ಪಂದ್ಯದ ವಿಚಾರಕ್ಕೆ ಬಂದರೆ, ನಾಯಕನಾಟ ಆಡಿದ ರೋಹಿತ್ ಶರ್ಮ (121 ರನ್, 69 ಎಸೆತ, 11 ಬೌಂಡರಿ, 8 ಸಿಕ್ಸರ್) ಸಿಡಿಸಿದ ದಾಖಲೆಯ 5ನೇ ಟಿ20 ಶತಕ ಹಾಗೂ ರಿಂಕು ಸಿಂಗ್ (69 ರನ್, 39 ಎಸೆತ, 2 ಬೌಂಡರಿ, 6 ಸಿಕ್ಸರ್) ನೀಡಿದ ಸಮರ್ಥ ಬೆಂಬಲದ ಬಲದಿಂದ ಭಾರತ ತಂಡ ಆರಂಭಿಕ ಆಘಾತದಿಂದ ಪುಟಿದೆದ್ದಿದ್ದು ಮಾತ್ರವಲ್ಲದೆ, ಅವಳಿ ಸೂಪರ್ ಓವರ್ನಲ್ಲೂ ವೀರೋಚಿತ ನಿರ್ವಹಣೆ ತೋರುವ ಮೂಲಕ ಉದ್ಯಾನನಗರಿಯಲ್ಲಿ 3-0ಯಿಂದ ಸರಣಿ ಕ್ಲೀನ್ ಸ್ವೀಪ್ ಸಂಭ್ರಮ ಕಂಡಿದೆ. ಮುರಿಯದ 5ನೇ ವಿಕೆಟ್ಗೆ 95 ಎಸೆತಗಳಲ್ಲಿ 190 ರನ್ ಸೇರಿಸುವ ಮೂಲಕ 22 ರನ್ಗಳಿಗೆ 4 ವಿಕೆಟ್ ಕಳೆದುಕೊಂಡ ದುಸ್ಥಿತಿಯಿಂದ ಟೀಮ್ ಇಂಡಿಯಾವನ್ನು ಮೇಲೆತ್ತಿದ ರೋಹಿತ್ ರಿಂಕು ಜೋಡಿ ಪ್ರವಾಸಿ ಆಫ್ಘಾನಿಸ್ತಾನ ವಿರುದ್ಧದ 3ನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿ ಬೃಹತ್ ಮೊತ್ತ ಒದಗಿಸಿತು. ಆಫ್ರನ್ ದಿಟ್ಟ ಪ್ರತಿಹೋರಾಟದಿಂದ ಕೈಗೊಂಡ ಪಂದ್ಯ, ಮೊದಲ ಸೂಪರ್ ಓವರ್ನಲ್ಲೂ ಮತ್ತೆ ಟೈಗೊಂಡಿತು. ಕೊನೆಗೂ 2ನೇ ಸೂಪರ್ ಓವರ್ನಲ್ಲಿ ಭಾರತ 10 ರನ್ಗಳಿಂದ ಗೆದ್ದು ಬೀಗಿತು. ಮತ್ತು ಆಫ್ಘನ್ ವಿರುದ್ಧ ಟಿ20ಯಲ್ಲಿ ಅಜೇಯ ದಾಖಲೆ ಉಳಿಸಿಕೊಂಡಿತು. ಈ ಮೂಲಕ ಟಿ20 ವಿಶ್ವಕಪ್ಗೆ ಮುನ್ನ ಆಡಿದ ಕೊನೇ ಚುಟುಕು ಕ್ರಿಕೆಟ್ ಸರಣಿಯಲ್ಲಿ ಭಾರತ ಭರ್ಜರಿ ಸಿದ್ಧತೆಯನ್ನೇ ನಡೆಸಿದಂತಾಗಿದೆ. (ಏಜೆನ್ಸೀಸ್)
