ಇಸ್ಲಾಮಾಬಾದ್: ಭಾರತದಲ್ಲಿ ಏನೇ ಸಣ್ಣ ಸಮಸ್ಯೆಯಾದರೂ ಅದನ್ನು ಒಂದು ಸಂಭ್ರಮದಂತೆ ನೋಡುವ ಪಾಪಿ ಪಾಕಿಸ್ತಾನದಲ್ಲಿ ಇದೀಗ ಒಂದು ವಿಡಿಯೋ ಸಖತ್ ವೈರಲ್ ಆಗಿದೆ. ಸಚಿವರೊಬ್ಬರು ರಸ್ತೆಯೊಂದರ ಉದ್ಘಾಟನೆ ನಡೆಸಿ, ಕಟ್ ಮಾಡಿದ್ದ ಕೇಕ್ಗಾಗಿ ಜನರು ಮುಗಿಬಿದ್ದ ಪರಿಯನ್ನು ಕಂಡು ಜನರು ನೆಟ್ಟಿಗರು ನಗಲಾರಂಭಿಸಿದ್ದಾರೆ.
ಪಾಕಿಸ್ತಾನದ ವಿದೇಶಾಂಗ ಸಚಿವ ಷಾ ಮಹಮೂದ್ ಖುರೇಷಿ ಇತ್ತೀಚೆಗೆ ಒಂದು ರಸ್ತೆಯನ್ನು ಉದ್ಘಾಟನೆ ಮಾಡಿದ್ದಾರೆ. ಕಾರ್ಯಕ್ರಮವ ಭಾಗವಾಗಿ ದೊಡ್ಡದೊಂದು ಕೇಕ್ನ್ನು ಕತ್ತರಿಸಲಾಗಿದೆ. ಸಚಿವರ ಜತೆ ಎರಡು ಮೂರು ಜನರು ಚಾಕು ಹಿಡಿದು ಕೇಕ್ ಕತ್ತರಿಸಿದ್ದಾರೆ. ಕೇಕ್ ಕತ್ತರಿಸಿದ ಸಚಿವರು ಒಂದು ತುಂಡು ಕೇಕ್ನ್ನು ತಿನ್ನಲು ಮುಂದಾದರು. ಮುಖದಲ್ಲಿ ಮಾಸ್ಕ್ ತೊಟ್ಟಿರುವುದನ್ನು ಮರೆತು, ಅವಸರದಲ್ಲಿ ಕೇಕ್ ತಿನ್ನಲು ಮುಂದಾಗಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.
ಅವರು ಇನ್ನೇನು ಕೇಕ್ ಕಟ್ ಮಾಡಿ, ಆಕಡೆ ತಿರುಗಿದ್ದಾರೆ ಎನ್ನುವಷ್ಟರಲ್ಲಿ ಅಲ್ಲಿದ್ದ ಜನರು ಕೇಕ್ಗೆ ಕೈ ಹಾಕಿದ್ದಾರೆ. ಎಷ್ಟರ ಮಟ್ಟಿಗೆ ಕೇಕ್ಗೆ ಕೈ ಹಾಕಿ ತೆಗೆದುಕೊಂಡಿದ್ದಾರೆಂದರೆ, ಕೇಕ್ ಕೆಳಗೇ ಬಿದ್ದು ಹೋಗಿದೆ. ಆದರೂ ಬಿಡದೆ ಕೆಳಗೆ ಇದ್ದ ಕೇಕ್ನ್ನೂ ಎತ್ತಿಕೊಂಡು ತಿಂದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್ ವೈರಲ್ ಆಗಿದೆ.(ಏಜೆನ್ಸೀಸ್)
ಪಾಕಿಸ್ತಾನದಲ್ಲಿ ಕೇಕ್ಗಾಗಿ ಯುದ್ಧ! ಪಾಕಿಸ್ತಾನದ ಸಚಿವ ಷಾ ಮಹಮೂದ್ ಖುರೇಷಿ ರಸ್ತೆ ಉದ್ಘಾಟನೆ ನಡೆಸಿ, ಕೇಕ್ ಕಟ್ ಮಾಡಿದ ತಕ್ಷಣ ಅಲ್ಲಿದ್ದ ಜನರು ಕೇಕ್ಗಾಗಿ ಮುಗಿಬಿದ್ದ ದೃಶ್ಯವಿದು.. pic.twitter.com/TVcMK1q5Nx
— Vijayavani (@VVani4U) February 9, 2021
ವೈರಲ್ ವಿಡಿಯೋ ಹಿಂದಿನ ಅಸಲಿಯತ್ತಿದು! ಫೋಟೋಗ್ರಾಫರ್ ನಿಜವಾಗಿಯೂ ಹಾಗೆ ಮಾಡಿದನಾ?