ಅಫ್ಘಾನಿಸ್ತಾನ: ಭಾರತದಿಂದ ಮಾಸ್ಕೋಗೆ ತೆರಳುತ್ತಿದ್ದ ವಿಮಾನವೊಂದು ಅಫ್ಘಾನಿಸ್ತಾನದ ಬಡಾಖಾನ್‌ನ ವಖಾನ್ ಪ್ರದೇಶದಲ್ಲಿ ಪತನಗೊಂಡಿದೆ ಎಂದು ಅಫ್ಘಾನಿಸ್ತಾನ ಮಾಧ್ಯಮಗಳು ವರದಿ ಮಾಡಿವೆ. ಬಡಾಖಾನ್‌ನಲ್ಲಿನ ತಾಲಿಬಾನ್‌ನ ಮಾಹಿತಿ ಮತ್ತು ಸಂಸ್ಕೃತಿಯ ಅಧಿಕಾರಿ ಜಬಿಹುಲ್ಲಾ ಅಮಿರಿ ಅವರು ಘಟನೆಯನ್ನು ದೃಢಪಡಿಸಿದ್ದಾರೆ.
ಇದನ್ನೂ ಓದಿ:ಕರಡಿ ಹಿಡಿಯಲು ಒತ್ತಾಯಿಸಿ ಮನವಿ
ಪ್ರಯಾಣಿಕ ವಿಮಾನವು ಪ್ರಾಂತ್ಯದ ಕರನ್, ಮಂಜನ್ ಮತ್ತು ಜಿಬಾಕ್ ಜಿಲ್ಲೆಗಳನ್ನು ವ್ಯಾಪಿಸಿರುವ ಟೋಪ್‌ಖಾನೆ ಪರ್ವತದಲ್ಲಿ ಪತನಗೊಂಡಿದೆ ಎಂದು ಹೇಳಿದ್ದಾರೆ.
ರಷ್ಯಾದ ಏವಿಯೇಷನ್ ಅಧಿಕಾರಿಗಳು ಆರು ಜನರೊಂದಿಗೆ ರಷ್ಯಾದ ನೋಂದಾಯಿತ ವಿಮಾನವು ಶನಿವಾರ ಸಂಜೆ ಅಫ್ಘಾನಿಸ್ತಾನದ ರಾಡಾರ್ ಪರದೆಗಳಿಂದ ಕಣ್ಮರೆಯಾಯಿತು ಎಂದು ಹೇಳಿದ್ದಾರೆ. ಈ ವಿಮಾನವು ಫ್ರೆಂಚ್ ನಿರ್ಮಿತ ಡಸಾಲ್ಟ್ ಫಾಲ್ಕನ್ 10 ಜೆಟ್ ಆಗಿತ್ತು. ಈ ವಿಮಾನವು ಭಾರತದಿಂದ ಉಜ್ಬೇಕಿಸ್ತಾನ್ ಮೂಲಕ ಮಾಸ್ಕೋಗೆ ಪ್ರಯಾಣಿಸುತ್ತಿದ್ದ ಚಾರ್ಟರ್ ಫ್ಲೈಟ್ ಆಗಿತ್ತು.
ಭಾರತ ಸರ್ಕಾರವು ವಿವರಗಳನ್ನು ಪರಿಶೀಲಿಸಲು ತಂಡವನ್ನು ಕಳುಹಿಸಿದೆ ಮತ್ತು ಸಾವುನೋವುಗಳು ಸಂಭವಿಸಬಹುದು ಎಂದು ವರದಿಗಳು ಸೂಚಿಸುತ್ತಿವೆ.
ಅಫ್ಘಾನಿಸ್ತಾನದಲ್ಲಿ ಯಾವುದೇ ಭಾರತೀಯ ರಾಯಭಾರಿ ಕಚೇರಿ ಇಲ್ಲದ ಕಾರಣ, ಸರ್ಕಾರವು ತಾಲಿಬಾನ್ ಆಡಳಿತದಿಂದ ಪರ್ಯಾಯ ಲಭ್ಯವಿರುವ ಚಾನೆಲ್‌ಗಳ ಮೂಲಕ ವಿವರಗಳನ್ನು ಕೇಳಿದೆ.
ಅಪಘಾತವಾದ ವಿಮಾನ ಭಾರತೀಯ ಶೆಡ್ಯೂಲ್ಡ್ ಏರ್‌ಕ್ರಾಫ್ಟ್ ಅಥವಾ ನಾನ್-ಶೆಡ್ಯೂಲ್ಡ್ (ಎನ್‌ಎಸ್‌ಒಪಿ), ಚಾರ್ಟರ್ ಏರ್‌ಕ್ರಾಫ್ಟ್ ಅಲ್ಲ. ಇದು ಮೊರೊಕನ್-ನೋಂದಾಯಿತ ಸಣ್ಣ ವಿಮಾನವಾಗಿದೆ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ ಎಂದು ಸಚಿವಾಲಯವು ಪೋಸ್ಟ್‌ನಲ್ಲಿ ತಿಳಿಸಿದೆ.
ಅಪಘಾತಕ್ಕೀಡಾದ ವಿಮಾನ ಭಾರತದದ್ದಲ್ಲ ಎಂದು ನಾಗರಿಕ ವಿಮಾನಯಾನ ನಿರ್ದೇಶನಾಲಯದ (ಡಿಜಿಸಿಎ) ಅಧಿಕಾರಿಯೊಬ್ಬರು ದೃಢಪಡಿಸಿದ್ದಾರೆ. ಬದಖಾನ್ ಪ್ರಾಂತ್ಯದ ಕುರಾನ್-ಮುಂಜಾನ್ ಮತ್ತು ಜಿಬಾಕ್ ಜಿಲ್ಲೆಗಳ ಜೊತೆಗೆ ಟೋಪ್ಖಾನಾದ ಪರ್ವತಗಳಲ್ಲಿ ಪತನಗೊಂಡ ವಿಮಾನವು ಮೊರೊಕನ್ ನೋಂದಾಯಿತ DF 10 ವಿಮಾನವಾಗಿದೆ” ಎಂದು ಹಿರಿಯ DGCA ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.