ಸರ್ಕಾರಿ ಸಂಪನ್ಮೂಲ ದುರುಪಯೋಗದ ಆರೋಪ: ಇಮ್ರಾನ್ ಖಾನ್​ಗೆ​ ಸುಪ್ರೀಂ ನೋಟಿಸ್ !

ಇಸ್ಲಾಮಾಬಾದ್: ಪಾಕಿಸ್ತಾನದ ಪ್ರಧಾನಮಂತ್ರಿ ಇಮ್ರಾನ್​ ಖಾನ್​ಗೆ ಸುಪ್ರೀಂ ಕೋರ್ಟ್ ಸೋಮವಾರ ನೋಟಿಸ್ ಜಾರಿಗೊಳಿಸಿದೆ. ಪಕ್ಷದ ಕಾರ್ಯಕ್ರಮಗಳಿಗೆ ಸಾರ್ವಜನಿಕ ಹಣವನ್ನು ದುರುಪಯೋಗ ಮಾಡುತ್ತಿರುವ ಆರೋಪ ಇಮ್ರಾನ್ ಖಾನ್ ಮೇಲಿದೆ.

ಪ್ರಧಾನಮಂತ್ರಿ ಇಮ್ರಾನ್ ಖಾನ್ ಅಕ್ಟೋಬರ್ 9ರಂದು ಜಿನ್ನಾ ಕನ್ವೆನ್ಶನ್ ಸೆಂಟರ್​ನಲ್ಲಿ ನಡೆದ ಇನ್​ಸಾಫ್ ಲಾಯರ್ಸ್ ಫಾರಂನ ಸಭೆಯಲ್ಲಿ ಭಾಗವಹಿಸಿದ್ದರು. ಇನ್​ಸಾಫ್ ಲಾಯರ್ಸ್ ಫಾರಂ ಎಂಬುದು ಆಡಳಿತಾರೂಢ ಪಾಕಿಸ್ತಾನ್ ತೆಹ್ರೀಕ್​ ಎ ಇನ್​ಸಾಫ್ ಪಕ್ಷದ ಕಾನೂನು ಘಟಕವಾಗಿದೆ. ಇದರ ಸಾರ್ವಜನಿಕ ಕಾರ್ಯಕ್ರಮಕ್ಕೆ ಇಮ್ರಾನ್ ಖಾನ್ ಸಾರ್ವಜನಿಕ ಹಣವನ್ನು ದುರಪಯೋಗ ಮಾಡಿದ್ದಾರೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಕೋರ್ಟ್ ನೋಟಿಸ್ ಜಾರಿಗೊಳಿಸಿರುವಂಥದ್ದು.

ಇದನ್ನೂ ಓದಿ: ಕಲಬುರಗಿ ಕರ್ನಾಟಕ ಕೇಂದ್ರೀಯ ವಿವಿ ಕುಲಪತಿ ಹುದ್ದೆ; ಕೇಂದ್ರಕ್ಕೆ ಐವರ ಹೆಸರು ಶಿಫಾರಸು..

ಪಂಜಾಬ್ ಸರ್ಕಾರದ ವಿರುದ್ಧ ಸಲ್ಲಿಕೆಯಾಗಿರುವ ಕೇಸ್​ ವಿಚಾರಣೆ ನಡೆಸುತ್ತಿರುವ ನ್ಯಾಯಮೂರ್ತಿ ಖ್ವಾಝಿ ಫಯೇಝ್ ಇಸಾ, ಪ್ರಧಾನ ಮಂತ್ರಿ ಇಡೀ ದೇಶಕ್ಕೆ ಹೊರತು ಒಂದು ನಿಶ್ಚಿತ ಗುಂಪಿಗಲ್ಲ. ಯಾಕೆ ಅವರು ರಾಜ್ಯದ ಸಂಪನ್ಮೂಲಗಳನ್ನು ದುರುಪಯೋಗ ಮಾಡ್ತಿದ್ದಾರೆ. ಖಾಸಗಿ ಕಾರ್ಯಕ್ರಮಕ್ಕೆ ಸರ್ಕಾರದ ಕಟ್ಟಡ, ಸ್ಥಳವನ್ನು ಉಪಯೋಗಿಸಿರುವುದು ಸರಿಯೇ ಎಂದು ಪ್ರಶ್ನಿಸಿದ್ದರೆಂದು ದ ಡಾನ್ ವರದಿಮಾಡಿದೆ.

ಇದನ್ನೂ ಓದಿ: Web Exclusive| ‘ಭಾನುವಾರ ಮಾರುಕಟ್ಟೆ’ ನನೆಗುದಿಗೆ

ಇದಕ್ಕೆ ಪೂರಕವಾಗಿ ಚೀಫ್ ಜಸ್ಟೀಸ್ ಗುಲ್ಜಾರ್ ಅಹ್ಮದ್ ಅವರು ಈ ಕೇಸ್​ ವಿಚಾರಣೆಗೆ ನ್ಯಾಯಪೀಠವನ್ನು ರಚಿಸಲಿದ್ದಾರೆ. ಕನ್ವೆನ್ಶನ್ ಸೆಂಟರ್​ಗೂ ನೋಟಿಸ್ ಜಾರಿಯಾಗಿದ್ದು, ಸಭೆಯ ಹಾಲ್ ಬಾಡಿಗೆ ಮತ್ತು ಇತರೆ ಖರ್ಚು ವೆಚ್ಚಗಳನ್ನು ಭರಿಸಿರುವವರು ಯಾರೆಂಬ ಮಾಹಿತಿ ಒದಗಿಸುವಂತೆ ಸೂಚಿಸಿದೆ. ಇದೇ ರೀತಿ, ಪಂಜಾಬ್ ಪ್ರಾಂತ್ಯದ ಅಡ್ವೋಕೇಟ್ ಜನರಲ್​ ಮತ್ತು ಸಂಬಂಧಿತ ಸಚಿವಾಲಯಗಳ ಮುಖ್ಯಸ್ಥರಿಗೆ ನೋಟಿಸ್ ಜಾರಿಯಾಗಿದೆ. (ಏಜೆನ್ಸೀಸ್)

https://www.vijayavani.net/bjp-leader-threatens-to-retaliate-if-party-leaders-are-attacked-by-tmc/