ಚೆನ್ನೈ: ಸದಾ ವಿವಾದಗಳಿಂದಲೇ ಸುದ್ದಿಯಾಗುವ ಕಾಲಿವುಡ್ ನಟಿ ಮೀರಾ ಮಿಥುನ್ ಇದೀಗ ಮತ್ತೊಂದು ವಿವಾದವನ್ನು ಮೈಮೇಲೆ ಎಳೆದುಕೊಂಡಿದ್ದಾರೆ. ತಮಿಳು ಚಿತ್ರ “ಪೈ ಕೊನೋಮ್” ಚಿತ್ರದಲ್ಲಿ ಮೀರಾ ನಾಯಕಿ ಪಾತ್ರ ನಿರ್ವಹಿಸಿದ್ದಾರೆ. ಈ ಚಿತ್ರವನ್ನು ಥೇನಿ ಭರತ್ ಆರ್ ಸುರುಲಿವೇಲ್ ಎಂಬುವರು ಗ್ಲೇಬಲ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಿದ್ದು, ಸೆಲ್ವ ಅಂಬರಾಸನ್ ನಿರ್ದೇಶನ ಮಾಡಿದ್ದಾರೆ.
ಇತ್ತೀಚೆಗಷ್ಟೇ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಕಾರ್ಯಕ್ರಮ ಚೈನ್ನೈನಲ್ಲಿ ನಡೆಯಿತು. ಈ ವೇಳೆ ನಿರ್ದೇಶಕರು ನಟಿ ಮೀರಾ ಮಿಥುನ್ ಮಾಡಿದ ಎಡವಟ್ಟಿನ ಬಗ್ಗೆ ಮಾತನಾಡಿದ್ದಾರೆ. ಚಿತ್ರದ ಚಿತ್ರೀಕರಣ ಶೇ. 80 ರಷ್ಟು ಪೂರ್ಣಗೊಂಡಿರುವಾಗಲೇ ಮೀರಾ ಮಿಥುನ್ ವಿವಿಧ ಕಾರಣಗಳಿಂದಾಗಿ ಪೊಲೀಸರಿಂದ ಬಂಧನಕ್ಕೆ ಒಳಗಾಗಿದ್ದರು. ಜೈಲಿನಿಂದ ಬಿಡುಗಡೆಯಾದ ಬಳಿಕ ಇನ್ನುಳಿದ ಶೇ. 20 ರಷ್ಟು ಚಿತ್ರದ ಶೂಟಿಂಗ್ ಕೊಡೈಕೆನಾಲ್ನಲ್ಲಿ ನಿಗದಿಯಾಗಿತ್ತು. ಶೂಟಿಂಗ್ ಆರು ಮಂದಿಯೊಂದಿಗೆ ಬಂದಿದ್ದ ಮೀರಾ, ಶೂಟಿಂಗ್ ನಡುವೆಯೇ ಹೇಳದೇ ಕೇಳದೇ ಪರಾರಿ ಆಗಿದ್ದಾಗಿ ನಿರ್ದೇಶಕರು ಹೇಳಿಕೊಂಡಿದ್ದಾರೆ. ಇನ್ನೆರೆಡು ದಿನಗಳಲ್ಲಿ ಶೂಟಿಂಗ್ ಪೂರ್ಣಗೊಳ್ಳುತ್ತಿತ್ತು. ಕೊನೆಗೆ ಸ್ಟೋರಿಯನ್ನೇ ಬದಲಾಯಿಸಿ ಶೂಟಿಂಗ್ ಪೂರ್ಣಗೊಳಿಸಿದ್ದಾಗಿ ನಿರ್ದೇಶಕರು ಹೇಳಿಕೊಂಡಿದ್ದಾರೆ.
ಇದೀಗ ಈ ವಿಚಾರದ ಕಾಲಿವುಡ್ ಗಲ್ಲಿಯಲ್ಲಿ ಚರ್ಚೆಯಾಗುತ್ತಿದೆ. ಆದರೆ, ಈ ಘಟನೆಯ ಬಗ್ಗೆ ಮೀರಾ ಮಿಥುನ್ ಈವರೆಗೆ ಯಾವುದೇ ಪ್ರತಿಕ್ರಿಯೆಯನ್ನು ನೀಡಿಲ್ಲ. (ಏಜೆನ್ಸೀಸ್)
ಡಾರ್ಲಿಂಗ್ ಪ್ರಭಾಸ್ರ 320 ಕೋಟಿ ಮೌಲ್ಯದ ಬಂಗಲೆ ಎಲ್ಲಿ ನಿರ್ಮಾಣವಾಗುತ್ತಿದೆ ಗೊತ್ತಾ?
ಮಧ್ಯರಾತ್ರಿ ಕಾರಲ್ಲಿ ಬಂದು ಅಸಭ್ಯ ವರ್ತನೆ: ಬಂಧಿತ ಆರೋಪಿ ಕಿಮ್ಸ್ ಕಾಲೇಜಿನ ಎಂಎಸ್ ವಿದ್ಯಾರ್ಥಿ
ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಹಲ್ಲೆ ಪ್ರಕರಣ: ನಟ ವಿಜಯ್ ಸೇತುಪತಿಗೆ ಸಮನ್ಸ್ ನೀಡಿದ ಕೋರ್ಟ್