| ಹರ್ಷವರ್ಧನ್ ಬ್ಯಾಡನೂರು
ನಿರ್ದೇಶಕ ಪವನ್ ಒಡೆಯರ್ ಬಾಲಿವುಡ್ಗೆ ಹಾರಿದ್ದು, ಕೆಲವು ತಿಂಗಳಿನಿಂದ ಮೊದಲ ಹಿಂದಿ ಚಿತ್ರದಲ್ಲಿ ಬಿಜಿಯಿರುವುದು ಗೊತ್ತಿತ್ತು. ಇದೀಗ ಅವರ ಚೊಚ್ಚಲ ಬಾಲಿವುಡ್ ಸಿನಿಮಾದ ಟೈಟಲ್ ರಿವೀಲ್ ಆಗಿದೆ. ಈ ಬಗ್ಗೆ ವಿಜಯವಾಣಿ ಜತೆ ಮಾತನಾಡಿದ ಪವನ್, “”ದಿ ನೋಟರಿ’ ಎಂದು ವರ್ಕಿಂಗ್ ಟೈಟಲ್ ಇಟ್ಟು ಕೆಲಸ ಮಾಡುತ್ತಿದ್ದೆವು. ಇದೀಗ ಚಿತ್ರೀಕರಣ ಪೂರ್ಣಗೊಂಡು ಅಂತಿಮ ಹಂತದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿವೆ. ಹೀಗಾಗಿ ಟೈಟಲ್ ರಿಲೀಸ್ ಮಾಡಿದ್ದೇವೆ. ಚಿತ್ರಕ್ಕೆ “ಆವಸ್ಥಿ ವರ್ಸಸ್ ಆವಸ್ಥಿ’ ಎಂದು ಹೆಸರಿಟ್ಟಿದ್ದೇವೆ. ಸುಳ್ಳು ತುಂಬಿರುವ ಜಗತ್ತಿನಲ್ಲಿ ಅವನೊಬ್ಬನೇ ಸತ್ಯ ನುಡಿಯುವವನು ಎಂದು ನಂಬಿರುವ ನಾಯಕನ ಕುರಿತ ಸ್ಟೋರಿ’ ಎಂದು ಹೇಳಿಕೊಳ್ಳುತ್ತಾರೆ ಪವನ್.
ಇದನ್ನೂ ಓದಿ: ತೋತಾಪುರಿ-2 ನಾಯಕರ ಫಸ್ಟ್ ಲುಕ್ ಬಿಡುಗಡೆ
ಮೊದಲ ಬಾಲಿವುಡ್ ಅನುಭವ
ಕೆಲವೇ ದಿನಗಳಲ್ಲಿ ಚಿತ್ರದ ಮೊದಲ ಪ್ರತಿ ಕೈಗೆ ಬರುವ ನಿರೀೆಯಿದೆ. ಆ ಬಳಿಕ ಪ್ರಚಾರ ಕಾರ್ಯ ಶುರು ಮಾಡುವ ಆಲೋಚನೆ ಚಿತ್ರತಂಡದ್ದು. “”ಗೋವಿಂದಾಯ ನಮ@’, “ಗೂಗ್ಲಿ’, “ಜೆಸ್ಸಿ’ ಚಿತ್ರಗಳು ಪರಭಾಷೆಗಳಲ್ಲಿ ರಿಮೇಕ್ ಆದ ಸಮಯದಲ್ಲಿ ಆ ಭಾಷೆಗಳಲ್ಲಿ ನಿರ್ದೇಶಿಸುವ ಅವಕಾಶವಿತ್ತು. ಹೊಸ ಕಥೆಯೊಂದಿಗೆ ಸಿನಿಮಾ ಮಾಡಬೇಕು ಅಂತ ತುಂಬ ದಿನಗಳಿಂದ ನಾನೂ ಪ್ಲ್ಯಾನ್ ಮಾಡುತ್ತಿದ್ದೆ. ಈ ಕಥೆಯನ್ನು ದೊಡ್ಡ ಮಟ್ಟದಲ್ಲಿ ಹೇಳಬಹುದು ಅಂತನ್ನಿಸಿತು. ಬಾಲಿವುಡ್ ಸಿನಿಮಾ ಹೊಸ ಅನುಭವ ಎನ್ನಬಹುದು. ಎಲ್ಲಾ ಕಡೆ ಸಿನಿಮಾ ಮಾಡು ಪ್ರಕ್ರಿಯೆ ಒಂದೇ ರೀತಿ ಇರುತ್ತದೆ. ಆದರೆ, ಹಿಂದಿ ಚಿತ್ರರಂಗದಲ್ಲಿ ದೊಡ್ಡ ಸ್ಕೇಲ್ನಲ್ಲಿ ಮಾಡಬಹುದು ಹಾಗೂ ಅದಕ್ಕೆ ಬೇಕಾದ ಸೌಲಭ್ಯಗಳೂ ಇಲ್ಲಿವೆ’ ಎನ್ನುತ್ತಾರೆ ಪವನ್.
