ನವದೆಹಲಿ: ಯಾರೂ ಊಹಿಸದ ರೀತಿಯಲ್ಲಿ ಪಂಜಾಬ್ನಲ್ಲಿ ಆಮ್ ಆದ್ಮಿ ಪಕ್ಷ (ಎಎಪಿ) ಪ್ರಚಂಡ ಬಹುಮತ ದಾಖಲಿಸಿದ್ದು, ದೆಹಲಿಯ ನಂತರ ಎರಡನೇ ರಾಜ್ಯದಲ್ಲಿ ಅಧಿಕಾರ ಗದ್ದುಗೆ ಹಿಡಿಯಲು ಎಎಪಿ ಸಿದ್ಧವಾಗಿದೆ. ಈ ಮೂಲಕ ಎಎಪಿ ತನ್ನ ವ್ಯಾಪ್ತಿಯನ್ನು ಕೂಡ ವಿಸ್ತರಿಸಿಕೊಂಡಿದೆ. ಸಣ್ಣ ಪಕ್ಷವೊಂದರ ಪಾಲಿಗೆ ಇದು ಬಹು ದೊಡ್ಡ ಬೆಳವಣಿಗೆ ಅಂತಾನೇ ಹೇಳಬಹುದಾಗಿದೆ. ಈ ಗೆಲುವಿನಿಂದ ಎಎಪಿಗೆ ಮತ್ತಷ್ಟು ಹುಮ್ಮಸ್ಸು ಬಂದಿದೆ.
ಪಂಜಾಬ್ನಲ್ಲಿ ಕಾಂಗ್ರೆಸ್ಗೆ ಭಾರೀ ಮುಖಭಂಗವಾಗಿದ್ದು, ಕಾಂಗ್ರೆಸ್ನ ಘಟಾನುಘಟಿ ನಾಯಕರೇ ಎಎಪಿ ಅಭ್ಯರ್ಥಿಗಳ ಮುಂದೆ ಶರಣಾಗಿದ್ದಾರೆ. ರಿಯಲ್ ಹೀರೋ ಸೋನು ಸೂದ್ ಅವರು ಸಹೋದರಿ ಮಾಳವಿಕ ಸೂದ್ ಕೂಡ ಕಾಂಗ್ರೆಸ್ನಿಂದ ಸ್ಪರ್ಧಿಸಿದ್ದರು. ಆದರೆ, ಅವರನ್ನು ಸಹ ಮತದಾರ ಕೈಹಿಡಿದಿಲ್ಲ. ಕರೊನಾ ಸಮಯದಲ್ಲಿ ಸೋನು ಸೂದ್ ಅವರ ಮಾನವೀಯ ಕಾರ್ಯ ಲಾಭವಾಗಿ ಪರಿಣಮಿಸಬಹುದು ಎಂದು ಮಾಳವಿಕ ಅಂದಾಜಿಸಿದ್ದರು. ಆದರೆ, ಅವರ ಊಹೆ ಉಲ್ಟಾ ಆಗಿದೆ.
ಹಾಗಾದರೆ ಮಾಳವಿಕಾ ಅವರ ಸೋಲಿಗೆ ಕಾರಣವೆಂದು ತಿಳಿಯುವುದಾದರೆ, ಸೋನು ಸೂದ್ ಅವರು ಬೆಂಬಲ ನೀಡದೇ ಇದ್ದುದ್ದು ಕಾರಣ ಎಂದು ಹೇಳಲಾಗಿದೆ. ಸೋನು ಸೂದ್ ರಾಜಕೀಯಕ್ಕೆ ಪ್ರವೇಶ ನೀಡುತ್ತಾರೆ ಎಂದು ಈ ಮೊದಲು ಸುದ್ದಿಯಾಗಿತ್ತು. ಆದರೆ, ಅಂತಿಮವಾಗಿ ಸೋನು ಸೂದ್ ಸಹೋದರಿ ರಾಜಕೀಯಕ್ಕೆ ಎಂಟ್ರಿ ನೀಡಿದರು.
ಈ ಮೊದಲೇ ಸೋನು ಸೂದ್ ತಾನು ಸಹೋದರಿಯ ಪರವಾಗಿ ಪ್ರಚಾರದಲ್ಲಿ ಪಾಲ್ಗೊಳ್ಳುವುದಿಲ್ಲ ಎಂದು ಹೇಳಿದ್ದರು. ಆಕೆ ಅನೇಕ ವರ್ಷಗಳಿಂದ ಪಂಜಾಜ್ನಲ್ಲಿ ನೆಲೆಸಿದ್ದಾಳೆ. ಆಕೆಗೆ ಅಲ್ಲಿನ ಸಮಸ್ಯೆಗಳ ಬಗ್ಗೆ ತಿಳಿದಿದೆ. ಆಕೆಯ ಬಗ್ಗೆ ಹೆಮ್ಮೆ ಇದೆ ಎಂದಷ್ಟೇ ಸೋನು ಸೂದ್ ಈ ಹಿಂದೆ ಹೇಳಿದ್ದರು. ಇದೀಗ ಚುನಾವಣೆಯಲ್ಲಿ ಮಾಳವಿಕಾ ಸೂದ್ ಸೋತಿದ್ದು, ಸೋನು ಸೂದ್ ಪ್ರಚಾರದಿಂದ ದೂರ ಉಳಿದಿದ್ದೇ ಕಾರಣ ಎಂಬ ಮಾತುಗಳು ಕೇಳಿಬರುತ್ತಿವೆ. ಇದಕ್ಕೆ ಸೋನು ಸೂದ್ ಯಾವ ರೀತಿ ಪ್ರತಿಕ್ರಿಯೆ ನೀಡುತ್ತಾರೆಂದು ಕಾದು ನೋಡಬೇಕಿದೆ. (ಏಜೆನ್ಸೀಸ್)
ಉ. ಪ್ರದೇಶದಲ್ಲಿ ಕಾಂಗ್ರೆಸ್ಗೆ ಹೀನಾಯ ಸೋಲು: ಅತಿದೊಡ್ಡ ಪಕ್ಷದ ಹಿನ್ನಡೆಗೆ ಈ ಅಂಶಗಳೇ ಕಾರಣವಾಯ್ತಾ?
‘ಉತ್ತರ ಪ್ರದೇಶ ಸುಂದರಿ’ಗೆ ಒಲಿಯದ ಮತದಾರ! ಬಿಜೆಪಿ ಎದುರು ‘ಮಿಸ್ ಬಿಕಿನಿ ಗರ್ಲ್’ಗೆ ಭಾರಿ ಹಿನ್ನಡೆ…
ಹಾಸ್ಯಗಾರನಿಗೆ ಒಲಿದ ಪಂಜಾಬ್ ಗದ್ದುಗೆ: ಅಮ್ಮ ಹೇಳಿದ್ದು ನಿಜವಾಯ್ತು… ಕುಡುಕ ಎಂದವರಿಗೆ ಮುಖಭಂಗವಾಯ್ತು