ಮುಂಬೈ: ಬಾಲಿವುಡ್ ಕ್ವೀನ್ ಕಂಗನಾ ರಣಾವತ್ ನಟನೆಯ ಧಾಕಡ್ ಸಿನಿಮಾ ಬಾಕ್ಸ್ಆಫೀಸ್ನಲ್ಲಿ ನೆಲಕಚ್ಚಿದೆ. ಈ ವರ್ಷದ ದುರಂತ ಸಿನಿಮಾ ಎಂಬ ಹಣೆ ಪಟ್ಟಿಯನ್ನು ಹೊತ್ತುಕೊಳ್ಳುವ ಎಲ್ಲ ಸಾಧ್ಯತೆ ಇದೆ. ಏಕೆಂದರೆ, ಅದರ ಬಾಕ್ಸ್ ಆಫೀಸ್ ಕಲೆಕ್ಷನ್ ನೋಡಿದರೆ ಬಾಲಿವುಡ್ ಮಂದಿ ಆಘಾತಕ್ಕೆ ಒಳಗಾಗುವಂತಿದೆ.
ಚಿತ್ರ ಬಿಡುಗಡೆಯಾಗಿ ಒಂದು ವಾರ ಕಳೆದಿದೆ. 8ನೇ ದಿನ ಧಾಕಡ್ ಸಿನಿಮಾ ಗಳಿಸಿರುವ ಕೇವಲ 4,420 ರೂಪಾಯಿ ಮಾತ್ರ. ದೇಶಾದ್ಯಂತ ಕೇವಲ 20 ಟಿಕೆಟ್ ಮಾತ್ರ ಮಾರಾಟವಾಗಿದೆ. ಬಿಡುಗಡೆಯಾದಾಗಿನಿಂದ ಈವರೆಗೂ ಸಿನಿಮಾ ಕೇವಲ 3 ಕೋಟಿ ರೂಪಾಯಿ ಮಾತ್ರ ಗಳಿಕೆ ಮಾಡಿದ್ದು, ಚಿತ್ರತಂಡ ಸಂಕಷ್ಟಕ್ಕೆ ಸಿಲುಕಿದೆ.
ಢಾಕಡ್, ಹಿಂದಿ ಚಿತ್ರರಂಗದ ಅತ್ಯಂತ ದುಬಾರಿ ಮಹಿಳಾ ನಾಯಕತ್ವದ ಚಲನಚಿತ್ರವಾಗಿದೆ. ಈ ಚಿತ್ರದಿಂದಾಗ ನಷ್ಟವನ್ನು ಎಣಿಸಲು ಕುಳಿತರೆ, ಇದು ನಿರ್ಮಾಪಕರಿಗೆ ಆದ ಸಾರ್ವಕಾಲಿಕ ದೊಡ್ಡ ನಷ್ಟಗಳಲ್ಲಿ ಒಂದಾಗಿದೆ. ಈಗಾಗಲೇ ಈ ಸಿನಿಮಾವನ್ನು ಅನೇಕ ಚಿತ್ರಮಂದಿರಗಳಿಂದ ಎತ್ತಂಗಡಿ ಮಾಡಲಾಗಿದೆ.
ಈ ಸಿನಿಮಾವನ್ನು ಸುಮಾರು 80 ರಿಂದ 90 ಕೋಟಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿದೆ. ರಝ್ನೀಶ್ ಗೈ ನಿರ್ದೇಶನ ಮಾಡಿದ್ದಾರೆ. ಕಂಗನಾ ರಣಾವತ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅರ್ಜುನ್ ರಾಂಪಾಲ್, ದಿವ್ಯಾ ದತ್ತ ಮತ್ತು ಸಸ್ವತಾ ಚಟರ್ಜಿ ಧಾಕಡ್ ಸಿನಿಮಾದಲ್ಲಿದ್ದಾರೆ. (ಏಜೆನ್ಸೀಸ್)
ನದಿಯಲ್ಲಿ ಬೇಸಿಗೆಯ ಬಿಸಿ ತಣಿಸುವಾಗ ದಿಢೀರ್ ಪ್ರತ್ಯಕ್ಷವಾದ ಭಾರೀ ಗಾತ್ರದ ಹಾವು: ಮುಂದೇನಾಯ್ತು ನೀವೇ ನೋಡಿ
ರಾತ್ರಿ ಹೊತ್ತು ನಟಿಯೊಂದಿಗೆ ಕೆಟ್ಟದಾಗಿ ನಡೆದುಕೊಂಡ ಪೊಲೀಸ್ ಅಧಿಕಾರಿಗೆ ಎದುರಾಯ್ತು ಸಂಕಷ್ಟ!