ಚೆನ್ನೈ: ಆನ್ಲೈನ್ ಫಿಶಿಂಗ್ (ಇಂಟರ್ನೆಟ್ ಮೂಲಕ ವ್ಯಕ್ತಿಯ ವೈಯಕ್ತಿಕ ಮತ್ತು ಹಣಕಾಸಿನ ಮಾಹಿತಿ ಕದಿಯುವ ವಿಧಾನ) ಮಸೇಜ್ ದಾಳಕ್ಕೆ ಸಿಲುಕಿ ಹಣ ಮತ್ತು ಗೌರವವನ್ನು ಕಳೆದುಕೊಂಡೆ ಎಂದು ನಟಿ ಲಕ್ಷ್ಮೀ ವಾಸುದೇವನ್ ಫೇಸ್ಬುಕ್ ಲೈವ್ನಲ್ಲಿ ಕಣ್ಣೀರಿಟ್ಟಿದ್ದಾರೆ.
ಆನ್ಲೈನ್ ಮೋಸವನ್ನು ವಿವರಿಸಿರುವ ಲಕ್ಷ್ಮೀ, ಸೈಬರ್ ಖದೀಮರು ಕಳುಹಿಸಿದ ಫಿಶಿಂಗ್ ಮಸೇಜ್ ಅನ್ನು ಕ್ಲಿಕ್ ಮಾಡಿದ ಬಳಿಕ ನನ್ನ ಮೊಬೈಲ್ ಫೋನ್ ಹ್ಯಾಕ್ ಆಯಿತು. ಆನಂತರ ಅನೇಕ ಬೆದರಿಕೆ ಕರೆಗಳು ಬರಲು ಆರಂಭವಾಯಿತು. ಎಡಿಟ್ ಮಾಡಿದ ಅಶ್ಲೀಲ ಫೋಟೋಗಳನ್ನು ಪಾಲಕರಿಗೆ ಕಳುಹಿಸುವುದಾಗಿ ಹೆದರಿಸಿದರು ಎಂದಿದ್ದಾರೆ.
ಸೆ.11ರಂದು ಒಂದು ಮೆಸೇಜ್ ಬಂದಿತು. ಅದರಲ್ಲಿ 5 ಲಕ್ಷ ಬಹುಮಾನ ಗೆದ್ದಿರುವುದಾಗಿ ಬರೆಯಲಾಗಿತ್ತು. ಮಸೇಜ್ನಲ್ಲಿದ್ದ ಲಿಂಕ್ ಅನ್ನು ಕ್ಲಿಕ್ ಮಾಡಿದ ಕೂಡಲೇ ಆನ್ಲೈನ್ ಲೋನ್ ಆ್ಯಪ್ ಒಂದು ಡೌನ್ಲೋಡ್ ಆಯಿತು. ಇದಾದ ಕೆಲವೇ ಕ್ಷಣಗಳಲ್ಲಿ ನನ್ನ ಫೋನ್ ಹ್ಯಾಕ್ ಆಯಿತು ಎಂದು ಲಕ್ಷ್ಮೀ ತಿಳಿಸಿದ್ದಾರೆ.
