ಪ್ಯಾರಿಸ್: ಕರೊನಾ ವೈರಸ್ ಜಗತ್ತನೇ ತಲ್ಲಣಗೊಳಿಸಿರುವ ಈ ಸಂದರ್ಭದಲ್ಲಿ ಆ ವೈರಾಣುವಿನ ಇರುವಿಕೆಯನ್ನು ಪತ್ತೆ ಹಚ್ಚುವುದು ಹೇಗೆ ಎಂಬುದು ಯಕ್ಷಪ್ರಶ್ನೆಯೇ ಆಗಿ ಉಳಿದಿದೆ. ಆದಾಗ್ಯೂ, COVID19 ವೈರಸ್ ಏನಾದರೂ ಗಾಳಿಯಲ್ಲಿ ಇದ್ದರೆ ಅದನ್ನು “ಸ್ಮೆಲ್ ಕ್ಯಾಮೆರಾ” ಪತ್ತೆ ಹಚ್ಚಲಿದೆ ಎಂಬ ಸುದ್ದಿಯೊಂದು ಜಗತ್ತಿನ ಗಮನಸೆಳೆದಿದೆ. ಈ ಸ್ಮೆಲ್ ಕ್ಯಾಮೆರಾವನ್ನು ಏರ್ಬಸ್ ಬಳಕೆ ಮಾಡಲಿದ್ದು, ಫಲಿತಾಂಶ ಏನೆಂಬ ಕುತೂಹಲ ಈಗ ಹುಟ್ಟಿಕೊಂಡಿದೆ!
ಇದನ್ನೂ ಓದಿ: ಒಂದು ಹಾವು ಕಚ್ಚಿದ್ರೂ ಬಚಾವ್, ಆದ್ರೆ ಮತ್ತೊಂದು ಬೆಡ್ರೂಮ್ಗೇ ನುಗ್ಗಿತ್ತು..
ಅಲ್ಟ್ರಾ ಸೆನ್ಸೆಟಿವ್ ಸೆನ್ಸರ್ಗಳನ್ನು ಹೊಂದಿದ ಸ್ಮೆಲ್ ಕ್ಯಾಮೆರಾವನ್ನು 2017ರಲ್ಲಿ ಮೊದಲ ಬಾರಿ ಅಭಿವೃದ್ಧಿಪಡಿಸಲಾಗಿದ್ದು, ಅವುಗಳನ್ನು ಸ್ಫೋಟಕಗಳ ಪತ್ತೆಗೆ ಬಳಸಲಾಗುತ್ತಿತ್ತು. ಈಗ ಹೊಸ ಸನ್ನಿವೇಶ ಮತ್ತು ಅಗತ್ಯಕ್ಕೆ ತಕ್ಕಂತೆ ಆ ಕ್ಯಾಮೆರಾದಲ್ಲಿ ಬದಲಾವಣೆ ತರಲಾಗಿದ್ದು, ಜೈವಿಕ ಕೋಶಗಳನ್ನು ಅಳವಡಿಸಿದ್ದು ಅದು ಗಾಳಿಯಲ್ಲಿ ತೇಲಾಡುವ ರಾಸಾಯನಿಕಗಳು ಮತ್ತು ಸೂಕ್ಷ್ಮಾಣು ಜೀವಿಗಳನ್ನು ಗುರುತಿಸಿ ಎಚ್ಚರಿಸುತ್ತದೆ.
ಇದನ್ನೂ ಓದಿ: ದೇವಸ್ಥಾನದಲ್ಲಿ ಮದುವೆ ಮುಗಿಸಿ ಪೊಲೀಸ್ ಠಾಣೆ ಮೆಟ್ಟಿಲೇರಿತು ಆ ಜೋಡಿ!
ಇಂತಹ ಟೆಕ್ನಾಲಜಿಯನ್ನು ಈಗಾಗಲೇ ಕ್ಯಾನ್ಸರ್ ಮತ್ತು ಇನ್ಫ್ಲುಯೆನ್ಜಾ ಮುಂತಾದವುಗಳ ಪತ್ತೆಗೆ ಬಳಸಲಾಗುತ್ತಿದೆ. ಇದನ್ನೇ ಈಗ SARS-Cov-2, COVID19 ವೈರಸ್ಗಳ ಪತ್ತೆಗೂ ಬಳಸಲು ತೀರ್ಮಾನಿಸಲಾಗಿದೆ. ಕ್ಯಾಲಿಫೋರ್ನಿಯಾ ಮೂಲದ ಕೊನಿಕೂ ಈ ಸಂಬಂಧ ಏರ್ಬಸ್ ಜತೆಗೆ ಒಪ್ಪಂದ ಮಾಡಿಕೊಂಡಿದ್ದು, ಏರ್ಬಸ್ ಇದರ ಮೊದಲ ಬಳಕೆದಾರ. ಕೊನಿಕೂ ಸಿಇಒ ಮತ್ತು ಸಂಸ್ಥಾಪಕ ಓಶ್ ಅಗಾಬಿ ಇದರ ಕುರಿತು ಬ್ಲಾಗ್ ಬರೆದುಕೊಂಡಿದ್ದು, ಅದರಲ್ಲಿ ಕರೊನಾ ವೈರಸ್ ಪತ್ತೆಗಾಗಿ ಸ್ಮೆಲ್ ಕ್ಯಾಮೆರಾ ಬಳಸುವ ವಿಚಾರ ಪ್ರಸ್ತಾಪಿಸಿದ್ದಾರೆ. ಈ ಬೆಳವಣಿಗೆ ಉದ್ಯಮ ಕ್ಷೇತ್ರದಲ್ಲಿ ಹೊಸ ಆಶಾಕಿರಣವನ್ನು ಹೊಮ್ಮಿಸಿದೆ. (ಏಜೆನ್ಸೀಸ್)
VIDEO: ದಯವಿಟ್ಟು ನಮ್ಮನ್ನು ಕರೆಸಿಕೊಳ್ಳಿ: ಮುಂಬೈನಲ್ಲಿ ಸಿಲುಕಿರುವ ಕನ್ನಡತಿ ಅಳಲು