ಮುಂಬೈ: ಮ್ಯೂಚುಯಲ್ ಫಂಡ್ ಉದ್ಯಮದ ಸ್ವಯಂ-ನಿಯಂತ್ರಕ ಸಂಸ್ಥೆಯಾದ ಭಾರತದ ಮ್ಯೂಚುಯಲ್ ಫಂಡ್ಸ್ ಸಂಘವು (AMFI) ಪ್ರತಿ ವರ್ಷಕ್ಕೆ ಎರಡು ಬಾರಿ ಲಾರ್ಜ್ ಕ್ಯಾಪ್, ಮಿಡ್ ಕ್ಯಾಪ್ ಮತ್ತು ಸ್ಮಾಲ್ ಕ್ಯಾಪ್ ಸ್ಟಾಕ್‌ಗಳ ನವೀಕರಿಸಿದ ಪಟ್ಟಿಯನ್ನು ಪ್ರಕಟಿಸುತ್ತದೆ.
ಇತ್ತೀಚಿನ ಪಟ್ಟಿಯನ್ನು ಕಳೆದ ಜನವರಿ 4ರಂದು ಪ್ರಕಟಿಸಲಾಗಿದೆ. ಇದರಲ್ಲಿ ಟಾಪ್ 100 ಕಂಪನಿಗಳ ಷೇರುಗಳನ್ನು ‘ಲಾರ್ಜ್-ಕ್ಯಾಪ್’ ಸ್ಟಾಕ್ ಎಂದು ಪಟ್ಟಿ ಮಾಡಲಾಗಿದೆ, ಅಂದರೆ, ಹೆಚ್ಚು ಮಾರುಕಟ್ಟೆ ಬಂಡವಾಳೀಕರಣ (ಕಂಪನಿಯೊಂದರ ಒಟ್ಟು ಷೇರುಗಳ ಒಟ್ಟು ಮೊತ್ತ) ಇರುವ ಮುಂಚೂಣಿ 100 ಕಂಪನಿಗಳು ಇವಾಗಿರುತ್ತವೆ. ನಂತರದ 101ರಿಂದ 250ನೇ ಸ್ಥಾನದಲ್ಲಿರುವ ಕಂಪನಿಗಳನ್ನು ‘ಮಿಡ್-ಕ್ಯಾಪ್’ ಸ್ಟಾಕ್ಗಳು ಎಂದು ಪರಿಗಣಿಸಲಾಗುತ್ತದೆ. 251ನೇ ಸ್ಥಾನದಿಂದ ನಂತರದ ಕಂಪನಿಗಳ ಷೇರುಗಳನ್ನು ‘ಸ್ಮಾಲ್-ಕ್ಯಾಪ್’ ಎಂದು ಗುರುತಿಸಲಾಗುತ್ತದೆ.
ಇತ್ತೀಚಿನ AMFI ಪಟ್ಟಿಯ ಪ್ರಕಾರ ‘ಸ್ಮಾಲ್-ಕ್ಯಾಪ್’ ನಿಂದ ‘ಮಿಡ್-ಕ್ಯಾಪ್’ ವರ್ಗಕ್ಕೆ ಮೇಲೇರಿದ ನಾಲ್ಕು ಮಲ್ಟಿಬ್ಯಾಗರ್ ಸ್ಟಾಕ್ಗಳು (ಮಲ್ಟಿ ಬ್ಯಾಗರ್ ಸ್ಟಾಕ್ಗಳು ಎಂದರೆ ಹಲವು ಪಟ್ಟು ಬೆಲೆ ಹೆಚ್ಚಳ ಕಂಡ ಷೇರುಗಳು) ಈ ರೀತಿ ಇವೆ.
