ನವದೆಹಲಿ: BTS ARMY ಎಂದು ಕರೆದುಕೊಳ್ಳುವ ಈ ಫ್ಯಾನ್ ಬಳಗ, ತಮ್ಮ ಅಚ್ಚುಮೆಚ್ಚಿನ ಕೊರಿಯನ್ ಬಾಯ್ ಬ್ಯಾಂಡ್‌ಗಾಗಿ ಹುಚ್ಚು ಸಾಹಸಗಳಿಗೆ ಕೈಹಾಕುವುದಕ್ಕೆ ಎಲ್ಲೆಡೆ ಹೆಸರುವಾಸಿಯಾಗಿದೆ. ಒಂದೆರಡು ಹದಿಹರೆಯದ ಪಾಕಿಸ್ತಾನಿ ಅಭಿಮಾನಿಗಳು ಮನೆ ಬಿಟ್ಟು BTS ತಂಡವನ್ನು ಭೇಟಿ ಮಾಡುವ ಸಲುವಾಗಿ ದಕ್ಷಿಣ ಕೊರಿಯಾಕ್ಕೆ ನುಸುಳುವ ಮೂಲಕ ಇನ್ನೊಂದು ಹೆಜ್ಜೆ ಮುಂದೆ ಹೋಗಿದ್ದಾರೆ.
13 ಮತ್ತು 14 ವರ್ಷ ವಯಸ್ಸಿನ ಇಬ್ಬರು ಅಪ್ರಾಪ್ತ ಬಾಲಕಿಯರು ಕಳೆದ ವಾರ ಪಾಕಿಸ್ತಾನದ ಕರಾಚಿಯಲ್ಲಿರುವ ತಮ್ಮ ಮನೆಗಳಿಂದ ಓಡಿಹೋಗಿದ್ದು, ಅವರ ಕುಟುಂಬಗಳನ್ನು ಚಿಂತೆಗೀಡು ಮಾಡಿದೆ. ಅವರ ಕುಟುಂಬಗಳು ಕಾಣೆಯಾದ ಬಗ್ಗೆ ಸ್ಥಳೀಯ ಪೊಲೀಸರಲ್ಲಿ ದೂರು ದಾಖಲಿಸಿದ ನಂತರ ಹದಿಹರೆಯದವರ ಹುಡುಕಾಟ ಶುರುವಾಗಿತ್ತು.
ಇದಾದ ಮೇಲೆ ನಂತರ ಈ ಅಪ್ರಾಪ್ತ ಬಾಲಕಿಯರು ತಮ್ಮ ಮನೆಗಳಿಂದ 1200 ಕಿಮೀ ದೂರದಲ್ಲಿರುವ ಲಾಹೋರ್ನಲ್ಲಿ ಪತ್ತೆಯಾಗಿದ್ದಾರೆ. ಹದಿಹರೆಯದ ಈ ಹುಡುಗಿಯರು ದಕ್ಷಿಣ ಕೊರಿಯಾಕ್ಕೆ ಪ್ರಯಾಣಿಸಲು ಯೋಜಿಸಿದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಇಬ್ಬರು ಹುಡುಗಿಯರು BTS ಸದಸ್ಯರ ಹುಚ್ಚು ಅಭಿಮಾನಿಗಳಾಗಿದ್ದು ಅವರನ್ನು ಭೇಟಿ ಮಾಡಲು ದಕ್ಷಿಣ ಕೊರಿಯಾಕ್ಕೆ ಪ್ರಯಾಣ ಬೆಳೆಸಲು ಯೋಜಿಸಿದ್ದರು ಎಂದು ಪೊಲೀಸ್ ತನಿಖೆ ಬಹಿರಂಗಪಡಿಸಿದೆ.
ಇಬ್ಬರೂ ಸ್ವಯಂಪ್ರೇರಣೆಯಿಂದ ಲಾಹೋರ್‌ಗೆ ಪ್ರಯಾಣಿಸಿದ್ದು ತಮ್ಮ ಡೈರಿಯಲ್ಲಿ ತಮ್ಮ ಸಂಪೂರ್ಣ ಯೋಜನೆಯನ್ನು ವಿವರಿಸಿದ್ದಾರೆ.
ವರದಿಯ ಪ್ರಕಾರ, ಅವರು ಪ್ರಯಾಣಿಸಲು ಯೋಜಿಸಿದ ಮಾರ್ಗವನ್ನು ಸಹ ಪತ್ತೆಹಚ್ಚಲಾಗಿದ್ದು ರೈಲು ವೇಳಾಪಟ್ಟಿಗಳು ಮತ್ತು ಇತರ ವೇಳಾಪಟ್ಟಿಗಳ ಮಾಹಿತಿಯನ್ನು ಅವರು ಹೊಂದಿದ್ದರು.
ಏನಿದು BTS?
ದಕ್ಷಿಣ ಕೊರಿಯಾದಿಂದ ಹೊರಗಿರುವ ಏಳು ಸದಸ್ಯರ ಬಾಯ್ ಬ್ಯಾಂಡ್ ಬ್ಯಾಂಗ್ಟನ್ ಸೋನ್ಯೋಡಾನ್ (ಬಿಟಿಎಸ್), ಜಿನ್, ಆರ್‌ಎಂ, ಜೆ-ಹೋಪ್, ಸುಗಾ, ಜಿಮಿನ್, ವಿ ಮತ್ತು ಜಂಗ್‌ಕೂಕ್ ಅನ್ನು ಒಳಗೊಂಡಿದೆ. ಬ್ಯಾಂಡ್ ಪ್ರಪಂಚದಾದ್ಯಂತ ಅಪಾರ ಅಭಿಮಾನಿಗಳನ್ನು ಹೊಂದಿದೆ. ಅವರು “ಬ್ಲ್ಯಾಕ್ ಸ್ವಾನ್”, “ಬಾಯ್ ವಿತ್ ಲುವ್”, ಮತ್ತು “ಲೈಫ್ ಗೋಸ್ ಆನ್” ಮತ್ತು ಇಂಗ್ಲಿಷ್ ಸಿಂಗಲ್ಸ್ “ಡೈನಮೈಟ್” ಮತ್ತು “ಬಟರ್” ನಂತಹ ಹಿಟ್ ಕೊರಿಯನ್ ಹಾಡುಗಳಿಗೆ ಹೆಸರುವಾಸಿಯಾಗಿದ್ದಾರೆ. (ಏಜೆನ್ಸೀಸ್)