ತಿರುವನಂತಪುರಂ: ಪಾಕಿಸ್ತಾನಿ ಯುವತಿಯನ್ನು ಮದುವೆಯಾಗಿ, ಇಸ್ಲಾಮಿಕ್ ಸ್ಟೇಟ್ ಉಗ್ರ ಸಂಘಟನೆ ಸೇರಲು ಕೇರಳದಿಂದ ಅಫ್ಘಾನಿಸ್ತಾನಕ್ಕೆ ತೆರಳಿದ ಎಂಟೆಕ್ ವಿದ್ಯಾರ್ಥಿ ಆತ್ಮಾಹುತಿ ದಾಳಿದಲ್ಲಿ ಮೃತಪಟ್ಟಿರುವುದಾಗಿ ಇಸ್ಲಾಮಿಕ್ ಸ್ಟೇಟ್-ಖೊರಾಸಾನ್ ಪ್ರಾಂತ್ಯ (ಐಎಸ್ಕೆಪಿ)ದ ಮುಖವಾಣಿ ವಾಯ್ಸ್ ಆಫ್ ಖುರಾಸನ್ ತಿಳಿಸಿದೆ.
ಮೃತ ಯುವಕನನ್ನು 23 ವರ್ಷದ ನಜೀಬ್ ಅಲ್ ಹಿಂಡಿ ಎಂದು ಗುರುತಿಸಲಾಗಿದೆ. ಈತ ಕೇರಳದ ಮೂಲದ ಎಂಟೆಕ್ ವಿದ್ಯಾರ್ಥಿ. ವಾಯ್ಸ್ ಆಫ್ ಖುರಾಸನ್ ಪ್ರಕಟಿಸಿರುವ ಸುದ್ದಿಯಲ್ಲಿ ಬೇರೆ ಯಾವುದೇ ಮಾಹಿತಿ ಇಲ್ಲ. ಅಲ್ಲದೆ, ನಜೀಬ್ ಯಾವಾಗ ಮೃತಪಟ್ಟ ಮತ್ತು ಅವನ ಸಾವಿನ ಸುತ್ತಲಿನ ಸಂದರ್ಭಗಳನ್ನು ಸಹ ನಮೂದಿಸಿಲ್ಲ.
ವಾಯ್ಸ್ ಆಫ್ ಖುರಾಸನ್ ವರದಿಯ ಪ್ರಕಾರ, ನಜೀಬ್, ಐಎಸ್ಕೆಪಿ ಇರುವ ಅಫ್ಘಾನಿಸ್ತಾನದ ಖೊರಾಸಾನ್ ಸೇರಲು ಭಾರತದ ಬಹುತೇಕದ ಮಾರ್ಗಗಳಲ್ಲಿ ಪ್ರಯಾಣಿಸಿದರು ಎಂದು ತಿಳಿದುಬಂದಿದೆ. ನಜೀಬ್ನನ್ನು ಕೊಂಡಾಡಿರುವ ಐಎಸ್ಕೆಪಿ, ನಜೀಬ್ ಎಷ್ಟೇ ತೊಂದರೆಗಳನ್ನು ಎದುರಿಸಿದರೂ ಐಎಸ್ಕೆಪಿ ಹೋರಾಟಗಾರನಾಗಿ ತನ್ನ ಜಿಹಾದ್ ಅನ್ನು ಮುಂದುವರಿಸಿದ್ದನು ಎಂದು ಶ್ಲಾಘಿಸಿದೆ.
ಐಎಸ್ಕೆಪಿ ಹೇಳುವಂತೆ ನಜೀಬ್, ಐಎಸ್‌ಗಾಗಿ ಹೋರಾಡುವುದರ ಮೇಲೆ ಮಾತ್ರ ತನ್ನ ಗಮನಹರಿಸಿದ್ದನಂತೆ. ಆತನಿಗೆ ಮದುವೆಯಾಗಲು ಇಷ್ಟವಿರಲಿಲ್ಲವಂತೆ. ಆದರೆ, ಸ್ನೇಹಿತರ ಒತ್ತಾಯದ ಮೇರೆಗೆ ಪಾಕಿಸ್ತಾನಿ ಕುಟುಂಬದ ಇನ್ನೊಬ್ಬ ಜಿಹಾದಿ ಹುಡುಗಿಯನ್ನು ಮದುವೆಯಾಗಿದ್ದಾನೆ. ಇದಾದ ಬಳಿಕವೇ ನಜೀಬ್ನನ್ನು ‘ಕುಫರ್’ಗಳ ವಿರುದ್ಧ ಆತ್ಮಹತ್ಯಾ ದಾಳಿಗೆ ಐಎಸ್ಕೆಪಿ ಬಳಸಿಕೊಂಡಿದೆ ಎಂದು ತಿಳಿದುಬಂದಿದೆ. (ಏಜೆನ್ಸೀಸ್)
ಹಾಟ್ ವಿಡಿಯೋ ಹರಿಬಿಟ್ಟು ಅಭಿಮಾನಿ ಮನಸ್ಸಿಗೆ ನೋವುಂಟು ಮಾಡಿದ ಮಲಯಾಳಿ ಬ್ಯೂಟಿ ಮೀರಾ ಜಾಸ್ಮಿನ್!
ಹೀಗಿದೆ ಉಪ್ಪಿ ಹೊಸ ಸಿನಿಮಾದ ಫಸ್ಟ್ ಲುಕ್… ವಿಭಿನ್ನ ಟೈಟಲ್ಗೆ ಅಭಿಮಾನಿಗಳು ಫಿದಾ! ಇದರರ್ಥ ಇದೇನಾ?