ಚಂಡೀಗಢ: ಈಕೆ, ಗಂಡನ ಮೇಲಿನ ಸಿಟ್ಟನ್ನು 25 ದಿನದ ಹಸುಳೆ ಮೇಲೆ ತೀರಿಸಿ ತನ್ನದೇ ಮಗುವಿನ ಸಾವಿಗೆ ಕಾರಣವಾಗಿದ್ದಳು. ನಾಲ್ಕು ವರ್ಷಗಳ ನಂತರ, ತನ್ನ ತಾಯಿಯಿಂದ ನೆಲದ ಮೇಲೆ ಹೊಡೆದು ಶಿಶು ಸಾವನ್ನಪ್ಪಿದ ನಂತರ, ಸ್ಥಳೀಯ ನ್ಯಾಯಾಲಯ ಮಹಿಳೆ ಮತ್ತು ಆಕೆಯ ಪತಿಯನ್ನು ನರಹತ್ಯೆಯ (homocide) ಅಪರಾಧಿ ಎಂದು ತೀರ್ಪು ನೀಡಿದೆ.
ಪೊಲೀಸರ ಪ್ರಕಾರ ಆಗಸ್ಟ್ 2018ರಲ್ಲಿ, ದಂಪತಿಗಳು ಮನೆಯಲ್ಲಿ ಜಗಳವಾಡಿದ್ದರು. ಈ ಸಮಯದಲ್ಲಿ ಪೂಜಾ ತನ್ನ 25 ದಿನದ ಮಗಳು ನಾಯ್ರಾಳನ್ನು ಕೋಪದಿಂದ ನೆಲದ ಮೇಲೆ ಎಸೆದಿದ್ದಾಳೆ. ಮರುದಿನ ಬೆಳಿಗ್ಗೆ, ದಂಪತಿಗಳು ಮಗುವನ್ನು GMCH, ಸೆಕ್ಟರ್ 32 ಗೆ ಕರೆದೊಯ್ದಿದ್ದು ಅಲ್ಲಿ ಮಗು ನಾಯ್ರಾ ಸತ್ತಿದ್ದಾಳೆ ಎಂದು ಘೋಷಿಸಲಾಯಿತು. ನಂತರ ಅವರು ಮಗುವಿನ ಅಂತಿಮ ಸಂಸ್ಕಾರ ನಡೆಸಿದ್ದರು.
ಆಗಸ್ಟ್ 14, 2018 ರಂದು, ಚೈಲ್ಡ್‌ಲೈನ್ ಸಹಾಯವಾಣಿ 1098 ಘಟನೆಯ ಬಗ್ಗೆ ಪೊಲೀಸರಿಗೆ ಮಾಹಿತಿ ಬಂದಿದ್ದು ಮತ್ತು ಸ್ಮಶಾನದಿಂದ ಶಿಶುವಿನ ದೇಹವನ್ನು ಹೊರತೆಗೆದ ನಂತರ ಪೊಲೀಸರು ವಿಚಾರಣೆ ನಡೆಸಿದ್ದರು.
ಜಿಎಂಸಿಎಚ್‌ನಲ್ಲಿ ಶವ ಪರೀಕ್ಷೆ ನಡೆಸಲಾಗಿದ್ದು, ತಲೆಬುರುಡೆಗೆ ಗಾಯವಾಗಿ ಮಗುವಿನ ಸಾವು ಸಂಭವಿಸಿದೆ ಎಂದು ವೈದ್ಯಕೀಯ ಮಂಡಳಿ ಅಭಿಪ್ರಾಯಪಟ್ಟಿದೆ. ಹೆಚ್ಚಿನ ತನಿಖೆಯಿಂದ ಬಾಲಕಿಯನ್ನು ಆಕೆಯ ಪೋಷಕರು ಕೊಂದು ಶವವನ್ನು ಹೂತು ಹಾಕಿದ್ದಾರೆ ಎಂದು ತಿಳಿದುಬಂದಿದೆ.
ತರುವಾಯ, ಸೆಕ್ಟರ್ -31 ಪೊಲೀಸ್ ಠಾಣೆಯಲ್ಲಿ ಭಾರತೀಯ ದಂಡ ಸಂಹಿತೆಯ (IPC) ಸೆಕ್ಷನ್ 304 ಹತ್ಯೆ (ಕೊಲೆ ಅಲ್ಲ) ಮತ್ತು 201 ಅಪರಾಧದ ಸಾಕ್ಷ್ಯಾಧಾರಗಳನ್ನು ಕಣ್ಮರೆ ಮಾಡುವುದು ಅಥವಾ ಅಪರಾಧದ ಬಗ್ಗೆ ತಪ್ಪು ಮಾಹಿತಿ ನೀಡುವ ಆರೋಪದ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿತ್ತು.
