ಹೈದರಾಬಾದ್: ಟಾಲಿವುಡ್ ಸೂಪರ್ ಸ್ಟಾರ್ ಜೂನಿಯರ್ ಎನ್ಟಿಆರ್ ಅವರು ಕೆಲ ವಾರಗಳ ಹಿಂದಷ್ಟೇ ಲ್ಯಾಂಬೋರ್ಗಿನಿ ಉರುಸ್ ಗ್ರಾಫೈಟ್ ಕ್ಯಾಪ್ಸುಲ್ ಹೆಸರಿನ ಹೊಸ ಐಷಾರಾಮಿ ಕಾರನ್ನು ಖರೀದಿಸಿದ್ದಾರೆ.
ಈ ಐಷಾರಾಮಿ ಕಾರನ್ನು ಖರೀದಿಸಿದ ಭಾರತದ ಮೊದಲ ಗ್ರಾಹಕರೆಂಬ ಖ್ಯಾತಿಗೆ ಎನ್ಟಿಆರ್ ಪಾತ್ರರಾಗಿರುವುದು ಬಹುತೇಕರಿಗೆ ತಿಳಿಯದ ಸಂಗತಿ. ಈಗಾಗಲೇ ಹಲವು ಐಷಾರಾಮಿ ಕಾರುಗಳ ಒಡೆಯರಾಗಿರುವ ಎನ್ಟಿಆರ್, ಇದೀಗ ಮತ್ತೊಂದು ದುಬಾರಿ ಕಾರನ್ನು ಖರೀದಿಸುವ ಮೂಲಕ ಹಲವರ ಹುಬ್ಬೇರಿಸಿದ್ದಾರೆ.
ಇದೀಗ ಎನ್ಟಿಆರ್ ಮಾಡಿರುವ ಮತ್ತೊಂದು ಕೆಲಸದ ಬಗ್ಗೆ ತಿಳಿದರೆ ಎಲ್ಲರಿಗೂ ಎಚ್ಚರಿಯಾಗುವುದು ಖಂಡಿತ. ಕಾರಿನ ನೋಂದಣಿಗೆ ಬರೋಬ್ಬರಿ 17 ಲಕ್ಷ ರೂಪಾಯಿಯನ್ನು ಎನ್ಟಿಆರ್ ಖರ್ಚು ಮಾಡಿದ್ದಾರೆ. ಕೇವಲ ವಾಹನ ನೋಂದಣಿಗೆ ಅಷ್ಟೊಂದು ದುಡ್ಡಾಯ್ತಾ ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಬಹುದು, ಅದಕ್ಕೆ ಉತ್ತರ ಮುಂದಿದೆ ನೋಡಿ.
ಎನ್ಟಿಆರ್ ಅವರ ಎಲ್ಲಾ ವಾಹನಗಳು 9999 ಸಂಖ್ಯೆಯನ್ನು ಹೊಂದಿದ್ದು, ಈ ನಂಬರ್ ಮೇಲೆ ಅವರಿಗೆ ವಿಶೇಷ ಸೆಂಟಿಮೆಂಟ್ ಇದೆ. ಹೀಗಾಗಿ ಅದೇ ರೀತಿಯ ನಂಬರ್ ಪಡೆಯಲು ಇಷ್ಟೊಂದು ಹಣವನ್ನು ಎನ್ಟಿಆರ್ ಖರ್ಚು ಮಾಡಿದ್ದಾರೆ. 17 ಲಕ್ಷ ರೂ. ಖರ್ಚು ಮಾಡುವ ಮೂಲಕ ತಮ್ಮ ಐಷಾರಾಮಿ ಕಾರಿಗೆ “TS09 FS 9999’ ನಂಬರ್ ಅನ್ನು ಎನ್ಟಿಆರ್ ಪಡೆದುಕೊಂಡಿದ್ದಾರೆ.
ಇನ್ನು ತೆಲಂಗಾಣದ ಸಾರಿಗೆ ಇಲಾಖೆ ಫ್ಯಾನ್ಸಿ ನಂಬರ್ ಹರಾಜಿನ ಮೂಲಕವೇ ತಿಂಗಳಿಗೆ 45 ಲಕ್ಷ ರೂ. ಆದಾಯವನ್ನು ಹೊಂದಿದೆ. ಇದೀಗ ಎನ್ಟಿಆರ್ 17 ಲಕ್ಷ ರೂ. ಕೊಟ್ಟಿರುವುದು ಹಲವರ ಹುಬ್ಬೇರಿಸಿದೆ. ಹಾಗೇ ಜಾಲತಾಣದಲ್ಲಿ ಟೀಕೆಗೂ ಗುರಿಯಾಗಿದೆ. (ಏಜೆನ್ಸೀಸ್)
ಪತ್ನಿ ಸಮಂತಾ ಜತೆ ಮನಸ್ತಾಪ: ಕೊನೆಗೂ ಮೌನ ಮುರಿದ ನಟ ನಾಗಚೈತನ್ಯರಿಂದ ನೋವಿನ ಮಾತುಗಳು!
ಕಲಾಪದಲ್ಲಿ MLC ತೇಜಸ್ವಿನಿ ಗೌಡ ಮಾಡಿದ ಗಂಭೀರ ಆರೋಪಕ್ಕೆ ಮಂಗ್ಳೂರು ಪೊಲೀಸ್ ಆಯುಕ್ತರ ತಿರುಗೇಟು..!
ಫೇಸ್ಬುಕ್ ಪ್ರೇಯಸಿಗೆ ಓಡಾಡಲು ಇನ್ನೋವಾ ಕಾರು, ಕೈತುಂಬಾ ಹಣ ಕೊಟ್ಟವನಿಗೆ ಕಾದಿತ್ತು ಬಿಗ್ ಶಾಕ್..!