ಹೈದರಾಬಾದ್: ಕೆಲವರು ಇನ್ಸ್ಟಾಗ್ರಾಂ ರೀಲ್ಸ್ ಮಾಡಲು ತಮ್ಮ ಪ್ರಾಣವನ್ನು ಸಹ ಪಣಕ್ಕಿಡುತ್ತಾರೆ. ಲೈಕ್ಸ್ ಮತ್ತು ಕಾಮೆಂಟ್ ಗಿಟ್ಟಿಸಿಕೊಳ್ಳುವ ಸಲುವಾಗಿ ಹಿಂದೆ-ಮುಂದೆ ಯೋಚಿಸದೆ, ಅಪಾಯಕಾರಿ ಸ್ಥಳಗಳಲ್ಲಿಯೂ ವಿಡಿಯೋ ಮಾಡುತ್ತಾರೆ. ಈ ರೀತಿಯ ದುಸ್ಸಾಹಸಕ್ಕೆ ಕೈಹಾಕಿ ಪ್ರಾಣ ಬಿಟ್ಟ ಉದಾಹರಣೆಗಳು ಸಹ ನಮ್ಮ ಕಣ್ಣ ಮುಂದಿವೆ. ಇನ್ನು ಕೆಲವರು ಕೂದಲೆಳೆಯ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿರುವುದನ್ನು ನೋಡಿದ್ದೇವೆ. ಇಂಥದ್ದೇ ಒಂದು ಘಟನೆ ಇದೀಗ ನಡೆದಿದೆ.
ತೆಲಂಗಾಣದ ವಾರಂಗಲ್ ಮೂಲದ 11ನೇ ತರಗತಿ ವಿದ್ಯಾರ್ಥಿ ರೈಲು ಹಳಿಯ ಮೇಲೆ ನಿಂತು ಇನ್ಸ್ಟಾಗ್ರಾಂ ರೀಲ್ಸ್ ಮಾಡುವಾಗ, ಹಿಂಬದಿಯಿಂದ ರೈಲು ಡಿಕ್ಕಿ ಹೊಡೆದು ಗಂಭೀರವಾಗಿ ಗಾಯಗೊಂಡಿದ್ದಾನೆ. ಗಾಯಗೊಂಡ ವಿದ್ಯಾರ್ಥಿಯ ಹೆಸರು ಅಜಯ್.
ಅಜಯ್ಗೆ ಚಲಿಸುವ ರೈಲಿನ ಬ್ಯಾಕ್ಗ್ರೌಂಡ್ ಇರುವ ವಿಡಿಯೋ ಬೇಕಾಗಿತ್ತು. ಅದಕ್ಕಾಗಿ ಆತ ವಾರಂಗಲ್ನ ಕಾಜೀಪೇಟ್ ಬಳಿಯಿರುವ ವದ್ದೆಪಲ್ಲಿಯ ರೈಲು ಹಳಿಗಳ ಮೇಲೆ ನಿಂತು, ರೈಲು ಬರುವ ಸಮಯದಲ್ಲಿ ವಿಡಿಯೋ ಮಾಡುವಾಗ, ರೈಲು ಹಿಂದಿನಿಂದ ಬಂದು ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸೆಕ್ಕೆ ಅಜಯ್ ಹಾರಿ ಹೋಗಿಬಿದ್ದಿದ್ದಾನೆ.
ಗಂಭೀರ ಗಾಯಗೊಂಡಿದ್ದ ಅಜಯ್ನನ್ನು ಆತನ ಪಕ್ಕದಲ್ಲೇ ವಿಡಿಯೋ ಮಾಡುತ್ತಿದ್ದ ಸ್ನೇಹಿತರು ತಕ್ಷಣ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸದ್ಯ ಅಜಯ್ಗೆ ವಾರಂಗಲ್ ಎಂಜಿಎಂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಆತನ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
ಬಾಲಿವುಡ್ ಟಾರ್ಗೆಟ್ ಆಗಿರುವುದೇಕೆ? ಸ್ಫೋಟಕ ಮಾಹಿತಿ ಬಿಚ್ಚಿಟ್ಟ ನಟಿ ಸ್ವರಾ ಭಾಸ್ಕರ್!
ರಸ್ತೆ ಅಪಘಾತ, ಪ್ರತಿ 60 ನಿಮಿಷಕ್ಕೆ 18 ಮಂದಿ ಬಲಿ: ಎನ್ಸಿಆರ್ಬಿ ವರದಿಯಲ್ಲಿ ಬಹಿರಂಗ