ನವದೆಹಲಿ: ಹೆಬ್ಬಾವೊಂದು ಇಡೀ ಜಿಂಕೆಯನ್ನು ಕಣ್ಣು ಮಿಟುಕಿಸುವುದರಲ್ಲಿ ಗುಳುಂ ಸ್ವಾಹ ಮಾಡಿದ ವಿಡಿಯೋವನ್ನು ಎಂದಾದರೂ ನೀವು ನೋಡಿದ್ದೀರಾ? ನೋಡಿಲ್ಲವಾದರೆ, ಇತ್ತೀಚೆಗಷ್ಟೇ ವೈರಲ್ ಆದ ವಿಡಿಯೋವೊಂದು ನಿಮಗೆ ಆ ಥ್ರಿಲ್ ನೀಡಲಿದೆ.
ಬ್ಯೂಟಿಫುಲ್ ನ್ಯೂ ಪಿಕ್ಸ್ ಆ್ಯಂಡ್ ಅನಿಮಲ್ ಪಿಕ್ಸ್ ಹೆಸರಿನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಅಪ್ಲೋಡ್ ಮಾಡಲಾಗಿದೆ. ದೈತ್ಯ ಹೆಬ್ಬಾವೊಂದು ಸತ್ತ ಜಿಂಕೆಯನ್ನು ಕೇವಲ ಸೆಕೆಂಡ್ಗಳಲ್ಲಿ ನುಂಗಿರುವ ರೋಚಕ ದೃಶ್ಯ ವಿಡಿಯೋದಲ್ಲಿದೆ.
ಮೊಲ, ಇಲಿಯಂತಹ ಸಣ್ಣ ಪ್ರಾಣಿಗಳನ್ನು ಹಾವುಗಳು ಗುಳುಂ ಸ್ವಾಹ ಮಾಡುವುದು ಸಾಮಾನ್ಯ. ಆದರೆ, ದೊಡ್ಡ ಪ್ರಾಣಿಗಳನ್ನು ಬೇಟೆಯಾಡಿ ನುಂಗುವ ವಿಡಿಯೋಗಳು ಕಾಣಸಿಗುವುದು ತುಂಬಾ ಅಪರೂಪ. ಇದೀಗ ವೈರಲ್ ಆಗಿರುವ ವಿಡಿಯೋ ನೋಡಿಗರಿಗೆ ರೋಚಕತೆ ಕಟ್ಟಿಕೊಡುವುದಂತೂ ಸತ್ಯವಾಗಿದೆ. ನೆಟ್ಟಿಗರು ಸಹ ವಿಡಿಯೋ ನೋಡಿ ಹುಬ್ಬೇರಿಸಿ ತಮ್ಮದೇ ರೀತಿಯಲ್ಲಿ ಅಭಿಪ್ರಾಯಗಳನ್ನು ಹೊರಹಾಕಿದ್ದಾರೆ.
ನಾನು ನಿಜವಾಗಿಯೂ ಹಾವುಗಳನ್ನು ದ್ವೇಷಿಸುತ್ತೇನೆ ಎಂದು ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿದ್ದರೆ, ಇನ್ನೊಬ್ಬ ನೆಟ್ಟಿಗ ತುಂಬಾ ಭಯಾನಕವಾಗಿದೆ ಎಂದಿದ್ದಾರೆ. ಆದರೆ, ಕೆಲವು ನೆಟ್ಟಿಗರು ವಿಡಿಯೋ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋವನ್ನು ರಿವರ್ಸ್ ವರ್ಷನ್ನಲ್ಲಿ ಪೋಸ್ಟ್ ಮಾಡಲಾಗಿದೆ. ಹೆಬ್ಬಾವು ಅಷ್ಟೊಂದು ವೇಗವಾಗಿ ನುಂಗಿಲ್ಲ. ಅದು ರಿವರ್ಸ್ ವಿಡಿಯೋ ಆಗಿದೆ. ಬೇಕಿದ್ದರೆ, ಹಾವಿನ ಬಡಿಯುವ ಕೈಗಳನ್ನು ಗಮನಿಸಬಹುದು ಎಂದಿದ್ದಾರೆ.
ಏನೇ ಇರಲಿ ಕೇವಲ ಒಂದು ವಾರದ ಹಿಂದಷ್ಟೇ ಪೋಸ್ಟ್ ಮಾಡಿರುವು ವಿಡಿಯೋ 27 ಸಾವಿರಕ್ಕೂ ಅಧಿಕ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಲಕ್ಷಾಂತರ ಜನರು ವೀಕ್ಷಿಸಿ ಹುಬ್ಬೇರಿಸಿದ್ದಾರೆ. (ಏಜೆನ್ಸೀಸ್)
ಗುಜರಾತ್ ಸೇತುವೆ ದುರಂತ: ಅಷ್ಟೊಂದು ಸಾವು ಸಂಭವಿಸಲು ಕಾರಣ ತಿಳಿಸಿದ NDRF ಮುಖ್ಯಸ್ಥ
ನಿಮ್ಮ ಕಣ್ಣಿಗೊಂದು ಸವಾಲು: ಈ ಫೋಟೋದಲ್ಲಿ ಕುರಿಗಳ ಹಿಂಡಿನ ಮಧ್ಯೆ ಇರುವ ತೋಳವನ್ನು ಪತ್ತೆ ಹಚ್ಚುವಿರಾ?
VIDEO| ದಣಿದ ಮಾವುತನನ್ನು ಸಂತೈಸಿದ ಆನೆ! ಭಾವನಾತ್ಮಕ ವಿಡಿಯೋ ನೋಡಿ ನೆಟ್ಟಿಗರು ಹೇಳಿದ್ದೇ ಬೇರೆ…