ನವದೆಹಲಿ: ದೇಶದ ಮೊಟ್ಟಮೊದಲ ರ್ಯಾಪಿಡ್ ಎಕ್ಸ್ ರೈಲು ಸಂಚಾರಕ್ಕೆ ಪ್ರಧಾನಿ ಮೋದಿ ಇಂದು (ಅ.20) ಹಸಿರು ನಿಶಾನೆ ತೋರಿದರು. ವಂದೇ ಭಾರತ್ ರೈಲಿನ ವೇಗಕ್ಕೆ ಸರಿಸಮನಾಗಿ ಸಂಚರಿಸುವ ಮತ್ತೊಂದು ಸೆಮಿ ಸ್ಪೀಡ್ ರೈಲು ಇದಾಗಿದ್ದು, ದೆಹಲಿ- ಗಾಜಿಯಾಬಾದ್-ಮೀರತ್ ರೀಜನಲ್ ರ್ಯಾಪಿಡ್ ಟ್ರಾನ್ಸಿಟ್ ಸಿಸ್ಟಮ್ (ಆರ್ಆರ್ಟಿಎಸ್- ಪ್ರಾದೇಶಿಕ ತ್ವರಿತ ಸಂಚಾರ ವ್ಯವಸ್ಥೆ) ಯೋಜನೆಯಡಿ ರ್ಯಾಪಿಡ್ ಎಕ್ಸ್ ರೈಲಿನ ಮೊದಲ ಪ್ರಯಾಣವು ಉತ್ತರ ಪ್ರದೇಶದ ಸಾಹಿಬಾಬಾದ್ನಿಂದ ದುಹೈ ಡಿಪೋವರೆಗೆ ನಡೆಯಿತು. ಪ್ರಧಾನಿ ಮೋದಿ ಸಹ ಮೊದಲ ಸಂಚಾರ ಅನುಭವನ್ನು ಪಡೆದರು.
#WATCH | Sahibabad, Uttar Pradesh | Prime Minister Narendra Modi flags off the RapidX train connecting Sahibabad to Duhai depot, marking the launch of Regional Rapid Transit System (RRTS) in India. This is India’s first RapidX train which will be known as NaMo Bharat. pic.twitter.com/YaanYmocB8
— ANI (@ANI) October 20, 2023
ಪ್ರಯಾಣದ ನಡುವೆ ಪ್ರಧಾನಿ ಮೋದಿ ಅವರು ರೈಲಿನ ಒಳಗೆ ವಿದ್ಯಾರ್ಥಿಗಳು ಹಾಗೂ ರೈಲಿನ ಸಿಬ್ಬಂದಿಯ ಜತೆ ಸಂವಾದ ನಡೆಸಿದರು. ಇನ್ನು ಈ ರ್ಯಾಪಿಡ್ ಎಕ್ಸ್ ರೈಲು ಸಂಚಾರ ಅ.21ರಂದು ಸಾರ್ವಜನಿಕರಿಗೆ ಲಭ್ಯವಾಗಲಿದೆ.
#WATCH | Prime Minister Narendra Modi interacts with school children and crew of RapidX train – 'NaMo Bharat' – connecting Sahibabad to Duhai Depot, onboard the train.
He inaugurated the priority section of Delhi-Ghaziabad-Meerut RRTS Corridor and flagged off NaMo Bharat at… pic.twitter.com/o6GQp7wMav
— ANI (@ANI) October 20, 2023
ರಾಷ್ಟ್ರೀಯ ರಾಜಧಾನಿ ಪ್ರದೇಶ ಸಾರಿಗೆ ಸಂಸ್ಥೆ (NCRTC) ಕಳೆದ ಏಪ್ರಿಲ್ ತಿಂಗಳಲ್ಲಿ RRTS ರೈಲುಗಳಿಗೆ RAPIDX ಎಂದು ಹೆಸರಿಸಿತ್ತು. ಇದರ ನಡುವೆ ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರು ಆರ್ಆರ್ಟಿಎಸ್ ರೈಲುಗಳನ್ನು ‘ನಮೋ ಭಾರತ್’ ಎಂದು ಕರೆಯಲಾಗುವುದು ಎಂದು ತಮ್ಮ ಎಕ್ಸ್ ಖಾತೆಯಲ್ಲಿ ಘೋಷಿಸಿದ್ದಾರೆ.
ಆರ್ಆರ್ಟಿಎಸ್ ಕಾರಿಡಾರ್ನ ಒಟ್ಟು ಉದ್ದವು ರಾಜಧಾನಿ ದೆಹಲಿಯಿಂದ ಉತ್ತರಪ್ರದೇಶದ ರಾಜ್ಯದ ಮೀರತ್ವರೆಗೆ 82 ಕಿ.ಮೀ. ಆಗಿದೆ. ಈ ಸಂಪೂರ್ಣ ರೈಲು ಮಾರ್ಗವನ್ನು 2025ರ ಹೊತ್ತಿಗೆ ಪೂರ್ಣಗೊಳಿಸಲು ಗುರಿ ಹಾಕಿಕೊಳ್ಳಲಾಗಿದೆ. ಈ ಕಾರಿಡಾರ್ ಪೈಕಿ 17 ಕಿಮೀ ಉದ್ದದ ಆದ್ಯತೆಯ ವಿಭಾಗವಾದ ಸಾಹಿಬಾಬಾದ್ನಿಂದ ದುಹೈ ಡಿಪೋವರೆಗೆ ರೈಲು ಸಂಚಾರ ಈಗ ಆರಂಭವಾಗಿದೆ. ಗಾಜಿಯಾ ಬಾದ್, ಗುಲ್ಧರ್ ಮತ್ತು ದುಹೈ ನಿಲ್ದಾಣಗಳ ಮೂಲಕ ಈಗ ರೈಲು ಸಾಗುತ್ತದೆ. ಈ ರೈಲು ಪ್ರತಿ ಗಂಟೆಗೆ ಸರಾಸರಿ 100 ಕಿ.ಮೀ. ವೇಗದಲ್ಲಿ ಸಂಚರಿಸಲಿದೆ. ರ್ಯಾಪಿಡ್ಎಕ್ಸ್ ರೈಲಿನ ಯೋಜನೆಯನ್ನು ರಾಷ್ಟ್ರೀಯ ರಾಜಧಾನಿ ಪ್ರಾದೇಶಿಕ ಸಾರಿಗೆ ಸಂಸ್ಥೆ (ಎನ್ಸಿಆರ್ಟಿಸಿ) ಜಾರಿಗೊಳಿಸುತ್ತಿದೆ.