ಕಲ್ಯಾಣ್ ಜ್ಯುವೆಲರ್ಸ್ ಇಂಡಿಯಾ ಲಿಮಿಟೆಡ್:
ರೂ. 38,977.21 ಕೋಟಿಗಳ ಮಾರುಕಟ್ಟೆ ಬಂಡವಾಳೀಕರಣದೊಂದಿಗೆ, ಕಲ್ಯಾಣ್ ಜ್ಯುವೆಲರ್ಸ್ ಇಂಡಿಯಾ ಲಿಮಿಟೆಡ್‌ನ ಷೇರುಗಳು ಶುಕ್ರವಾರ 389.40 ರೂ.ಗೆ ತಲುಪಿವೆ. ಚಿನ್ನ ಮತ್ತು ಇತರ ಆಭರಣ ಉತ್ಪನ್ನಗಳ ವಿನ್ಯಾಸ, ಉತ್ಪಾದನೆ ಮತ್ತು ಮಾರಾಟದ ವ್ಯಾಪಾರದಲ್ಲಿ ಈ ಕಂಪನಿ ತೊಡಗಿಕೊಂಡಿದೆ,
ಈ ಕಂಪನಿಯ ಸ್ಟಾಕ್ ಒಂದು ವರ್ಷದಲ್ಲಿ ಶೇಕಡಾ 204 ರಷ್ಟು ಏರಿಕೆ ಕಂಡಿದೆ. ಅಂದರೆ, ಒಂದು ವರ್ಷದ ಹಿಂದೆ ಯಾರಾದರೂ ಕಂಪನಿಯ ಸ್ಟಾಕ್‌ಗೆ ರೂ 1 ಲಕ್ಷವನ್ನು ಹೂಡಿಕೆ ಮಾಡಿದ್ದರೆ, ಅದು ರೂ 3.04 ಲಕ್ಷಕ್ಕೆ ಏರುತ್ತಿತ್ತು.
ಮಜಗಾನ್ ಡಾಕ್ ಶಿಪ್ ಬಿಲ್ಡರ್ಸ್ ಲಿಮಿಟೆಡ್:
46,402.82 ಕೋಟಿಗಳ ಮಾರುಕಟ್ಟೆ ಬಂಡವಾಳೀಕರಣದೊಂದಿಗೆ, ಭಾರತದ ಹೆಸರಾಂತ ಹಡಗು ನಿರ್ಮಾಣ ಕಂಪನಿಯಾದ ಮಜಗಾಂವ್ ಡಾಕ್ ಶಿಪ್ಬಿಲ್ಡರ್ಸ್ ಲಿಮಿಟೆಡ್ (Mazagon Dock Shipbuilders Limited) ಷೇರುಗಳು ಶುಕ್ರವಾರ ರೂ 2292.40 ಕ್ಕೆ ತಲುಪಿವೆ.
ಒಂದು ವರ್ಷದಲ್ಲಿ ಈ ಕಂಪನಿಯ ಸ್ಟಾಕ್ ಶೇಕಡಾ 192 ರಷ್ಟು ಹೆಚ್ಚಳವಾಗಿದೆ. ಅಂದರೆ, ಒಂದು ವರ್ಷದ ಹಿಂದೆ ಯಾರಾದರೂ ಈ ಕಂಪನಿಯ ಸ್ಟಾಕ್‌ಗೆ ರೂ 1 ಲಕ್ಷವನ್ನು ಹೂಡಿಕೆ ಮಾಡಿದ್ದರೆ, ಅದು ರೂ 2.92 ಲಕ್ಷಕ್ಕೆ ಪರಿವರ್ತನೆಯಾಗುತ್ತಿತ್ತು.
ಎಸ್ಜೆವಿಎನ್ (SJVN) ಲಿಮಿಟೆಡ್:
ರೂ 35,737.56 ಕೋಟಿಗಳ ಮಾರುಕಟ್ಟೆ ಬಂಡವಾಳೀಕರಣದೊಂದಿಗೆ, ವಿದ್ಯುತ್ ಉತ್ಪಾದನೆಯ ವ್ಯವಹಾರದಲ್ಲಿ ತೊಡಗಿರುವ ಎಸ್ಜೆವಿಎನ್ ಲಿಮಿಟೆಡ್‌ನ ಷೇರುಗಳು ಶುಕ್ರವಾರ ರೂ ರೂ 94.15 ಕ್ಕೆ ತಲುಪಿವೆ.
