ಮೊಗಾ: ಪೊಲೀಸ್ ಕಾನ್ಸ್ಟೆಬಲ್ ತನ್ನ ಹೆಂಡತಿ, ಅತ್ತೆ ಮತ್ತು ಮೈದುನನ ಹೆಂಡತಿಯನ್ನೇ ಕೊಂದಿರುವ ಘಟನೆ ಪಂಜಾಬ್ನ ಮೊಗಾ ಜಿಲ್ಲೆಯ ಧರಂಕೋಟ್ನಲ್ಲಿ ನಡೆದಿದೆ. ಪೊಲೀಸ್ ಇಲಾಖೆ ಕೊಟ್ಟ ಎಕೆ47 ಗನ್ನಿಂದಲೇ ಆತ ಈ ಕೊಲೆಯನ್ನು ಮಾಡಿದ್ದಾನೆ ಎನ್ನಲಾಗಿದೆ.
ಪಂಜಾಬ್ನ ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದ ಕುಲವಿಂದರ್ ಸಿಂಗ್ಗೆ ತನ್ನ ಹೆಂಡತಿ ರಜ್ವಿಂದರ್ ಕೌರ್ ಕುಟುಂಬದೊಂದಿಗೆ ಆಸ್ತಿಯ ವಿಚಾರದಲ್ಲಿ ಆಗಾಗ ಜಗಳ ನಡೆಯುತ್ತಿರುತ್ತಿತ್ತು. ಶನಿವಾರ ಸಂಜೆ ಗಂಡ ಹೆಂಡತಿ ಇಬ್ಬರೂ ರಜ್ವಿಂದರ್ ಕೌರ್ ಮನೆಗೆ ಹೋಗಿದ್ದಾರೆ. ರಾತ್ರಿ ಕುಡಿದು ಬಂದ ಕುಲವಿಂದರ್ ಆಸ್ತಿಯ ವಿಚಾರದಲ್ಲಿ ಜಗಳ ಆರಂಭಿಸಿದ್ದಾನೆ. ಜಗಳ ತಾರಕ್ಕೇರಿದ್ದು ಸಿಟ್ಟಿನಿಂದ ತನಗೆ ಇಲಾಖೆ ಕೊಟ್ಟಿದ್ದ ಎಕೆ47 ಗನ್ನಿಂದಲೇ ಹೆಂಡತಿ, ಆಕೆಯ ತಾಯಿ ಮತ್ತು ಹೆಂಡತಿಯ ಸಹೋದರನ ಹೆಂಡತಿಯ ಮೇಲೆ ಗುಂಡು ಹಾರಿಸಿದ್ದಾನೆ. ಈ ಘಟನೆಯಲ್ಲಿ ಆತನ ಮೈದುನನ ಮಗಳಿಗೂ ಸಹ ಗಾಯಗಳಾಗಿದ್ದು ಆಕೆಯನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ.
ಕುಲ್ವಿಂದರ್ ಸಿಂಗ್ನ ವಿರುದ್ಧ ದೂರು ದಾಖಲಾಗಿದ್ದು, ಧರಂಕೋಟ್ ಪೊಲೀಸರು ಆತನನ್ನು ಬಂಧಿಸಿದ್ದಾರೆ. (ಏಜೆನ್ಸೀಸ್)