ಚೆನ್ನೈ: ಕಾಲಿವುಡ್ ಸೂಪರ್ ಸ್ಟಾರ್ ವಿಜಯ್ ಅವರು ತಮ್ಮ ತಂದೆ-ತಾಯಿ ವಿರುದ್ಧವೇ ಕಾನೂನಿನ ಮೆಟ್ಟಿಲೇರಿರುವುದು ಎಲ್ಲರ ಹುಬ್ಬೇರಿಸಿದೆ. ತಮ್ಮ ಒಡೆತನದ ವಿಜಯ್ ಮಕ್ಕಳ್ ಇಯಕ್ಕಮ್ (ವಿಎಂಐ) ಹೆಸರಿನ ಸಾಮಾಜಿಕ ಕಲ್ಯಾಣ ಸಂಸ್ಥೆಯ ತಂಡವೂ ತನ್ನ ಹೆಸರನ್ನು ದುರ್ಬಳಕೆ ಮಾಡಿಕೊಂಡು ಅನೇಕ ಸಭೆಗಳನ್ನು ನಡೆಸಲಾಗುತ್ತಿದೆ ಎಂದು ವಿಜಯ್ ದೂರಿದ್ದಾರೆ.
ತನ್ನ ತಂದೆ ಎಸ್.ಎ. ಚಂದ್ರಶೇಖರ್ ಮತ್ತು ತಾಯಿ ಶೋಭಾ ಸೇರಿದಂತೆ ವಿಎಂಐ ಸಂಸ್ಥೆಯ ಮಾಜಿ ಮತ್ತು ಹಾಲಿ ಕಾರ್ಯನಿರ್ವಾಹಕರ ತಂಡವನ್ನು ನಿಷೇಧಿಸುವಂತೆ ವಿಜಯ್ ಅವರು ಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ. ಚೆನ್ನೈ ಹೈಕೋರ್ಟ್ನಲ್ಲಿ ಕೇಸು ದಾಖಲಾಗಿದ್ದು, ಇದೇ ತಿಂಗಳ 27ಕ್ಕೆ ಪ್ರಕರಣವನ್ನು ಮುಂದೂಡಲಾಗಿದೆ.
ಆಲ್ ಇಂಡಿಯಾ ಕಮ್ಯಾಂಡರ್ ವಿಜಯ್ ಪೀಪಲ್ ಮೂವ್ಮೆಂಟ್ ಎಂಬ ಪಾರ್ಟಿಯನ್ನು ಆರಂಭಿಸಿದ ವಿಜಯ್ ಸೋದರಸಂಬಂಧಿ ಪದ್ಮನಾಭನ್ ಅವರು ಅದರ ನಾಯಕರಾಗಿದ್ದಾರೆ. ವಿಜಯ್ ತಂದೆ ಎಸ್.ಎ. ಚಂದ್ರಶೇಖರ್ ಮತ್ತು ತಾಯಿ ಶೋಭಾ ಅವರು ಪಕ್ಷದ ಖಜಾಂಚಿಗಳಾಗಿದ್ದಾರೆ. ಆದರೆ, ಈ ಪಾರ್ಟಿಯಲ್ಲಿ ನನ್ನ ಪಾತ್ರವಿಲ್ಲ ಎಂದು ಈಗಾಗಲೇ ವಿಜಯ್ ನಿರಾಕರಿಸಿದ್ದಾರೆ.
ಇದೀಗ ಕೋರ್ಟ್ ಮೆಟ್ಟಿಲೇರಿರುವ ವಿಜಯ್, ತನ್ನ ಹೆಸರನ್ನು ಬಳಸಿಕೊಂಡು ವಿಎಂಐ ತಂಡವು ಸಭೆಗಳನ್ನು ನಡೆಸುವುದನ್ನು ನಿಷೇಧಿಸುವಂತೆ ಕೋರಿ ಅರ್ಜಿ ಸಲ್ಲಿಸಿದ್ದಾರೆ. ಈ ಪ್ರಕರಣದ ವಿಚಾರಣೆ ಸಮಯದಲ್ಲಿ ವಿಜಯ್ ತಾಯಿ ಶೋಭಾ ಪರವಾಗಿ ತಂದೆ ಚಂದ್ರಶೇಖರ್ ಅವರು ಪ್ರತ್ಯುತ್ತರ ಅರ್ಜಿಯನ್ನು ಸಲ್ಲಿದ್ದಾರೆ. ಆದರೆ, ವಿಜಯ್ ಪರ ವಕೀಲ ಕೋರ್ಟ್ಗೆ ಹಾಜರಾಗದ ಕಾರಣ ಈ ಪ್ರಕರಣವನ್ನು ಸೆ. 27ಕ್ಕೆ ಹೈಕೋರ್ಟ್ ಮುಂದೂಡಿದೆ.
ತಂದೆ ಚಂದ್ರಶೇಖರ್ ಮತ್ತು ವಿಜಯ್ ನಡುವೆ ಕೆಲವು ದಿನಗಳಿಂದ ಶೀತಲ ಸಮರ ನಡೆಯುತ್ತಿರುವುದು ತಿಳಿದಿದೆ. ಆದರೆ, ವಿಜಯ್ ತಮ್ಮ ತಾಯಿ ವಿರುದ್ಧವೇ ಕೋರ್ಟ್ ಹೋಗಿರುವುದು ಎಲ್ಲರನ್ನೂ ಅಚ್ಚರಿಗೆ ದೂಡಿದೆ. ಇನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ, ವಿಜಯ್ ತಮ್ಮ ಮುಂದಿನ “ಬೀಸ್ಟ್” ಚಿತ್ರದ ಚಿತ್ರೀಕರಣದಲ್ಲಿ ಬಿಜಿಯಾಗಿದ್ದಾರೆ. ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ ನಾಯಕಿಯಾಗಿದ್ದಾರೆ. (ಏಜೆನ್ಸೀಸ್)
ಅರಣ್ಯಾಧಿಕಾರಿ ಸಾವು ಪ್ರಕರಣ: ಪತ್ನಿಯ ಅಕ್ರಮ ಸಂಬಂಧದ ಮುಖವಾಡ ಕಳಚಲು ಪೊಲೀಸರ ಮೆಗಾ ಪ್ಲಾನ್..!
ಕಿವೀಸ್ ಕೈ ಕೊಟ್ರು ನಾನಿಲ್ಲವೇ? ವಿಶ್ವದೆದುರು ಬೆತ್ತಲಾಗಿರೋ ಪಾಕ್ಗೆ ವಿಂಡೀಸ್ ದೈತ್ಯ ಕ್ರಿಸ್ ಗೇಲ್ ಬೆಂಬಲ
ತಿರುಪತಿ ಭೇಟಿ ವೇಳೆ ಪತ್ರಕರ್ತರ ಮೇಲೆ ಸಮಂತಾ ಗರಂ: ನಿಮಗೆ ಬುದ್ಧಿ ಇಲ್ವಾ ಎಂದ ಸೌತ್ ಬ್ಯೂಟಿ