ಮುಂಬೈ: ಪ್ರಿಯಾಂಕಾ ಚೋಪ್ರಾಗೆ ಹಾಲಿವುಡ್ ಹೊಸದೇನಲ್ಲ. ಈಗಾಗಲೇ ಅಲ್ಲಿ ಅವರು ಕೆಲವು ಚಿತ್ರಗಳಲ್ಲಿ ನಟಿಸುತ್ತಿರುವುದಷ್ಟೇ ಅಲ್ಲ, ನಿರ್ಮಾಣದಲ್ಲೂ ತೊಡಗಿಸಿಕೊಂಡಿದ್ದಾರೆ. ಇದೀಗ ಅವರು ‘ಟೆಕ್ಸ್ಟ್ ಫಾರ್ ಯೂ’ ಎಂಬ ಇನ್ನೊಂದು ಹೊಸ ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿ: ಕಂಗನಾ ಮನೆ ಕೆಡವಲು ಮುಂಬೈ ಪಾಲಿಕೆ ವಕೀಲರಿಗೆ ನೀಡಿದ ಬಂಪರ್ ಮೊತ್ತವಿದು!
ವಿಶೇಷವೆಂದರೆ, ಐದು ಬಾರಿ ಗ್ರಾಮಿ ಪ್ರಶಸ್ತಿಗಳನ್ನು ಗೆದ್ದಿರುವ ಸೆಲೀನ್ ಡಿಯೋನ್ ಈ ಚಿತ್ರದಲ್ಲಿ ನಟಿಸುತ್ತಿರುವುದು. ಸೆಲೀನ್ ಡಿಯೋನ್ ಯಾರು ಎಂದು ತಕ್ಷಣಕ್ಕೆ ನೆನಪಾಗದಿದ್ದರೆ, ‘ಟೈಟಾನಿಕ್’ ಚಿತ್ರದ ಹಾಡನ್ನು ನೆನಪಿಸಿಕೊಳ್ಳಿ. ಆ ಹಾಡನ್ನು ಹಾಡಿದ್ದು ಅದೇ ಸೆಲೀನ್ ಡಿಯೋನ್. ಈಗ ಅವರು ಹಾಲಿವುಡ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಅಂದಹಾಗೆ, ಈ ಚಿತ್ರವನ್ನು ನಿರ್ದೇಶಿಸುತ್ತಿರುವುದು ಜಿಮ್ ಸ್ಟ್ರೌಸ್. ಈ ಹಿಂದೆ, ‘ಗ್ರೇಸ್ ಈಸ್ ಗಾನ್’ ಎಂಬ ಚಿತ್ರವನ್ನು ನಿರ್ದೇಶಿಸಿದ್ದ ಜಿಮ್, ಇದೀಗ ಈ ಚಿತ್ರವನ್ನು ನಿರ್ದೇಶಿಸುವುದಕ್ಕೆ ಸಜ್ಜಾಗಿದ್ದಾರೆ. 2016ರಲ್ಲಿ ಬಿಡುಗಡೆಯಾದ ಒಂದು ಜರ್ಮನ್ ಚಿತ್ರದಿಂದ ಸ್ಫೂರ್ತಿ ಪಡೆದು ನಿರ್ಮಿಸಲಾಗುತ್ತಿರುವ ಈ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ, ಭಗ್ನಪ್ರೇಮಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರಂತೆ. ಆ ಭಗ್ನಪ್ರೇಮಿಗೆ ಧೈರ್ಯ ತುಂಬುವುದರ ಜತೆಗೆ, ಇನ್ನೊಮ್ಮೆ ಪ್ರೀತಿಸುವುದಕ್ಕೆ ಪ್ರೇರೇಪಿಸುವ ಕೆಲಸವನ್ನು ಈ ಚಿತ್ರದಲ್ಲಿ ಸೆಲೀನ್ ಡಿಯೋನ್ ಮಾಡುತ್ತಾರಂತೆ.
ಇದನ್ನೂ ಓದಿ: ಚಿತ್ರ ಹೇಗಿರುತ್ತದೆ ಎಂದು ಪರಿಚಯಿಸುವುದಕ್ಕೆ 25 ನಿಮಿಷಗಳ ಶೋರೀಲ್!
ಸದ್ಯ ಬರ್ಲಿನ್ನಲ್ಲಿ ‘ಮ್ಯಾಟ್ರಿಕ್ಸ್ 4’ ಚಿತ್ರೀಕರಣದಲ್ಲಿ ಭಾಗವಹಿಸಿರುವ ಪ್ರಿಯಾಂಕಾ, ಈ ಚಿತ್ರದ ಚಿತ್ರೀಕರಣವನ್ನು ಮುಗಿಸಿ, ಮುಂದಿನ ವರ್ಷದ ಆರಂಭದಿಂದ ‘ಟೆಕ್ಸ್ಟ್ ಫಾರ್ ಯೂ’ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸುವ ಸಾಧ್ಯತೆ ಇದೆ.
ದಸರಾ ಹಬ್ಬದಂದು ನಟಿ ಕಾಜಲ್ ಧರಿಸಿದ್ದ ದಿರಿಸಿನ ಬೆಲೆ ಕೇಳಿದ್ರೆ ದಂಗಾಗ್ತೀರಾ..!