ನ್ಯೂಯಾರ್ಕ್: ಮುಂಬರುವ ಟಿ20 ವಿಶ್ವಕಪ್ ಟೂರ್ನಿಗೆ ಉಗಾಂಡ ಕ್ರಿಕೆಟ್ ತಂಡ ಪ್ರಕಟಗೊಂಡಿದ್ದು, 43 ವರ್ಷದ ಎಡಗೈ ಸ್ಪಿನ್ನರ್ ಫ್ರಾಂಕ್ ಎನ್ಸುಬುಗಾ ಸ್ಥಾನ ಸಂಪಾದಿಸಿದ್ದಾರೆ. ಜೂನ್ 1ರಿಂದ ಅಮೆರಿಕ ಮತ್ತು ವೆಸ್ಟ್ ಇಂಡೀಸ್ ಜಂಟಿ ಆತಿಥ್ಯದಲ್ಲಿ ನಡೆಯಲಿರುವ ವಿಶ್ವಕಪ್ನಲ್ಲಿ ಆಡಲಿರುವ ಅತ್ಯಂತ ಹಿರಿಯ ಆಟಗಾರ ಎಂಬ ಹೆಗ್ಗಳಿಕೆಯೂ ಅವರದಾಗಿದೆ.
ಯಾವುದೇ ಮಾದರಿಯ ಐಸಿಸಿ ವಿಶ್ವಕಪ್ಗೆ ಮೊದಲ ಬಾರಿ ಪ್ರವೇಶ ಪಡೆದಿರುವ ಉಗಾಂಡ ತಂಡವನ್ನು ಬ್ರಿಯಾನ್ ಮಸಾಬಾ ಮುನ್ನಡೆಸಲಿದ್ದಾರೆ. ಪಾಕಿಸ್ತಾನ ಮೂಲದ ರೈಜಾಟ್ ಅಲಿ ಷಾ ತಂಡದ ಉಪನಾಯಕರಾಗಿ ನೇಮಕಗೊಂಡಿದ್ದಾರೆ. ಓಮನ್ ತಂಡದಲ್ಲಿ ಮೊಹಮದ್ ನದೀಂ ಮತ್ತು ನಸೀಮ್ ಖುಷಿ ಎಂಬ 41 ವರ್ಷದ ಇಬ್ಬರು ಆಟಗಾರರು ಸ್ಥಾನ ಪಡೆದಿದ್ದು, ಅವರನ್ನು ಫ್ರಾಂಕ್ ಎನ್ಸುಬುಗಾ ಮೀರಿಸಿ ಟೂರ್ನಿಯ ಹಿರಿಯ ಆಟಗಾರ ಎನಿಸಿದ್ದಾರೆ. ಕಳೆದ ವರ್ಷ ಆಫ್ರಿಕನ್ ಅರ್ಹತಾ ಟೂರ್ನಿಯಲ್ಲಿ ಜಿಂಬಾಬ್ವೆ, ಕೀನ್ಯಾ ತಂಡಗಳನ್ನು ಹಿಮ್ಮೆಟ್ಟಿಸಿ ಫೈನಲ್ಗೇರುವ ಮೂಲಕ ಉಗಾಂಡ ಟಿ20 ವಿಶ್ವಕಪ್ಗೆ ಅರ್ಹತೆ ಸಂಪಾದಿಸಿತ್ತು.
ಭಾರತದ ಮಾಜಿ ಆಟಗಾರ ಅಭಯ್ ಶರ್ಮ ಟಿ20 ವಿಶ್ವಕಪ್ನಲ್ಲಿ ಉಗಾಂಡ ತಂಡದ ಮುಖ್ಯ ಕೋಚ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಭಾರತ ಮೂಲದ ಮೂವರು ಆಟಗಾರರಾದ ದಿನೇಶ್ ನಕ್ರಾನಿ, ರೋನಕ್ ಪಟೇಲ್ ಮತ್ತು ಅಲ್ಪೇಶ್ ರಾಮ್ಜಾನಿ ಕೂಡ ಉಗಾಂಡ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಟಿ20 ವಿಶ್ವಕಪ್ನಲ್ಲಿ ಸಿ ಗುಂಪಿನಲ್ಲಿ ಸ್ಥಾನ ಪಡೆದಿರುವ ಉಗಾಂಡ ತಂಡ ಜೂನ್ 4ರಂದು ಗಯಾನಾದಲ್ಲಿ ಅಫ್ಘಾನಿಸ್ತಾನ ತಂಡವನ್ನು ಎದುರಿಸುವ ಮೂಲಕ ಅಭಿಯಾನ ಆರಂಭಿಸಲಿದೆ.
IPL 2024: ರಾಜಸ್ಥಾನ ರಾಯಲ್ಸ್ಗೆ ಡೆಲ್ಲಿ ಕ್ಯಾಪಿಟಲ್ಸ್ ಶಾಕ್; ಪಂತ್ ಪಡೆ ಪ್ಲೇಆಫ್ ಆಸೆಗೆ ಬಲ!