ದರ: ಸ್ಟ್ಯಾಂಡರ್ಡ್ ಕೋಚ್ಗಳಿಗೆ ಕನಿಷ್ಠ ದರ 20 ರೂ. ಮತ್ತು ಗರಿಷ್ಠ 50 ರೂ. ಪ್ರೀಮಿಯಂ ಕೋಚ್ಗಳಿಗೆ ಕನಿಷ್ಠ ದರ 40 ರೂ. ಮತ್ತು ಗರಿಷ್ಠ 100 ರೂ. ಈ ರೈಲುಗಳು ಬೆಳಗ್ಗೆ 6 ರಿಂದ ರಾತ್ರಿ 11 ರವರೆಗೆ ಕಾರ್ಯನಿರ್ವಹಿಸಲಿವೆ. ಪ್ರತಿ 15 ನಿಮಿಷಗಳಿಗೆ ಒಂದು ರೈಲು ಸಂಚರಿಸಲಿದೆ.
ರೈಲಿನ ವೈಶಿಷ್ಟ್ಯಗಳು
* ರೈಲಿನ ವೇಗ ಪ್ರತಿ ಗಂಟೆಗೆ 160 ಕಿ.ಮೀ.
* ಪ್ರತಿ ರೈಲಿನಲ್ಲಿ 6 ಕೋಚ್, ಅಂದಾಜು 1,700 ಪ್ರಯಾಣಿಕರ ಸಾಮರ್ಥ್ಯ
* ಒಂದು ಕೋಚ್ನಲ್ಲಿ 72 ಸೀಟು, ಪ್ರೀಮಿಯಂ ಕೋಚ್ನಲ್ಲಿ 62 ಸೀಟು.
* ಮಹಿಳೆಯರಿಗೆ ಒಂದು ಪ್ರತ್ಯೇಕ ಕೋಚ್
* ಪ್ರತಿ ಕೋಚ್ನಲ್ಲಿ ಮಹಿಳೆಯರು, ಅಂಗವಿಕಲರು, ಹಿರಿಯ ನಾಗರಿಕರಿಗೆ ಆಸನ ಮೀಸಲು.
* ಸಂಪೂರ್ಣ ಹವಾ ನಿಯಂತ್ರಿತ. ಪ್ರಾದೇಶಿಕ ಪ್ರಯಾಣಕ್ಕೆ ಪೂರಕವಾಗಿ ಆಸನ ವಿನ್ಯಾಸ,
* ನಿಂತುಕೊಳ್ಳಲು ವಿಶಾಲವಾದ ಸ್ಥಳಾವಕಾಶ. ಲಗೇಜ್ ರ್ಯಾಕ್ ಸೌಲಭ್ಯ.
* ಪ್ರೀಮಿಯಂ ಕೋಚ್ನಲ್ಲಿ ತಿಂಡಿ, ಪಾನೀಯ ಖರೀದಿಸಬಹುದಾದ ಮಾರಾಟ ಯಂತ್ರ ಅಳವಡಿಕೆ.
* ಪ್ರತಿ ರೈಲಿನಲ್ಲಿ ಒಬ್ಬ ಅಟೆಂಡೆಂಟ್ ನಿಯೋಜನೆ.
* ಲ್ಯಾಪ್ಟಾಪ್, ಮೊಬೈಲ್ ಚಾರ್ಜಿಂಗ್ ಸೌಲಭ್ಯ.
* ಕೊನೆಯ ಕೋಚ್ನಲ್ಲಿ ಗಾಲಿಕುರ್ಚಿ, ಸ್ಟ್ರೆಚರ್.
ವಂದೇ ಭಾರತ್ ಸ್ಲೀಪರ್ ಟ್ರೈನ್ಗೆ ಜಾಗತಿಕ ರೈಲುಗಳೇ ಸ್ಫೂರ್ತಿ: ರಾಜಧಾನಿ ಎಕ್ಸ್ಪ್ರೆಸ್ಗಿಂತಲೂ ಅತ್ಯುತ್ತಮ
ಮೋದಿ ಸರ್ಕಾರದ 9 ವರ್ಷದ ಆಡಳಿತದಲ್ಲಿ ಮಾವೋವಾದಿಗಳ ಹಿಂಸಾಚಾರ ಶೇ.52ಕ್ಕೆ ಕುಸಿತ: ಅಮಿತ್ ಷಾ