ಇದಾದ ನಾಲ್ಕು ದಿನಗಳ ಬಳಿಕ ಲಕ್ಷ್ಮೀ ಮತ್ತೊಂದು ಮಸೇಜ್ ಸ್ವೀಕರಿಸಿದ್ದಾರೆ. ನೀವು ಲೋನ್ ತೆಗೆದುಕೊಂಡಿದ್ದೀರಾ, ಅದನ್ನು ಖಂಡಿತವಾಗಿ ಮರುಪಾವತಿಸಿ ಎಂದು ಮೆಸೇಜ್ನಲ್ಲಿ ಬರೆಯಲಾಗಿದೆ. ಅದನ್ನು ಓದಿದ ಲಕ್ಷ್ಮೀ ಒಂದು ಕ್ಷಣ ಗಾಬರಿಗೆ ಒಳಗಾಗಿದ್ದಾರೆ. ಏಕೆಂದರೆ, ಲಕ್ಷ್ಮೀ ಅವರು ಲೋನ್ ತೆಗೆದುಕೊಂಡಿರಲಿಲ್ಲ. ಒಂದು ವೇಳೆ ಲೋನ್ ಮರು ಪಾವತಿ ಮಾಡದಿದ್ದರೆ, ಎಡಿಟ್ ಮಾಡಿದ ಅಶ್ಲೀಲ ಫೋಟೋಗಳನ್ನು ವೈರಲ್ ಮಾಡುವುದಾಗಿ ಬೆದರಿಸಿದರು. ಅಲ್ಲದೆ, ನನ್ನ ಪಾಲಕರು ಸೇರಿದಂತೆ ನನ್ನ ಸಂಪರ್ಕದಲ್ಲಿರುವ ಕೆಲವರ ನಂಬರ್ಗೆ ಫೋಟೋಗಳನ್ನು ಸಹ ಕಳುಹಿಸಿದ್ದಾರೆಂದು ಲಕ್ಷ್ಮೀ ತಿಳಿಸಿದ್ದಾರೆ.
ಈ ಕುರಿತು ಸಿಕಂದರಾಬಾದ್ ಸೈಬರ್ ಪೊಲೀಸರಿಗೆ ದೂರು ನೀಡಿರುವುದಾಗಿ ನಟಿ ತಿಳಿಸಿದ್ದಾರೆ. ಇನ್ನು ಮುಂದೆ ಯಾರಿಗೂ ಇಂತಹ ಪರಿಸ್ಥಿತಿ ಎದುರಾಗಬಾರದು ಎಂದು ನಟಿ ವಿಡಿಯೋವನ್ನು ಅಂತ್ಯಗೊಳಿಸಿದ್ದಾರೆ. ವಿಡಿಯೋದಲ್ಲಿ ಲಕ್ಷ್ಮೀ ಅವರು ಸೈಬರ್ ವಂಚಕರ ಕೃತ್ಯ ನೆನೆದು ಕಣ್ಣೀರು ಹಾಕಿದ್ದಾರೆ. ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದು, ಅಳಬೇಡಿ ಧೈರ್ಯವಾಗಿರಿ ಎಂದು ಧೈರ್ಯ ತುಂಬಿದ್ದಾರೆ.
ಅಂದಹಾಗೆ ಲಕ್ಷ್ಮೀ ವಾಸುದೇವನ್ ಅವರು ತಮಿಳು, ತೆಲುಗು ಮತ್ತು ಕನ್ನಡದ ಸಿನಿಮಾ ಮತ್ತು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಲಕ್ಷ್ಮೀ ಅವರು ಚೆನ್ನೈ ಮೂಲದವರಾಗಿದ್ದು, ತಮಿಳಿನಲ್ಲಿ ತುಂಬಾ ಖ್ಯಾತಿ ಪಡೆದಿದ್ದಾರೆ. (ಏಜೆನ್ಸೀಸ್)
ಸ್ಟಾರ್ ನಟನ ಪುತ್ರನ ಜೊತೆ ರೋಜಾ ಪುತ್ರಿಯ ರೊಮ್ಯಾನ್ಸ್: ಕಾಲಿವುಡ್ ಗಲ್ಲಿಯಲ್ಲಿ ಹೀಗೊಂದು ಸುದ್ದಿ…
ಆಲಿಯಾ ಜತೆ ಮಲಗುವುದೆಂದರೆ ಅದೊಂದು ಹೋರಾಟ! ರಣಬೀರ್ ಹೇಳಿಕೆಗೆ ಆಲಿಯಾ ಉತ್ತರ ಹೀಗಿತ್ತು….
ಚಂಡೀಗಢ ವಿವಿ ಹಾಸ್ಟೆಲ್ ವಿಡಿಯೋ ಲೀಕ್: ಯೋಧ ಅರೆಸ್ಟ್, ಆರೋಪಿ ವಿದ್ಯಾರ್ಥಿನಿಗೂ ಯೋಧನಿಗಿದ್ದ ಸಂಬಂಧವೇನು?