ಆದರೆ, ಆರೋಪಿಗಳು ತಾವು ನಿರಪರಾಧಿಗಳೆಂದು ಹೇಳಿಕೊಂಡಿದ್ದರು. ತಮ್ಮ ಮಗಳು ಸ್ವಾಭಾವಿಕವಾಗಿ ಸಾವನ್ನಪ್ಪಿದ್ದಾಳೆ ಎಂದು ಅವರು ಹೇಳಿಕೊಂಡರು. ಆದರೆ ಪೊಲೀಸರು ತಮ್ಮ ಮಾತನ್ನು ಕೇಳಲಿಲ್ಲ. ಅವರು ಅವಳನ್ನು GMCH-32 ರ ತುರ್ತು ವಿಭಾಗಕ್ಕೆ ಕರೆದೊಯ್ದರು, ಅಲ್ಲಿ ಅವಳು ಸಾವನ್ನಪ್ಪಿದ್ದು ಚಿಕಿತ್ಸೆ ನೀಡಿದ ವೈದ್ಯರನ್ನು ಪತ್ತೆಹಚ್ಚಲು ಅವರು ಪ್ರಯತ್ನಿಸುತ್ತಿದ್ದಾರೆ ಎಂದು ಹೇಳಿದರು.
ತಮ್ಮ ಮನೆಯ ಮೇಲೆ ಕಣ್ಣಿಟ್ಟಿದ್ದ ಪೂಜಾ ಅವರ ಚಿಕ್ಕಪ್ಪ ಪೊಲೀಸರ ಸಹಕಾರದಿಂದ ತಮ್ಮನ್ನು ತಪ್ಪಾಗಿ ಸಿಲುಕಿಸಿದ್ದಾರೆ ಎಂದು ಅವರು ಹೇಳಿದ್ದಾರೆ. ಪ್ರತಿವಾದಿ ವಕೀಲರು ವಿಶಾಲ್ ಅವರ ತಾಯಿ ಉಷಾ ಅವರನ್ನೂ ವಿಚಾರಣೆಗೆ ಒಳಪಡಿಸಿದಾಗ ಅವರು, ‘ಮಗು ಅವಧಿಪೂರ್ವವಾಗಿ ಜನಿಸಿದ್ದ ಕಾರಣ ಸ್ವಾಭಾವಿಕವಾಗಿ ಸಾವನ್ನಪ್ಪಿತ್ತು ಎಂದು ಹೇಳಿದ್ದರು.
ಇದೇ ವೇಳೆ ಪಬ್ಲಿಕ್ ಪ್ರಾಸಿಕ್ಯೂಟರ್ ವಾದ ಮಂಡಿಸಿ, ಸಾಕ್ಷಿಗಳಾದ ಖುಷಿ (ಪೂಜಾ ಅವರ ತಂಗಿ) ಮತ್ತು ಸಮೀನಾ (ದಂಪತಿಗಳ ನೆರೆಮನೆಯವರು) ವಾಗ್ವಾದ ನಡೆದಿರುವುದನ್ನು ಖಚಿತಪಡಿಸಿದ್ದಾರೆ. ಪ್ರಾಸಿಕ್ಯೂಷನ್ ಸಾಕ್ಷಿ ಡಾ. ಅಮನ್‌ದೀಪ್ ಸಿಂಗ್, ಸಹ ಪ್ರಾಧ್ಯಾಪಕ, ಫೋರೆನ್ಸಿಕ್ ಮೆಡಿಸಿನ್ ವಿಭಾಗ, GMCH ಆಸ್ಪತ್ರೆ, ಆಕಸ್ಮಿಕವಾಗಿ ಬೀಳುವ ಮೂಲಕ ಮಗುವಿಗೆ ಅಂತಹ ಗಾಯ ಆಗಲು ಸಾಧ್ಯವಿಲ್ಲ ಎಂದು ಹೇಳಿದರು.
ಆದರೂ, ನ್ಯಾಯಾಲಯವು ಆರೋಪಿಗಳ ವಿರುದ್ಧದ ಆರೋಪವನ್ನು ಸಾಬೀತು ಪಡಿಸುವಲ್ಲಿ ಪ್ರಅಸಿಕ್ಯೂಶನ್ ಯಶಸ್ವಿಯಾಗಿರುವುದನ್ನು ಗಮನಿಸಿದ ನ್ಯಾಯಾಲಯವು ಆರೋಪಿಗಳನ್ನು ಐಪಿಸಿಯ ಸೆಕ್ಷನ್ 304 ಮತ್ತು 201 ರ ಅಡಿಯಲ್ಲಿ ತಪ್ಪಿತಸ್ಥರೆಂದು ಪರಿಗಣಿಸಿದೆ. (ಏಜೆನ್ಸೀಸ್)