ಬೆಂಗಳೂರು: ಸಾರ್ವಜನಿಕರು ಸೇರಿದಂತೆ ಚಾಮರಾಜಪೇಟೆ ನಾಗರಿಕರ ಒಕ್ಕೂಟದ ವೇದಿಕೆ ಕರೆ ನೀಡಿರುವ ಚಾಮರಾಜಪೇಟೆ ವಿಧಾನಸಭಾ ಕ್ಷೇತ್ರದ ಬಂದ್ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಚಾಮರಾಜಪೇಟೆ 7ನೇ ಕ್ರಾಸ್ನಲ್ಲಿರುವ ಆಟದ ಮೈದಾನ ಬಿಬಿಎಂಪಿ ಸ್ವತ್ತಾಗಿ ಉಳಿಯುವಂತೆ ಒತ್ತಾಯಿಸಿ, ಬೆಳಗ್ಗೆ 8 ಗಂಟೆಯಿಂದ ಸಂಜೆ 5 ಗಂಟೆವರೆಗೆ ಶಾಂತಿಯುತ ಬಂದ್ ನಡೆಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಅಂಗಡಿ ಮಾಲೀಕರು ಸ್ವಯಂ ಪ್ರೇರಿತವಾಗಿ ಅಂಗಡಿಗಳನ್ನು ಬಂದ್ ಮಾಡುತ್ತಿದ್ದಾರೆ. ಚಾಮರಾಜ ಪೇಟೆ ಮೈದಾನ ಸಾರ್ವಜನಿಕರಿಗೆ ಉಪಯೋಗ ಆಗಬೇಕು. ಮೈದಾನದಲ್ಲಿ ಗಣೇಶ ಹಬ್ಬ, ರಾಜ್ಯೊತ್ಸವ ಹಾಗೂ ಸ್ವಂತಂತ್ರ ದಿನಾಚರಣೆ ಆಚರಿಸಲು ಅವಕಾಶ ಕೊಡಬೇಕು. ಈ ಹೋರಾಟದಲ್ಲಿ ನಾವು ಭಾಗಿ ಆಗುತ್ತೇವೆ. ಹೀಗಾಗಿ ನಾವೇ ಅಗಂಡಿಗಳನ್ನು ಬಂದ್ ಮಾಡಿದ್ದೇವೆ ಎಂದು ಅಂಗಡಿ ಮಾಲೀಕರು ಹೇಳಿದ್ದಾರೆ.
ಚಾಮರಾಜಪೇಟೆಯ ಹೊಟೆಲ್, ಬೇಕರಿ, ಕಾಂಡಿಮೆಂಟ್ ಹಾಗೂ ಜ್ಯೂಸ್ ಅಗಂಡಿಗಳು ಬಂದ್ ಆಗಿವೆ. ಬೆಳ್ಳಿಗೆಯೇ ಓಪನ್ ಆಗ್ತಿದ್ದ ಹೋಟೆಲ್ಗಳು ಸಹ ಇಂದು ಮುಚ್ಚಿವೆ. ಸಾಮಾನ್ಯ ದಿನಕ್ಕಿಂತ ಚಾಮರಾಜ ಪೇಟೆಯಲ್ಲಿ ಇಂದು ಕಡಿಮೆ ಜನ ಸಂಚಾರವಿದ್ದು, ಸ್ವಯಂ ಪ್ರೇರಿತರಾಗಿ ಅಂಗಡಿ-ಮುಂಗಟ್ಟುಗಳನ್ನು ಮುಚ್ಚಿರುವ ಮಾಲೀಕರು ಬಂದ್ಗೆ ಬೆಂಬಲ ಸೂಚಿಸಿದ್ದಾರೆ.
ಈ ಆಟದ ಮೈದಾನಕ್ಕೆ ಜಯಚಾಮರಾಜೇಂದ್ರ ಒಡೆಯರ್ ಹೆಸರು ಇಡುವುದು, ಯಾವುದೇ ಕಾರಣಕ್ಕೂ ವಕ್ಫ್ ಮಂಡಳಿಗೆ ನೀಡದೆ ಪೂರ್ಣ ಸ್ವತ್ತು ಬಿಬಿಎಂಪಿಗೆ ಸ್ವತ್ತಾಗಿಯೇ ಉಳಿಯುವುದು, ಶಾಶ್ವತವಾಗಿ ಮಕ್ಕಳ ಆಟದ ಮೈದಾನವಾಗಿರುವುದು, ಸ್ವಾತಂತ್ರ್ಯ ದಿನಾಚರಣೆ, ಗಣೇಶೋತ್ಸವ, ನಾಡಹಬ್ಬ ದಸರಾ, ಶಿವರಾತ್ರಿ ಸೇರಿ ಇತರೆ ಸಮಾರಂಭ ನಡೆಸುವುದಕ್ಕೆ ಅನುಮತಿ ನೀಡುವುದು ಸೇರಿ ಇನ್ನಿತರ ಸಮಸ್ಯೆಗಳ ಈಡೇರಿಕೆಗಾಗಿ ಹಮ್ಮಿಕೊಂಡಿರುವ ಬಂದ್ಗೆ ಚಾಮರಾಜಪೇಟೆ ಬಡಾವಣೆ ಜನರು ಸಹಕಾರ ನೀಡಬೇಕೆಂದು ಒಕ್ಕೂಟ ಮನವಿ ಮಾಡಿದೆ. ಆಸ್ಪತ್ರೆ, ಔಷಧ ಅಂಗಡಿ ಮತ್ತು ಹಾಲಿನ ಕೇಂದ್ರ ಹೊರತುಪಡಿಸಿ ಎಲ್ಲ ಅಂಗಡಿ ಮುಂಗಟ್ಟು, ಕಚೇರಿ, ಮಾಲ್ ಮತ್ತು ಶಾಲಾ ಕಾಲೇಜು ತೆರೆಯದೆ ಸ್ವಯಂಪ್ರೇರಿತವಾಗಿ ಬಂದ್ಗೆ ಬೆಂಬಲ ನೀಡುವಂತೆ ಈಗಾಗಲೇ ಕೋರಲಾಗಿದೆ. (ದಿಗ್ವಿಜಯ ನ್ಯೂಸ್)
ತೆಲಂಗಾಣದಲ್ಲಿ ಮೀನಿನ ಮಳೆ ಕಂಡು ಹೌಹಾರಿದ ಜನರು! ಈ ಮೀನುಗಳು ತಿನ್ನಲು ಯೋಗ್ಯವೇ? ಇಲ್ಲಿದೆ ಉತ್ತರ…
ಅತ್ತೆ-ಸೊಸೆಯೆಂಬ ವಿರುದ್ಧ ದಿಕ್ಕು; ಕೂಡಿ ಬಾಳಿದರೆ ಮನೆ-ಮನ ಆರೋಗ್ಯ ಪೂರ್ಣ
ಜಾರಿ ನಿರ್ದೇಶನಾಲಯ ಜಪ್ತಿ ಮಾಡಿದ್ದ ಸ್ಥಿರಾಸ್ತಿಯೇ ಸೇಲ್: ಕೋರ್ಟ್ ಆದೇಶದ ನಕಲು ಪ್ರತಿ ಸೃಷ್ಟಿಸಿ ಮಾರಿದ ದಂಪತಿ..