ಬೀದರ್: ಪ್ರಜಾ ಪ್ರಭುತ್ವದಲ್ಲಿ ಮತದಾನ ಗೌಪ್ಯವಾಗಿ ನಡೆಯಬೇಕು. ಯಾರು ಯಾರಿಗೆ ಮತ ಹಾಕಿದ್ದಾರೆ ಎನ್ನುವ ಮಾಹಿತಿ ಬಹಿರಂಗ ಆದಲ್ಲಿ ಪ್ರಜಾಪ್ರಭುತ್ವಕ್ಕೆ ಅರ್ಥವೇ ಇರುವುದಿಲ್ಲ. ಹೀಗಿದ್ದೂ ಬೀದರ್ ಜಿಲ್ಲೆಯಲ್ಲಿ ಪ್ರಕಾಶ ಖಂಡ್ರೆ ಹಾಗೂ ಈಶ್ವರ ಖಂಡ್ರೆ ಪರವಾಗಿ ಮತ ಚಲಾಯಿಸಿದ ಫೋಟೊಗಳು ವೈರಲ್ ಆಗಿವೆ.
ಈ ಘಟನೆ ನಡೆದದ್ದು ಬೀದರ್ ಜಿಲ್ಲೆಯ ಭಾಲ್ಕಿಯಲ್ಲಿ. ಸಾಮಾಜಿಕ ಜಾಲತಾಣದಲ್ಲಿ ಬಿಜೆಪಿ ಅಭ್ಯರ್ಥಿ ಪ್ರಕಾಶ ಖಂಡ್ರೆ ಹಾಗೂ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಈಶ್ಬರ ಖಂಡ್ರೆ ಪರ ಮತದಾನ ಮಾಡಿರುವ ಫೋಟೋಗಳು ವೈರಲ್ ಆಗುತ್ತಿವೆ. ಅದರೊಂದಿಗೆ ಬೀದರ್ ಉತ್ತರ ಕ್ಷೇತ್ರದ ಜೆಡಿಎಸ್ ಸೂರ್ಯಕಾಂತ ನಾಗರಮಾರಪಳ್ಳಿ ಕ್ರಮ ಸಂಖ್ಯೆ -05 ಕ್ಕೆ ಮತದಾನ ಮಾಡಿದ್ದ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಮತದಾನ ಗೌಪ್ಯತೆ ಕಾಪಾಡಿಕೊಳದ ಜನರು ಬಿಜೆಪಿ ಅಭ್ಯರ್ಥಿ ಪ್ರಕಾಶ ಖಂಡ್ರೆ ಕ್ರಮ‌ಸಂಖ್ಯೆ -03ಕ್ಕೆ ಮಾಡಿರುವ ಮತದಾನದ ಪೊಟೋ ವೈರಲ್ ಆಗಿವೆ.