ಮನಿಲಾ: ಕರೊನಾ ವೈರಸ್ ಹಿನ್ನೆಲೆಯಲ್ಲಿ ವರ್ಕ್ ಫ್ರಮ್ ಹೋಮ್ ಇರುವುದರಿಂದ ರಾಜಕೀಯ ಸೇರಿದಂತೆ ಇನ್ನಿತರ ಕ್ಷೇತಗಳ ಸಭೆಗಳು ಬಹುತೇಕ ಆನ್ಲೈನ್ನಲ್ಲೇ ನಡೆಯುತ್ತಿವೆ. ಅದರಲ್ಲೂ ಜೂಮ್ ಆ್ಯಪ್ ಮೂಲಕವೇ ಹೆಚ್ಚು ಸಭೆಗಳು ನಡೆದಿವೆ. ಹೀಗಿರುವಾಗ ಸಭೆಯಲ್ಲಿ ಪಾಲ್ಗೊಳ್ಳುವ ಮುನ್ನ ತಮ್ಮ ವೈಯಕ್ತಿಕ ಕೆಲಸಗಳನ್ನು ಮಾಡುವ ವೇಳೆ ಅಪ್ಪಿತಪ್ಪಿ ಕ್ಯಾಮೆರಾ ಆನ್ ಆಗಿದ್ದರೆ ಏನೆಲ್ಲಾ ಅನಾಹುತ ಆಗಬಹುದು ಎಂಬುದಕ್ಕೆ ಮತ್ತೊಂದು ಘಟನೆ ಉದಾಹರಣೆಯಾಗಿದೆ.
ಫಿಲಿಪೈನ್ಸ್ ರಾಷ್ಟ್ರದ ಸರ್ಕಾರಿ ಅಧಿಕಾರಿಯೊಬ್ಬರು ನಿಯಮಿತ ಆನ್ಲೈನ್ ಸಭೆಯ ನಡುವೆಯೇ ತಮ್ಮ ಕಾರ್ಯದರ್ಶಿಯೊಂದಿಗೆ ಸೆಕ್ಸ್ ಮಾಡಿ ಸಿಕ್ಕಿಬಿದ್ದಿದ್ದು, ಮುಜುಗರಕ್ಕೀಡಾಗಿದ್ದಾರೆ.
ಇದನ್ನೂ ಓದಿ: ಮಧ್ಯರಾತ್ರಿ ಎಚ್ಚರಗೊಂಡಾಗ ಪತಿ ನನ್ನ ಬಳಿಯಿರಲಿಲ್ಲ: ತನ್ನದೇ ರಹಸ್ಯ ಘಟನೆ ಬಿಚ್ಚಿಟ್ಟ ಮಹಿಳೆ!
ದಿ ಸನ್ ವೆಬ್ಸೈಟ್ ಈ ಬಗ್ಗೆ ಗುರುವಾರ ವರದಿ ಮಾಡಿದ್ದು, ಕ್ಯಾವಿಟೆ ಪ್ರಾಂತ್ಯದ ಫಾತಿಮಾ ದೊಸ್ ಗ್ರಾಮ ಸಭೆಯ ಕ್ಯಾಪ್ಟನ್ ಜೀಸಸ್ ಎಸ್ಟಿಲ್ ಎಂಬುವರು ಕ್ಯಾಮರಾ ಆನ್ನಲ್ಲಿದೆ ಎಂಬುದನ್ನು ಅರಿಯದೇ ಕಾರ್ಯದರ್ಶಿಯೊಂದಿಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದರು. ಆನ್ಲೈನ್ನಲ್ಲಿ ಸಭೆ ನಡೆಯುತ್ತಿರುವಾಗಲೇ ಕೋಣೆಯೊಂದರ ಮೂಲೆಯಲ್ಲಿ ಇಬ್ಬರು ಲೈಂಗಿಕ ತೊಡಗಿರುವ ದೃಶ್ಯಗಳನ್ನು ಸ್ಥಳೀಯ ಮಾಧ್ಯಮಗಳು ಸಹ ಪ್ರಸಾರ ಮಾಡಿದ್ದು, ವೈರಲ್ ಆಗಿದೆ. ವೈಯಕ್ತಿಕ ಕೆಲಸದಲ್ಲಿ ತೊಡಗುವ ಮುನ್ನ ಎಸ್ಟಿಲ್ ಒಮ್ಮೆ ಕ್ಯಾಮೆರಾ ಆಫ್ ಮಾಡಲು ಯತ್ನಿಸಿದ್ದಾರೆ. ಆದರೆ, ಆಫ್ ಆಗಿದೆ ಅಂದುಕೊಂಡು ತಮ್ಮ ಕೆಲಸದಲ್ಲಿ ನಿರತರಾಗಿ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದಾರೆ.
