ನವದೆಹಲಿ: ಸವಿನಿದ್ದೆಯನ್ನು ಮುಗಿಸಿ ಬೆಳ್ಳಂಬೆಳಗ್ಗೆ ತಮ್ಮ ಮೊಬೈಲ್ ತೆಗೆದುಕೊಂಡು ಫೇಸ್ಬುಕ್ ತೆರೆದು ನೋಡಿದ ಅನೇಕ ಬಳಕೆದಾರರಿಗೆ ಇಂದು ಆಘಾತವೊಂದು ಕಾದಿತ್ತು. ಏನೆಂದರೆ, ವಿಶ್ವದ ಹಲವೆಡೆ ರಾತ್ರೋರಾತ್ರಿ ಫೇಸ್ಬುಕ್ ಬಳಕೆದಾರರ ಫಾಲೋವರ್ಸ್ ಸಂಖ್ಯೆಯಲ್ಲಿ ದಿಢೀರ್ ಕುಸಿತಕಂಡಿದೆ. ಫೇಸ್ಬುಕ್ ಕಂಡುಹಿಡಿದ ಮಾರ್ಕ್ ಜುಕರ್ಬರ್ಗ್ ಸಹ ಇದರಿಂದ ಹೊರತಾಗಿಲ್ಲ ಎಂಬುದು ಇಲ್ಲಿನ ಗಮನಾರ್ಹ ಸಂಗತಿಯಾಗಿದೆ.
ಹೌದು, ಫೇಸ್ಬುಕ್ ಫಾಲೋವರ್ಸ್ ಸಂಖ್ಯೆ ನಿಗೂಢವಾಗಿ ಮಾಯವಾಗಿರುವುದನ್ನು ನೋಡಿ ದಂಗಾಗಿರುವ ಅನೇಕರು ಇಂದು ಬೆಳಗ್ಗೆಯಿಂದ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಸಮಸ್ಯೆಯ ಬಗ್ಗೆ ಹೇಳಿಕೊಳ್ಳುತ್ತಿದ್ದಾರೆ.
ಸುಮಾರು 100 ಮಿಲಿಯನ್ ಇದ್ದ ಮಾರ್ಕ್ ಜುಕರ್ಬರ್ಗ್ ಅವರ ಫೇಸ್ ಫಾಲೋವರ್ಸ್ ಸಂಖ್ಯೆ ಕೇವಲ 9,993ಕ್ಕೆ ಕುಸಿದಿದೆ. ಹೀಗಾಗಿ ಸಾಕಷ್ಟು ಫೇಸ್ಬುಕ್ ಬಳಕೆದಾರರಿಗೆ ಫಾಲೋವರ್ಸ್ ಸಂಖ್ಯೆ ಕುಸಿದ್ದು, ಫೇಸ್ಬುಕ್ ಬಗ್ನಿಂದ ಈ ಸಮಸ್ಯೆ ಉಂಟಾಗಿದೆ ಎಂದು ತಿಳಿದುಬಂದಿದೆ.
ಸೋಮವಾರ ಮತ್ತು ಮಂಗಳವಾರ ಹಲವೆಡೆ ಸಮಸ್ಯೆ ಉಂಟಾಗಿದ್ದು, ಸಾಮಾಜಿಕ ಜಾಲತಾಣ ದೈತ್ಯ ಕಂಪನಿಯು ನಕಲಿ ಮತ್ತು ಬೋಟ್ ಖಾತೆಗಳನ್ನು ಬಹುಶಃ ಡಿಲೀಟ್ ಮಾಡುತ್ತಿರಬಹುದು ಎಂಬ ಸಂಶಯಕ್ಕೆ ಕಾರಣವಾಗಿದೆ. ಆದರೆ, ಫಾಲೋವರ್ಸ್ ಸಂಖ್ಯೆ ಕುಸಿತದಲ್ಲಿ ಅಜಗಜಾಂತರ ವ್ಯತ್ಯಾಸ ಕಂಡುಬಂದಿದ್ದು, ಫೇಸ್ಬುಕ್ ಬಗ್ನಿಂದ ಈ ಸಮಸ್ಯೆ ಉಂಟಾಗಿದೆ ಎಂದು ಹೇಳಲಾಗುತ್ತಿದೆ.
ಅನಾಲಿಟಿಕ್ಸ್ ಪ್ಲಾಟ್‌ಫಾರ್ಮ್ ಕ್ರೌಡ್‌ಟಾಂಗಲ್‌ನ ಮಾಹಿತಿಯ ಪ್ರಕಾರ, ನ್ಯೂಯಾರ್ಕ್ ಟೈಮ್ಸ್, ವಾಷಿಂಗ್ಟನ್ ಪೋಸ್ಟ್, ಹಫಿಂಗ್‌ಟನ್ ಪೋಸ್ಟ್, ದಿ ಹಿಲ್, ಯುಎಸ್‌ಎ ಟುಡೆ, ನ್ಯೂಯಾರ್ಕ್ ಪೋಸ್ಟ್ ಮತ್ತು ನ್ಯೂಸ್‌ವೀಕ್ ಸೇರಿದಂತೆ ಹಲವು ಡಿಜಿಟಲ್ ಫ್ಲಾಟ್ಫಾರ್ಮ್ಗಳು ಅಕ್ಟೋಬರ್ 3 ಮತ್ತು 4 ರಂದು ಫಾಲೋವರ್ಸ್ ಕುಸಿತವನ್ನು ಎದುರಿಸಿವೆ. (ಏಜೆನ್ಸೀಸ್)
ಕುಡುಕರೇ ಎಚ್ಚರ! ಬ್ರ್ಯಾಂಡೆಡ್ ಬಾಟಲಿಗೆ ಅಗ್ಗದ ಮದ್ಯ ತುಂಬಿ ಮಿಲಿಟರಿ ಎಣ್ಣೆ ಅಂತಾ ಕುಡಿಸ್ತಾರೆ
ಕೋವಿಡ್ ಲಸಿಕೆ ಕುರಿತು ಸ್ಫೋಟಕ ಸತ್ಯ ಬಯಲು: ಜನರ ಬಳಕೆಗೂ ಮುನ್ನ ಪರೀಕ್ಷೆಯನ್ನೇ ನಡೆಸಿಲ್ಲ… ತಪ್ಪೊಪ್ಪಿಕೊಂಡ ಅಧಿಕಾರಿ
ಪೊಲೀಸ್ ಬಸ್ ಡಿಕ್ಕಿಯಾಗಿ ಮೂವರು ಬೈಕ್ ಸವಾರರ ಸಾವು: ಬಸ್ಸಿನಡಿ ಸಿಲುಕಿ ಓರ್ವ ಸವಾರ ಸಜೀವ ದಹನ