ಸ್ಯಾನ್ ಫ್ರಾನ್ಸಿಸ್ಕೋ: ಅಮೆರಿಕದ ಸ್ಯಾನ್ ಫ್ರಾನ್ಸಿಸ್ಕೋ ನಗರದಲ್ಲಿರುವ ಚಂದಾದಾರ ಆಧಾರಿತ ಸ್ಟ್ರೀಮಿಂಗ್ ಸರ್ವೀಸ್ ಮತ್ತು ಪ್ರೊಡಕ್ಷನ್ ಕಂಪನಿ ನೆಟ್ಫ್ಲಿಕ್ಸ್ ತನ್ನ ಒಟ್ಟು ಷೇರು ಮೌಲ್ಯದ ಕಾಲು ಭಾಗವನ್ನು ಕಳೆದುಕೊಂಡು ಮಂಗಳವಾರ ನಷ್ಟ ಅನುಭವಿಸಿದೆ. ಈ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ತನ್ನ ಚಂದಾದಾರಿಕೆ ಪ್ರಮಾಣದಲ್ಲಿ ಕುಸಿತಕಂಡ ಪರಿಣಾಮ ನೆಟ್ಫ್ಲಿಕ್ಸ್ಗೆ ಭಾರಿ ಹಿನ್ನೆಡೆಯಾಗಿದೆ.
ಮೂಂಚೂಣಿಯಲ್ಲಿರುವ ಸ್ಟ್ರೀಮಿಂಗ್ ಟೆಲಿವಿಷನ್ ಸರ್ವೀಸ್ ಕಂಪನಿ ದಶಕದಲ್ಲೇ ಮೊದಲ ಬಾರಿಗೆ ಭಾರೀ ಪ್ರಮಾಣದ ಚಂದಾದಾರವನ್ನು ಕಳೆದುಕೊಂಡಿದೆ. ಯೂಕ್ರೇನ್ ಮೇಲೆ ರಷ್ಯಾ ಯುದ್ಧ ಸಾರಿದ್ದು, ರಷ್ಯಾದಲ್ಲಿ ತನ್ನ ಸೇವೆ ಸ್ಥಗಿತಗೊಂಡಿರುವ ಪರಿಣಾಮ ಎಂದು ಕಂಪನಿ ತಿಳಿಸಿದೆ.
ನೆಟ್ಫ್ಲಿಕ್ಸ್ ಈ ವರ್ಷದ ಮೊದಲ ತ್ರೈಮಾಸಿಕವನ್ನು 221.6 ಮಿಲಿಯನ್ ಚಂದಾದಾರರೊಂದಿಗೆ ಕೊನೆಗೊಳಿಸಿತು, ಇದು ಕಳೆದ ವರ್ಷದ ಅಂತಿಮ ತ್ರೈಮಾಸಿಕಕ್ಕಿಂತ ಸ್ವಲ್ಪ ಕಡಿಮೆಯಾಗಿದೆ. ಇತ್ತೀಚೆಗೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ತನ್ನ ನಿವ್ವಳ ಆದಾಯ 1.6 ಬಿಲಿಯನ್ ಡಾಲರ್ ಎಂದು ನೆಟ್ಫ್ಲಿಕ್ಸ್ ವರದಿ ಮಾಡಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಕಂಪನಿಯ ನಿವ್ವಳ ಆದಾಯ 1.7 ಬಿಲಿಯನ್ ಡಾಲರ್ ಇತ್ತು. ಷೇರು ಮಾರುಕಟ್ಟೆಯು ವಹಿವಾಟಿನ ಗಳಿಕೆಯ ಅಂಕಿ-ಅಂಶಗಳನ್ನು ಬಿಡುಗಡೆ ಮಾಡಿದ ಬಳಿಕ ನೆಟ್ಫ್ಲಿಕ್ಸ್ ಷೇರುಗಳಲ್ಲಿ ಶೇ. 25 ರಷ್ಟು ಕಡಿಮೆಯಾಗಿರುವುದು ಕಂಡುಬಂದಿದೆ.