ಇದನ್ನೂ ಓದಿ: ನನ್ನ ಒಳ್ಳೆತನ ದುರುಪಯೋಗದ ಸಾಧನವಲ್ಲ – ಕುಮಾರ್ ಆರೋಪಕ್ಕೆ ಸುದೀಪ್ ಪರೋಕ್ಷ ಪ್ರತಿಕ್ರಿಯೆ?
“ಆವಸ್ಥಿ ವರ್ಸಸ್ ಆವಸ್ಥಿ’ಯಲ್ಲಿ ಟಾನುಟಿಗಳು
ಈ ಚಿತ್ರದಲ್ಲಿ ಬೆಂಗಾಳಿ, ಬಾಲಿವುಡ್ ಚಿತ್ರಗಳಲ್ಲಿ ಮಿಂಚಿರುವ ಪರಂಬ್ರತಾ ಚಟರ್ಜಿ ನಾಯಕನಾಗಿದ್ದಾರೆ. ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್ ಪತ್ನಿ ನಟಿ ಗೀತಾ ಬಸ್ರಾ ಅವರಿಗೆ ನಾಯಕಿಯಾಗಿದ್ದು, ಏಳು ವರ್ಷಗಳ ಬ್ರೇಕ್ ಬಳಿಕ ಕಮ್ಬ್ಯಾಕ್ ಮಾಡಿದ್ದಾರೆ. ಜತೆಗೆ ಮನೋಜ್ ಜೋಶಿ, ದಲೀಪ್ ತಾಹಿಲ್, ಜರೀನಾ ವಾಹಬ್, ಸತೀಶ್ ರಾಜೇಂದ್ರನ್, ಸಹರ್ ಶುಕ್ಲಾ, ಶಿವ್ ಪಂಡಿತ್, ಶಿಶಿರ್ ಶರ್ಮಾ ಸೇರಿ ಟಾನುಟಿಗಳ ದಂಡೇ ಚಿತ್ರದಲ್ಲಿದೆ.
ಬ್ರೇಕ್ ಬಳಿಕಕ ಹೊಸ ಪವನ್
ಕೆಲವು ದಿನಗಳ ಹಿಂದಷ್ಟೇ ಮುದ್ದಾದ ಹೆಣ್ಣು ಮಗು ಪವನ್ & ಅಪೇಾ ದಂಪತಿ ಮಡಿಲು ಸೇರಿದೆ. ಹೀಗಾಗಿಯೇ ಬಾಲಿವುಡ್ ಚಿತ್ರದ ರಿಲೀಸ್ ಬಳಿಕ, “ಮನೆಗೆ ದುರ್ಗೆ ಆಗಮನವಾಗಿದೆ. ನನ್ನ ನೆಚ್ಚಿನ ದೇವಿ ದುರ್ಗೆ. ಸದ್ಯ ್ಯಾಮಿಲಿಗೆ ಟೈಮ್ ಕೊಡೋಣ ಅಂತ ಅಂದುಕೊಂಡಿದ್ದೇನೆ. ಕಳೆದ 11 ವರ್ಷಗಳಲ್ಲಿ 10 ಸಿನಿಮಾ ಮಾಡಿದ್ದೇನೆ. ಒಮ್ಮೆಯೂ ಬ್ರೇಕ್ ತೆಗೆದುಕೊಂಡಿಲ್ಲ. ಬಾಲಿವುಡ್, ತೆಲುಗಿನಲ್ಲೂ ಒಳ್ಳೊಳ್ಳೆ ಆರ್ಗಳಿವೆ. ನಟಿಸಬೇಕು ಅಂತನೂ ಅಂದುಕೊಂಡಿದ್ದೇನೆ. ಆದರೆ, ಕೆಲ ವರ್ಷಗಳಿಂದ ಒಂದು ಹೆಜ್ಜೆ ಹಿಂದಿ ಇಟ್ಟಿದ್ದೇನೆ’ ಎಂದು ಹೇಳಿಕೊಳ್ಳುತ್ತಾರೆ ಪವನ್.