ಒಂದು ವರ್ಷದಲ್ಲಿ ಈ ಕಂಪನಿಯ ಸ್ಟಾಕ್ ಸರಿಸುಮಾರು 168 ಪ್ರತಿಶತದಷ್ಟು ಹೆಚ್ಚಳ ದಾಖಲಿಸಿದೆ. ಒಂದು ವರ್ಷದ ಹಿಂದೆ ಯಾರಾದರೂ ಕಂಪನಿಯ ಸ್ಟಾಕ್‌ಗೆ ರೂ 1 ಲಕ್ಷವನ್ನು ಹೂಡಿಕೆ ಮಾಡಿದ್ದರೆ, ಅದು ರೂ 2.68 ಲಕ್ಷಕ್ಕೆ ತಲುಪುತ್ತಿತ್ತು.
ಕ್ರೆಡಿಟ್ ಆಕ್ಸೆಸ್ ಗ್ರಾಮೀಣ್ ಲಿಮಿಟೆಡ್:
ರೂ 27,919.47 ಕೋಟಿಗಳ ಮಾರುಕಟ್ಟೆ ಬಂಡವಾಳೀಕಣ ಇರುವ , ಮೈಕ್ರೋಫೈನಾನ್ಸ್ ಸೇವೆಗಳನ್ನು ಒದಗಿಸುವ ಕ್ರೆಡಿಟ್‌ಆಕ್ಸೆಸ್ ಗ್ರಾಮೀಣ ಲಿಮಿಟೆಡ್‌ನ ಷೇರುಗಳ ಬೆಲೆ ಶುಕ್ರವಾರ ರೂ 1,703.5 ಕ್ಕೆ ತಲುಪಿದೆ,
ಒಂದು ವರ್ಷದ ಅವಧಿಯಲ್ಲಿ ಈ ಕಂಪನಿಯ ಸ್ಟಾಕ್ ಸರಿಸುಮಾರು 102 ಪ್ರತಿಶತದಷ್ಟು ಹೆಚ್ಚಳವಾಗಿದೆ, ಅಂದರೆ, ಒಂದು ವರ್ಷದ ಹಿಂದೆ ಯಾರಾದರೂ ಕಂಪನಿಯ ಸ್ಟಾಕ್‌ಗೆ ರೂ 1 ಲಕ್ಷವನ್ನು ಹೂಡಿಕೆ ಮಾಡಿದ್ದರೆ, ಅದು ರೂ 2.02 ಲಕ್ಷಕ್ಕೆ ತಲುಪುತ್ತಿತ್ತು.
ಭಾರತದ ಚಿಲ್ಲರೆ ಹಣದುಬ್ಬರ 4 ತಿಂಗಳ ಗರಿಷ್ಠ ಮಟ್ಟಕ್ಕೆ ಏರಿಕೆ: ಇದರ ಅರ್ಥವೇನು?
ಹೊಸ ಗರಿಷ್ಠ ಮಟ್ಟ ತಲುಪಿ ದಾಖಲೆ ಬರೆದ ಸೂಚ್ಯಂಕ: ಐಟಿ ಷೇರುಗಳ ಬೆಲೆ ಗಗನಮುಖಿಯಾಗಿದ್ದೇಕೆ?
ಹೊಸ ಗರಿಷ್ಠ ಮಟ್ಟ ತಲುಪಿ ದಾಖಲೆ ಬರೆದ ಸೂಚ್ಯಂಕ: ಐಟಿ ಷೇರುಗಳ ಬೆಲೆ ಗಗನಮುಖಿಯಾಗಿದ್ದೇಕೆ?