ಕೋವಿಡ್- 19 ರೋಗಿಗಳಿಗಾಗಿ ನೂತನ ತಂತ್ರಜ್ಞಾನದೊಂದಿಗೆ ಪಂಜಾಬ್ನ ಅಮೃತಸರದ ವಸತಿ ಶಾಲೆಯೊಂದನ್ನು 1,000 ಹಾಸಿಗೆಗಳ ಐಸೋಲೇಷನ್ ಕೇಂದ್ರವನ್ನಾಗಿ ಪರಿವತಿರ್ಸಲಾಗಿದ್ದು, ಇದು ರಾಜ್ಯದಲ್ಲೇ ಮೊದಲನೆಯದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಲಕ್ಷಣ ರಹಿತ ರೋಗಿಗಳಿಗೆ ಮತ್ತು ಸೌಮ್ಯ ರೋಗ ಲಕ್ಷಣಗಳನ್ನು ಹೊಂದಿದವರಿಗೆ ಐಸೋಲೇಷನ್ ಮುಖ್ಯವಾಗಿದ್ದು, ಪ್ರತಿಷ್ಠಿತ ಶಾಲೆಯಲ್ಲಿ ಈ ಕೇಂದ್ರವನ್ನು ನಿರ್ಮಿಸಲಾಗಿದೆ ಎಂದು ರಾಜ್ಯಾದ್ಯಂತ ಕೊರೊನಾ ವೈರಸ್ ಪ್ರಕರಣಗಳ ಮೇಲ್ವಿಚಾರಣೆಯ ಉಸ್ತುವಾರಿ ವಹಿಸಿಕೊಂಡಿರುವ ವಿಶೇಷ ಮುಖ್ಯ ಕಾರ್ಯದರ್ಶಿ ಕೆಬಿಎಸ್ ಸಿಧು ಟ್ವೀಟ್ನಲ್ಲಿ ತಿಳಿಸಿದ್ದಾರೆ.
ಲುಧಿಯಾನ, ಜಲಂಧರ್ ಹಾಗೂ ಮೊಹಾಲಿ ನಗರಗಳಲ್ಲಿ ಇಂಥ ಕೇಂದ್ರಗಳನ್ನು ನಿರ್ಮಿಸಲಾಗುತ್ತದೆ. ಜನರ ನಡುವಿನ ಸಂಪರ್ಕವನ್ನು ಕಡಿಮೆಗೊಳಿಸಲು ಸ್ಥಳಿಯವಾಗಿ ನೂತನ ತಂತ್ರಜ್ಞಾನದೊಂದಿಗೆ ನಿರ್ಮಿಸಲಾಗಿದೆ ಎಂದು ತಿಳಿಸಿದ್ದಾರೆ.
ವಾರ್ಡ್ಗಳಲ್ಲಿನ ರೋಗಿಗಳಿಗೆ ನೀರು, ಆಹಾರ ಔಷಧಿ ಇತ್ಯಾದಿ ಪೂರೈಸಲು ರಿಮೋಟ್ ಆಧಾರಿತ ಸಾಧನಗಳಿರುತ್ತವೆ ಎಂದು ತಿಳಿಸಿದರು,
10 ಪ್ರತಿಷ್ಠಿತ ಶಾಲೆಗಳಲ್ಲಿನ ಹಾಸ್ಟೆಲ್ಗಳನ್ನು ರಾಜ್ಯ ಶಿಕ್ಷಣ ಇಲಾಖೆ ಕೋವಿಡ್ ರೋಗಿಗಳ ಆರೈಕೆಗೆ ಐಸೋಲೇಷನ್ ಕೇಂದ್ರಗಳನ್ನು ನಿಮಿರ್ಸಲು ನೀಡಿದೆ. ಇಲ್ಲಿ 8346 ಹಾಸಿಗೆ ಅಳವಡಿಸಲು ಅವಕಾಶವಿದೆ.
200 ಕ್ಲಾಸ್ರೂಮ್ಗಳನ್ನು ಆರೋಗ್ಯ ಸಿಬ್ಬಂದಿ ಬಳಕೆಗಾಗಿ ನೀಡಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅಮೃತ್ಸರ್ದಲ್ಲಿರುವ ಕೋವಿಡ್ -19 ರೋಗಿಗಳ ಆರೈಕೆ ಕೇಂದ್ರವು ಏಪ್ರಿಲ್ 30ರಂದು ಕಾರ್ಯಾರಂಭ ಮಾಡಬೇಕಿತ್ತು. ಆದರೆ ಗಡುವಿನ ಮೊದಲೇ ಕಾರ್ಯನಿರ್ವಹಿಸಲಿದೆ ಹಾಗೂ ಕೇಂದ್ರದಲ್ಲಿ ಸಮಾಲೋಚನೆ ಹಾಗೂ ಲಾಂಡ್ರಿ ಕೇಂದ್ರಗಳು ಇರಲಿವೆ, ಕೇಂದ್ರದ ಹೊರಗಿನ ಭದ್ರತೆಯನ್ನು ರಾಜ್ಯ ಪೊಲೀಸ್ ಇಲಾಖೆ ಒದಗಿಸಲಿದೆ ಎಂದು ಉಪ ಆಯುಕ್ತ ಶಿವ್ದುಲರ್ ಸಿಂಗ್ ಧಿಲ್ಲೋನ್ ತಿಳಿಸಿದ್ದಾರೆ.
ಅಮೃತ್ಸರ್ದ 14 ವ್ಯಕ್ತಿಗಳಿಗೆ ಕೊರೊನಾ ವೈರಸ್ ಇರುವುದು ಪತ್ತೆಯಾಗಿದ್ದು, ಇಬ್ಬರು ರೋಗಿಗಳು ಮೃತಪಟ್ಟಿದ್ದಾರೆ. ಅಮೃತಸರದಲ್ಲಿ ಪ್ರಸ್ತುತ 7 ಪ್ರಕರಣಗಳಿವೆ.(ಏಜೆನ್ಸೀಸ್)