ಸಂಜನಾ ಗಾಲ್ರಾಣಿಗೂ, ಡ್ರಗ್ಸ್ ಮಾಫಿಯಾಗೂ ನಂಟಿದೆ ಎಂದು ಕೆಲವೇ ದಿನಗಳ ಹಿಂದೆ ಹೇಳಿದ್ದರು ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್ ಸಂಬರಗಿ ಹೇಳಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ್ದ ಸಂಜನಾ, ಪ್ರಶಾಂತ್ ಅವರು ಯಾರು ಎಂದೇ ಗೊತ್ತಿಲ್ಲ ಎಂದಿದ್ದರು. ಅಷ್ಟೇ ಅಲ್ಲ, ಪ್ರಶಾಂತ್ ಅವರನ್ನು ನಾಯಿ, ಹಂದಿ ಎಂದು ಕರೆದಿದ್ದರು.
ಇದನ್ನೂ ಓದಿ: ‘ತುಪ್ಪ’ದ ಬೆಡಗಿ ರಾಗಿಣಿಗೆ ಸೊಳ್ಳೆ ಕಾಟವಂತೆ! ಹೀಗಿತ್ತು ಬಂಧನದ ಮೊದಲ ರಾತ್ರಿ
ಈ ವಿಷಯವಾಗಿ ಪ್ರತಿಕ್ರಿಯೆ ನೀಡಿರುವ ಪ್ರಶಾಂತ್, ಸಂಜನಾ ಅವರು ತಮ್ಮನ್ನು ಹಂದಿ, ನಾಯಿ ಅಂತ ಕರೆದಿದ್ದು ಬೇಸರವಿಲ್ಲ ಎಂದು ಹೇಳಿದ್ದಾರೆ. ಅದರ ಜತೆಗೆ, ಒಂದು ವಿಡಿಯೋ ಬಿಡುಗಡೆ ಮಾಡಿರುವ ಪ್ರಶಾಂತ್, ಅದಕ್ಕೆ ಸ್ಪಷ್ಟೀಕರಣ ಕೊಡಿ ಎಂದು ಕೇಳಿದ್ದಾರೆ. ಈ ವಿಡಿಯೋ ಕಳೆದ ವರ್ಷದ್ದಾಗಿದ್ದು, ಶ್ರೀಲಂಕಾದ ಕೊಲೊಂಬೋದಲ್ಲಿ ನಡೆದ ಒಂದು ಇವೆಂಟ್ನಲ್ಲಿ ಸಂಜನಾ ಜತೆಗೆ ಶಾಸಕ ಜಮೀರ್ ಅಹ್ಮದ್ ಖಾನ್ ಸಹ ಕಾಣಿಸಿಕೊಂಡಿದ್ದರು ಎಂದು ಆರೋಪಿಸಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ‘2019ರಲ್ಲಿ ಶ್ರೀಲಂಕಾದ ಕೊಲಂಬೋದ ಬಾಲಿ ಕ್ಯಾಸಿನೋದಲ್ಲಿ ಒಂದು ದೊಡ್ಡ ಇವೆಂಟ್ ನಡೆದಿತ್ತು. ಈ ಕಾರ್ಯಕ್ರಮದಲ್ಲಿ ಬಾಲಿವುಡ್ ನಟ ವಿವೇಕ್ ಒಬೆರಾಯ್, ಸಂಜನಾ, ಜಮೀರ್ ಅಹ್ಮದ್ ಖಾನ್ ಬಲಗೈ ಬಂಟ ಸಯ್ಯದ್ ಫೈಜುಲ್ಲ ಹಾಜರಿದ್ದರು’ ಎಂದು ಆರೋಪಿಸಿದ್ದಾರೆ. ಅಷ್ಟೇ ಅಲ್ಲ, ಈ ಕಾರ್ಯಕ್ರಮದಲ್ಲಿ ಜಮೀರ್ ಅಹ್ಮದ್ ಖಾನ್ ಸಹ ಭಾಗವಹಿಸಿದ್ದರು ಮತ್ತು ಈ ವಿಷಯವಾಗಿ ಅವರ ಮತ್ತು ಸಂಜನಾ ಪಾಸ್ಪೋರ್ಟ್ಗಳನ್ನು ಪೊಲೀಸರು ಟ್ಯಾಲಿ ಮಾಡಿ ನೋಡಲಿ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಸ್ಯಾಂಡಲ್ವುಡ್ಗೆ ಹೊತ್ತಿಕೊಂಡ ಡ್ರಗ್ಸ್ ಬೆಂಕಿ; ತುರ್ತು ಸಭೆ ಕರೆದ ಫಿಲಂ ಚೇಂಬರ್
‘ಸಂಜನಾ ಅವರು ನನಗೆ ನಾಯಿ, ಹಂದಿ ಅಂತೆಲ್ಲಾ ಹೋಲಿಸಿದ್ದು ನನಗೆ ಬೇಸರ ಇಲ್ಲ. ಈ ವಿಡಿಯೋ ಬಗ್ಗೆ ಸ್ಪಷ್ಟೀಕರಣ ಕೊಡಲಿ. ಇದು ಬರೀ ಡ್ರಗ್ ಮಾಫಿಯಾ ವಿಷಯ ಅಷ್ಟೇ ಅಲ್ಲ, ಗ್ಯಾಂಬ್ಲಿಂಗ್ ಮಾಫಿಯಾ ಸಹ ಇದೆ. ಗ್ಯಾಂಬ್ಲಿಂಗ್ನಿಂದ ಬರುವ ದುಡ್ಡನ್ನು ಹವಾಲಾ ಮೂಲಕ ಕೊಲಂಬೋಗೆ ಕಳಿಸಿ, ಆ ಹಣದಿಂದ ದುಬೈನಲ್ಲಿ ಡ್ರಗ್ಸ್ ಖರೀದಿಯಾಗಿ, ಕರಾಚಿಗೆ ರವಾನೆಯಾಗಿ, ಪಂಜಾಬ್ ಮೂಲಕ ಭಾರತಕ್ಕೆ ಬರುತ್ತದೆ. ನಿಜ ಹೇಳಬೇಕೆಂದರೆ, ಡ್ರಗ್ಸ್ಗೆ ಹಣ ಬರುತ್ತಿರುವುದು ಗ್ಯಾಂಬ್ಲಿಂಗ್ ದುಡ್ಡಿನಿಂದ. ಈ ಬಗ್ಗೆ ಇಡಿ ಮತ್ತು ಇನ್ಕಮ್ ಟ್ಯಾಕ್ಸ್ ಇಲಾಖೆಗಳು ಸೂಕ್ತ ತನಿಖೆ ಮಾಡಲಿ’ ಎಂದು ಹೇಳಿದ್ದಾರೆ.