ನಾವು ಬಯಸಿದಷ್ಟು ವೇಗವಾಗಿ ನಮ್ಮ ಆದಾಯವನ್ನು ಹೆಚ್ಚಿಸಲು ಸಾಧ್ಯವಾಗಲಿಲ್ಲ ಎಂದು ನೆಟ್ಫ್ಲಿಕ್ಸ್ ಹೇಳಿಕೊಂಡಿದೆ. ಕರೊನಾ ಮಹಾಮಾರಿ ಜಗತ್ತನ್ನು ಕಾಡಿದರೆ, ನೆಟ್ಫ್ಲಿಕ್ಸ್ ಅದು ವರವಾಗಿ ಪರಿಣಮಿಸಿತ್ತು. 2020ರಲ್ಲಿ ನೆಟ್ಫ್ಲಿಕ್ಸ್ ಬೆಳವಣಿಗೆ ಉತ್ತಮವಾಗಿತ್ತು. 2021ರಲ್ಲಿ ಬೆಳವಣಿಗೆ ನಿಧಾನವಾದರೂ ಕುಸಿತ ಕಂಡಿರಲಿಲ್ಲ. ಆದರೆ, ಇದೀಗ ಕೇವಲ 100 ದಿನಗಳಲ್ಲಿ 2 ಲಕ್ಷ ಚಂದಾದಾರರನ್ನು ನೆಟ್ಫ್ಲಿಕ್ಸ್ ಕಳೆದುಕೊಂಡಿದೆ.
ನೆಟ್ಫ್ಲಿಕ್ಸ್ ತನ್ನ ಬೆಳವಣಿಗೆಗೆ ಅಡ್ಡಿಯಾಗಿರುವ ಅಂಶಗಳನ್ನು ಪಟ್ಟಿಮಾಡಿದೆ. ಕೈಗೆಟುಕುವ ದರದ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಸೇವೆ ಮತ್ತು ಸ್ಮಾರ್ಟ್ ಟೆಲಿವಿಷನ್‌ಗಳ ಜತೆಗೆ ಚಂದಾದಾರರು ತಮ್ಮ ಮನೆಗಳಲ್ಲಿ ವಾಸಿಸದ ಜನರೊಂದಿಗೂ ಸಹ ತಮ್ಮ ಖಾತೆಗಳನ್ನು ಹಂಚಿಕೊಳ್ಳುತ್ತಿರುವ ಪರಿಣಾಮ ಎಂದು ನೆಟ್ಫ್ಲಿಕ್ಸ್ ಹೇಳಿದೆ. (ಏಜೆನ್ಸೀಸ್)
ಕೋಟಿ ಸಂಪಾದಿಸುವ ಸಮಂತಾರ ಮೊದಲ ಸಂಬಳ ಎಷ್ಟೆಂಬುದನ್ನು ತಿಳಿದ್ರೆ ನೀವು ಅಚ್ಚರಿ ಪಡ್ತೀರಾ!
ಕಿಟಕಿ ತೆಗೆಯಲು KSRTC ಬಸ್ ಚಾಲಕನ ಸಹಾಯ ಕೋರಿದ ಬೆಂಗ್ಳೂರು ವಿದ್ಯಾರ್ಥಿನಿಗೆ ಕಾದಿತ್ತು ಶಾಕ್!
ಅಲ್ಲು ಅರ್ಜುನ್ ಭವಿಷ್ಯದ ಯೋಜನೆಯನ್ನೇ ಬದಲಿಸಿದ ಕೆಜಿಎಫ್-2 ಗೆಲುವು! ಬನ್ನಿ ಪ್ಲಾನ್ ಕೇಳಿದ್ರೆ ಫ್ಯಾನ್ಸ್ ಥ್ರಿಲ್