟ್ಟ ಸಪ್ಲೆಯರ್… ಗ್ರಾಹಕರು ಫುಲ್ ಖುಷ್
ಆತನ ದೃಷ್ಟಿ ಬಿತ್ತು ಎಂದರೆ ಸೆಕ್ಸ್ಗೆ ಕರೆದನೆಂದೇ ಅರ್ಥವಾಗಿದ್ದ ಕಾಲದ್ದು ಈ ಹಿಜಾಬ್ ಎಂದ ಲೇಖಕಿ ತಸ್ಲೀಮಾ ನಸ್ರೀನ್
ಮಹಿಳೆಯ ತೂಕಕ್ಕಿಂತಲೂ ಹೆಚ್ಚು ಭಾರವಾದ ಗಡ್ಡೆಯನ್ನು ಹೊಟ್ಟೆಯಿಂದ ಹೊರತೆಗೆದ ವೈದ್ಯರು!