ಅದೊಂದು ನಿಯಮಿತ ಕೌನ್ಸಿಲ್ ಮೀಟಿಂಗ್ ಆಗಿದ್ದು, ಆಗಸ್ಟ್ 26ರಂದು ಸಭೆ ಕರೆಯಲಾಗಿತ್ತು. ಸುಮಾರು ಹೊತ್ತು ಕಾರ್ಯದರ್ಶಿ ಮತ್ತು ಸರ್ಕಾರಿ ಅಧಿಕಾರಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದರು. ಅದನ್ನು ನೋಡಿಯೂ ಇತರರು ತಮ್ಮ ಪಾಡಿಗೆ ಸಭೆಯನ್ನು ಮುಂದುವರಿಸಿದ್ದಾರೆ. ಎಸ್ಟಿಲ್ ತಮ್ಮ ವೈಯಕ್ತಿಕ ಕೆಲಸಗಳನ್ನು ಮುಗಿಸಿದ ಬಳಿಕ ಮತ್ತೆ ಸಭೆಯನ್ನು ಸೇರಿಕೊಂಡರು.
ಇದನ್ನೂ ಓದಿ: ಇದು ವ್ಯಕ್ತಿಯೊಬ್ಬನ ಅತ್ಯಂತ ಕೆಟ್ಟ ಅನೈತಿಕ ಸಂಬಂಧದ ಅನುಭವವಂತೆ: ಮಗನಿಗೆ ತಂದೆಯೇ ವಿಲನ್!
ಸಭೆಯಲ್ಲಿ ಭಾಗವಹಿಸಿದ್ದ ಸಿಬ್ಬಂದಿಯೊಬ್ಬರು ಎಸ್ಟಿಲ್ ಅವರ ವಿಡಿಯೋವನ್ನು ರೆಕಾರ್ಡ್ ಮಾಡಿಕೊಂಡು ಬಳಿಕ ಸಾರ್ವಜನಿಕವಾಗಿ ಹರಿಬಿಟ್ಟಿದ್ದಾರೆ. ಇದಾದ ಬೆನ್ನಲ್ಲೇ ಕೆಲ ಗ್ರಾಮಸ್ಥರು ಸಭೆಯಲ್ಲಿ ಅನುಚಿತವಾಗಿ ವರ್ತಿಸಿದ್ದಕ್ಕೆ ಎಸ್ಟಿಲ್ ವಿರುದ್ಧ ದೂರು ದಾಖಲಿಸಿದ್ದಾರೆ. ಸದ್ಯ ವಿಡಿಯೋ ವೈರಲ್ ಆಗಿದ್ದು, ನ್ಯೂಸ್ ಮಾಧ್ಯಮಗಳಲ್ಲೂ ಚರ್ಚೆಯ ವಿಷಯವಾಗಿದೆ. ಈ ವಿಚಾರ ಎಸ್ಟಿಲ್ ಮತ್ತವರ ಕಾರ್ಯದರ್ಶಿಗೂ ತಿಳಿದು ಕ್ಷಮೆಯಾಚಿಸಿದ್ದಾರೆ ಎಂದು ತಿಳಿದುಬಂದಿದೆ. ಅಲ್ಲದೆ, ಸರ್ಕಾರವೂ ಕ್ರಮಕ್ಕೆ ಸೂಚಿಸಿದೆ ಎಂದು ಹೇಳಲಾಗಿದೆ.
ಇದೇ ತಿಂಗಳ ಮಧ್ಯೆದಲ್ಲಿ ಬ್ರೆಜಿಲ್ನಲ್ಲಿ ಕೌನ್ಸಿಲ್ ಸಭೆಯನ್ನು ಸೋಶಿಯಾಲಿಸಂ ಆ್ಯಂಡ್ ಲಿಬರ್ಟಿ ಪಕ್ಷದ ಸದಸ್ಯ ಲಿಯೊನೆಲ್ ಬ್ರಿಜೊಲಾ ಎಂಬುವರು ಆಯೋಜಿಸಿದ್ದರು. ಸಭೆಯ ನಡುವೆಯೇ ದಂಪತಿ ಸೆಕ್ಸ್ನಲ್ಲಿ ತೊಡಗಿರುವುದನ್ನು ನೋಡಿಯೂ ಅಥವಾ ನೋಡದೆ ಚರ್ಚೆ ಮುಂದುವರಿಸಿರುವುದು ವಿಡಿಯೋದಲ್ಲಿದೆ. ರಿಯೋಡಿ ಜನೈರೋ ನಗರದ ಕೌನ್ಸಿಲ್ ಸಭೆ ಅದಾಗಿತ್ತು. ಕರೊನಾ ವೈರಸ್ ಸಾಂಕ್ರಾಮಿಕ ಸಮಯದಲ್ಲಿ ಪುರಸಭೆಯ ವ್ಯವಸ್ಥೆಯಲ್ಲಿ ವಿದ್ಯಾರ್ಥಿಗಳಿಗೆ ಆಹಾರವನ್ನು ಹೇಗೆ ಖಾತರಿಪಡಿಸುವುದು ಎಂಬುದರ ಬಗ್ಗೆ ಚರ್ಚಿಸಲಾಗುತ್ತಿತ್ತು. ಇದರ ನಡುವೆ ದಂಪತಿಯ ಅಶ್ಲೀಲ ವಿಡಿಯೋವೂ ನೇರಪ್ರಸಾರವಾಗಿತ್ತು. (ಏಜೆನ್ಸೀಸ್)
ಕೌನ್ಸಿಲ್ ಸಭೆ ಮಧ್ಯೆಯೇ ಸೆಕ್ಸ್ನಲ್ಲಿ ಬಿಜಿಯಾದ ದಂಪತಿ: ವೈರಲ್ ಆಯ್ತು ವಿಡಿಯೋ!