ಹೈದರಾಬಾದ್: ಕರೊನಾ ಎರಡನೇ ಅಲೆಯಿಂದಾಗಿ ಎಲ್ಲ ಭಾಷೆಯ ಚಿತ್ರರಂಗಗಳಲ್ಲೂ ಗೊಂದಲ ಏರ್ಪಟ್ಟಿದೆ. ಈ ವರ್ಷ ಕೆಲವು ದೊಡ್ಡ ಬಜೆಟ್ನ ಮತ್ತು ಪ್ಯಾನ್ ಇಂಡಿಯಾ ಚಿತ್ರಗಳು ಬಿಡುಗಡೆಯಾಗುವುದಕ್ಕೆ ಸಿದ್ಧವಾಗಿದ್ದವು. ಆದರೆ, ಇದೀಗ ಲಾಕ್ಡೌನ್ ಮತ್ತು ಚಿತ್ರಪ್ರದರ್ಶನ ರದ್ದಾದ ಹಿನ್ನೆಲೆಯಲ್ಲಿ ಎಲ್ಲ ಚಿತ್ರಗಳ ಬಿಡುಗಡೆ ದಿನಾಂಕದಲ್ಲಿ ಗೊಂದಲ ಏರ್ಪಟ್ಟಿದೆ.
ಇದನ್ನೂ ಓದಿ: ಅಮೆಜಾನ್ ಪ್ರೈಂನಲ್ಲಿ ಪವರ್ ಪ್ಲೇ; ಕನ್ನಡಕ್ಕೆ ಡಬ್ ಆಗಿ ಪ್ರಸಾರ ಆರಂಭಿಸಿದ ಚಿತ್ರ
ಪ್ರಮುಖವಾಗಿ, ತೆಲುಗು ಚಿತ್ರರಂಗದಲ್ಲಿ ಮೂರು ಪ್ಯಾನ್ ಇಂಡಿಯಾ ಸಿನಿಮಾಗಳು ಈ ವರ್ಷ ಬಿಡುಗಡೆಯಾಗಬೇಕಿತ್ತು. ಪ್ರಭಾಸ್ ಅಭಿನಯದ ರಾಧೇ ಶ್ಯಾಮ್, ಅಲ್ಲು ಅರ್ಜುನ್ ಅಭಿನಯದ ಪುಷ್ಪಾ ಮತ್ತು ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಚಿತ್ರಗಳು ಬಿಡುಗಡೆಯಾಗಬೇಕಿತ್ತು.
ಈ ಪೈಕಿ, ಪುಷ್ಪಾ ಚಿತ್ರವು ಆಗಸ್ಟ್ 13ಕ್ಕೆ ಬಿಡುಗಡೆಯಾಗಬೇಕಿದ್ದರೆ, ಆರ್ಆರ್ಆರ್ ಚಿತ್ರವು ಅಕ್ಟೋಬರ್ 13ಕ್ಕೆ ಬಿಡುಗಡೆ ಎಂದು ಹೇಳಲಾಗಿತ್ತು. ಆದರೆ, ಇದೀಗ ಲಾಕ್ಡೌನ್ನಿಂದಾಗಿ ಚಿತ್ರಗಳ ಬಿಡುಗಡೆಯಲ್ಲಿ ಏರುಪೇರಾಗಿದ್ದು, ಪುಷ್ಪಾ ಚಿತ್ರವು ಅಕ್ಟೋಬರ್ 13ಕ್ಕೆ ಬಿಡುಗಡೆಯಾದರೆ, ಆರ್ಆರ್ಆರ್ ಚಿತ್ರವು 2022ರ ಸಂಕ್ರಾಂತಿ ಹೊತ್ತಿಗೆ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಸೆನ್ಸಾರ್ ಅನುಮತಿ ಕೊಟ್ಟರೂ, ಸ್ವಯಂಪ್ರೇರಿತವಾಗಿ 21 ಕಟ್ ಮಾಡಿದ `ರಾಧೆ’ ಚಿತ್ರತಂಡ
ಈ ಮಧ್ಯೆ, ಪುಷ್ಪಾ ಚಿತ್ರವನ್ನು ಬಾಹುಬಲಿ ಮತ್ತು ಕೆಜಿಎಫ್ ಚಿತ್ರಗಳ ತರಹ ಎರಡು ಭಾಗಗಳಲ್ಲಿ ಬಿಡುಗಡೆ ಮಾಡುವುದಕ್ಕೆ ತೀರ್ಮಾನಿಸಲಾಗಿದೆ. ಈ ನಿಟ್ಟಿನಲ್ಲಿ, ಮೊದಲ ಭಾಗಕ್ಕೆ ಇನ್ನೂ ಕೆಲವು ದಿನಗಳ ಚಿತ್ರೀಕರಣ ಬಾಕಿ ಇದ್ದು, ಲಾಕ್ಡೌನ್ ಮುಗಿದ ಮೇಲೆ ಚಿತ್ರೀಕರಣ ಮುಗಿಸಿ ಅಕ್ಟೋಬರ್ 13ಕ್ಕೆ ಬಿಡುಗಡೆ ಮಾಡಲಾಗುತ್ತದಂತೆ. ಇನ್ನು, ಎರಡನೆಯ ಭಾಗದ ಚಿತ್ರೀಕರಣವನ್ನು ಈ ವರ್ಷದ ಕೊನೆಯಲ್ಲಿ ಪ್ರಾರಂಭಿಸಿ, ಮುಂದಿನ ವರ್ಷದ ಕೊನೆಗೆ ಬಿಡುಗಡೆ ಮಾಡಬೇಕು ಎಂದು ಚಿತ್ರತಂಡವೇನೋ ಸ್ಕೆಚ್ ಹಾಕಿದೆ. ಯಾರಿಗೆ ಗೊತ್ತು, ಈ ಪ್ಲಾನ್ನಲ್ಲಿ ಏನೇನು ಬದಲಾವಣೆ ಆಗುತ್ತದೆ ಎಂದು.
ಪ್ರಿಯಾಂಕಾ ಚೋಪ್ರಾ ಬೆನ್ನ ಹಿಂದಿದ್ದಾಳೆ ಮಹಾಕಾಳಿ; ವಿಶೇಷ ವಿನ್ಯಾಸದ ದಿರಿಸು ತೊಟ್ಟ ಪಿಗ್ಗಿ