ನವದೆಹಲಿ: ಇನ್ಸ್ಟಾಗ್ರಾಂ ವಿಚಾರಕ್ಕೆ ಬಂದಾಗ ವಿರಾಟ್ ಕೊಹ್ಲಿ ಭಾರತದ ನಂಬರ್ 1 ಸೆಲೆಬ್ರಿಟಿ ಎಂಬುದು ಎಲ್ಲರಿಗೂ ತಿಳಿದೇ ಇದೆ. ಫುಟ್ಬಾಲ್ ಸ್ಟಾರ್ ಕ್ರಿಶ್ಚಿಯಾನೊ ರೊನಾಲ್ಡೋ ಇನ್ಸ್ಟಾಗ್ರಾಂನಲ್ಲೇ ಅತ್ಯಧಿಕ ಹಿಂಬಾಲಕರನ್ನು ಹೊಂದಿದ್ದಾರೆ. ಈ ವಿಚಾರದಲ್ಲಿ ಕೊಹ್ಲಿ ಕೂಡ ಹಿಂದೆ ಉಳಿದಿಲ್ಲ. ಬರೋಬ್ಬರಿ 178 ಮಿಲಿಯನ್ಸ್ ಹಿಂಬಾಲಕರನ್ನು ಕೊಹ್ಲಿ ಹೊಂದಿದ್ದಾರೆ.
ಬಹುತೇಕ ಸೆಲೆಬ್ರಿಟಿಗಳು ಇನ್ಸ್ಟಾಗ್ರಾಂನಿಂದಲೇ ಸಾಕಷ್ಟು ಹಣ ಸಂಪಾದಿಸುತ್ತಾರೆ ಎಂಬುದು ಜಗಜ್ಜಾಹೀರು. ತಾವು ಮಾಡುವ ಪ್ರತಿ ಪೋಸ್ಟ್ಗೆ ಅತ್ಯಧಿಕ ಹಿಂಬಾಲಕರನ್ನು ಹೊಂದಿರುವ ಸೆಲೆಬ್ರಿಟಿಗಳು ಇಂತಿಷ್ಟು ಹಣ ಅಂತಾ ಚಾರ್ಜ್ ಮಾಡುತ್ತಾರೆ. ಈ ರೀತಿ ಸಂಪಾದನೆ ಮಾಡುವಲ್ಲಿ ರೊನಾಲ್ಡೋ ಮೊದಲ ಸ್ಥಾನದಲ್ಲಿದ್ದರೆ, ವಿರಾಟ್ ಕೊಹ್ಲಿ 19ನೇ ಸ್ಥಾನ ಮತ್ತು ಭಾರತದಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.
2021ರಲ್ಲಿ ರೊನಾಲ್ಡೋ ತಮ್ಮ ಪ್ರತಿ ಪೋಸ್ಟ್ಗೆ 1,604,000 ಡಾಲರ್ ಅಂದರೆ, ಭಾರತೀಯ ಕರೆನ್ಸಿ ಪ್ರಕಾರ 118788149 ರೂಪಾಯಿ ಚಾರ್ಜ್ ಮಾಡುತ್ತಾರೆ. ಇನ್ನು ಕೊಹ್ಲಿ ಪ್ರತಿ ಪೋಸ್ಟ್ಗೆ 6,80,000 ಡಾಲರ್ ಅಂದರೆ 5,03,59,066 ರೂ. ಚಾರ್ಜ್ ಮಾಡುತ್ತಾರೆ.
ಕೊಹ್ಲಿಯನ್ನು ಬಿಟ್ಟರೆ ಭಾರತದಿಂದ ಇನ್ಸ್ಟಾಗ್ರಾಂನ ಟಾಪ್ ಸೆಲೆಬ್ರಿಟಿಗಳ ಸ್ಥಾನದಲ್ಲಿರುವುದು ನಟಿ ಪ್ರಿಯಾಂಕಾ ಚೋಪ್ರಾ ಮಾತ್ರ. 27ನೇ ಸ್ಥಾನದಲ್ಲಿರುವ ಪಿಗ್ಗಿ ಪ್ರತಿ ಇನ್ಸ್ಟಾಗ್ರಾಂ ಪೋಸ್ಟ್ಗೆ 403,000 ಡಾಲರ್ ಅಂದರೆ, 2, 98,45,152 ರೂಪಾಯಿ ಚಾರ್ಜ್ ಮಾಡುತ್ತಾರೆ.
ಫೋರ್ಬ್ಸ್ ಇಂಡಿಯಾದ ಪ್ರಕಾರ, ಈ ಇಬ್ಬರು ಭಾರತೀಯ ಸೂಪರ್‌ಸ್ಟಾರ್‌ಗಳು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಚಾರದ ವೀಡಿಯೊಗಳನ್ನು ಬಿಡುಗಡೆ ಮಾಡುವ ಮೂಲಕ ಸಾಕಷ್ಟು ಹಣವನ್ನು ಗಳಿಸುತ್ತಿದ್ದಾರೆ.
ಕೊಹ್ಲಿಯ ವಿಷಯಕ್ಕೆ ಬಂದರೆ, ಅವರು 2008 ರಲ್ಲಿ ತಮ್ಮ ಚೊಚ್ಚಲ ಇನ್ಸ್ಟಾಗ್ರಾಂ ಪ್ರವೇಶದಿಂದ ಮೈದಾನದ ಒಳಗೆ ಮತ್ತು ಹೊರಗೆ ಹೆಚ್ಚು ಬೇಡಿಕೆಯಿರುವ ಸೆಬ್ರಿಟಿಗಳಲ್ಲಿ ಒಬ್ಬರಾಗಿದ್ದಾರೆ. ಅವರು ಹಲವಾರು ವ್ಯವಹಾರಗಳನ್ನು ಪ್ರಚಾರ ಮಾಡಿದ್ದಾರೆ ಮತ್ತು ಹಲವಾರು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. (ಏಜೆನ್ಸೀಸ್)