ಕಾನ್ಪುರ: ಪೊಲೀಸ್ ಪೇದೆಯೋರ್ವರು ಕಾನ್ಪುರದಿಂದ ಜಬಲ್ಪುರಕ್ಕೆ ಬರೋಬ್ಬರಿ 450 ಕಿ.ಮೀ.ದೂರ ನಡೆದುಕೊಂಡೇ ಸಾಗಿದ ಘಟನೆ ನಡೆದಿದೆ.
ಕಾನ್ಪುರದ ಭೌತಿ ನಿವಾಸಿಯಾಗಿರುವ ಪೊಲೀಸ್ ಪೇದೆ ಆನಂದ್ ಪಾಂಡೆ ಜಬಲ್ಪುರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರ ಪತ್ನಿಗೆ ಅನಾರೋಗ್ಯವಿದ್ದುದರಿಂದ ಮಾ.20ರಂದು ಜಬಲ್ಪುರದಿಂದ ಕಾನ್ಪುರಕ್ಕೆ ಆಗಮಿಸಿದ್ದರು. ಆದರೆ ಬಳಿಕ ಮಾ.25ರಿಂದ ಲಾಕ್ಡೌನ್ ಆಗಿದ್ದರಿಂದ ವಾಪಸ್ ಹೋಗಲು ಕಷ್ಟಪಡುವಂತಾಯಿತು. ಯಾವುದೇ ವಾಹನಗಳೂ ಇರಲಿಲ್ಲ. ಆದರೆ ಕರ್ತವ್ಯಕ್ಕೆ ಹಾಜರಾಗಲೇಬೇಕಿತ್ತು. ಮಾ.30ರಂದು ಕಾನ್ಪುರದಿಂದ ನಡೆದುಕೊಂಡೇ ಹೊರಟ ಆನಂದ್ ಅವರು ಮೂರು ದಿನಗಳಲ್ಲಿ ಜಬಲ್ಪುರ ಸೇರಿದರು.
ಅಷ್ಟು ದೂರ ನಡೆದುಕೊಂಡು ಬಂದು ಕರ್ತವ್ಯಕ್ಕೆ ಹಾಜರಾದ ಆನಂದ್ ಪಾಂಡೆಯವರನ್ನು ಜಬಲ್ಪುರ ಠಾಣೆಯ ಅಧಿಕಾರಿ ಮತ್ತು ಎಲ್ಲ ಸಿಬ್ಬಂದಿ ಶ್ಲಾಘಿಸಿದ್ದಾರೆ. ಸದ್ಯ ಪಾಂಡೆ, ಘಂಟಾಗಡ್ ಚೌಕ್ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. (ಏಜೆನ್ಸೀಸ್)