ಢಾಕಾ: ಹಾಲಿ ವರ್ಷ ಅಕ್ಟೋಬರ್ 3ರಿಂದ 20ರವರೆಗೆ ಬಾಂಗ್ಲಾದೇಶದಲ್ಲಿ ನಡೆಯಲಿರುವ 9ನೇ ಆವೃತ್ತಿಯ ಮಹಿಳೆಯರ ಟಿ20 ವಿಶ್ವಕಪ್ ಟೂರ್ನಿಯ ವೇಳಾಪಟ್ಟಿಯನ್ನು ಐಸಿಸಿ ಭಾನುವಾರ ಬಿಡುಗಡೆಗೊಳಿಸಿದೆ. ಭಾರತ ತಂಡ ಹಾಲಿ ಚಾಂಪಿಯನ್ ಆಸ್ಟ್ರೆಲಿಯಾ, ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ತಂಡಗಳನ್ನು ಒಳಗೊಂಡ ಎ ಗುಂಪಿನಲ್ಲಿ ಸ್ಥಾನ ಸಂಪಾದಿಸಿದೆ. ಅಕ್ಟೋಬರ್ 4ರಂದು ನ್ಯೂಜಿಲೆಂಡ್ ವಿರುದ್ಧ ತನ್ನ ಮೊದಲ ಪಂದ್ಯ ಆಡಲಿರುವ ಭಾರತ ತಂಡ, ಅಕ್ಟೋಬರ್ 6ರಂದು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡವನ್ನು ಎದುರಿಸಲಿದೆ.
ಅಕ್ಟೋಬರ್ 13ರಂದು 6 ಬಾರಿಯ ಚಾಂಪಿಯನ್ ಆಸ್ಟ್ರೆಲಿಯಾ ವಿರುದ್ದ ಆಡಲಿದೆ. ಅಕ್ಟೋಬರ್ 9ರಂದು ಮೊದಲ ಅರ್ಹತಾ ತಂಡವನ್ನು ಎದುರಿಸಲಿದೆ. ಭಾರತದ ಎಲ್ಲ 4 ಲೀಗ್ ಪಂದ್ಯಗಳು ಸೈಲೆಟ್ನಲ್ಲೇ ನಡೆಯಲಿವೆ. ಇಂಗ್ಲೆಂಡ್-ದ. ಆಫ್ರಿಕಾ ಮತ್ತು ಬಾಂಗ್ಲಾದೇಶ&ಮೊದಲ ಅರ್ಹತಾ ತಂಡಗಳು ಟೂರ್ನಿಯ ಮೊದಲ ದಿನ ಮುಖಾಮುಖಿ ಆಗಲಿವೆ.
ಟೂರ್ನಿಯಲ್ಲಿ ಭಾಗವಹಿಸುವ 10 ತಂಡಗಳನ್ನು ತಲಾ 5ರಂತೆ 2 ಗುಂಪುಗಳಲ್ಲಿ ವಿಂಗಡಿಸಲಾಗಿದ್ದು, ರೌಂಡ್ ರಾಬಿನ್ ಲೀಗ್ ಹಂತದ ಬಳಿಕ ಪ್ರತಿ ಗುಂಪಿನ ಅಗ್ರ 2 ತಂಡಗಳು ಸೆಮಿಫೈನಲ್ಗೇರಲಿವೆ. ಅಕ್ಟೋಬರ್ 17 ಮತ್ತು 18ರಂದು ಕ್ರಮವಾಗಿ ಸೈಲೆಟ್ ಮತ್ತು ಢಾಕಾದಲ್ಲಿ ಸೆಮೀಸ್ ನಡೆಯಲಿವೆ. ಅಕ್ಟೋಬರ್ 20ರಂದು ಢಾಕಾದಲ್ಲಿ ಫೈನಲ್ ಪಂದ್ಯ ನಿಗದಿಯಾಗಿದೆ.
ಆತಿಥೇಯ ಬಾಂಗ್ಲಾದೇಶ, ದ. ಆಫ್ರಿಕಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್ ಬಿ ಗುಂಪಿನಲ್ಲಿವೆ.
ಟೂರ್ನಿಯಲ್ಲಿ 19 ದಿನಗಳ ಅವಧಿಯಲ್ಲಿ ಒಟ್ಟು 23 ಪಂದ್ಯಗಳು ನಡೆಯಲಿವೆ. ಎಲ್ಲ ಪಂದ್ಯಗಳು ಢಾಕಾ, ಸೈಲೆಟ್ನಲ್ಲೇ ನಿಗದಿಯಾಗಿವೆ. ನಾಕೌಟ್ ಪಂದ್ಯಗಳಿಗೆ ಮಾತ್ರ ಮೀಸಲು ದಿನ ನಿಗದಿಪಡಿಸಲಾಗಿದೆ. ಟೂರ್ನಿಯಲ್ಲಿ ಭಾಗವಹಿಸುವ ಕೊನೇ 2 ತಂಡಗಳ ಅರ್ಹತಾ ಪ್ರಕ್ರಿಯೆ ಸದ್ಯ ಅಬುಧಾಬಿಯಲ್ಲಿ ನಡೆಯುತ್ತಿದೆ. ಐರ್ಲೆಂಡ್, ಯುಎಇ, ಶ್ರೀಲಂಕಾ, ಸ್ಕಾಟ್ಲೆಂಡ್ ರೇಸ್ನಲ್ಲಿವೆ.
ಗುಂಪುಗಳು:
ಎ: ಆಸ್ಟ್ರೆಲಿಯಾ, ಭಾರತ, ನ್ಯೂಜಿಲೆಂಡ್, ಪಾಕಿಸ್ತಾನ, ಅರ್ಹತಾ ತಂಡ-1.
ಬಿ: ದಣ ಆಫ್ರಿಕಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ, ಅರ್ಹತಾ ತಂಡ-2.
ಭಾರತದ ಪಂದ್ಯಗಳು
ದಿನಾಂಕ: ಎದುರಾಳಿ
ಅ. 4: ನ್ಯೂಜಿಲೆಂಡ್
ಅ. 6: ಪಾಕಿಸ್ತಾನ
ಅ. 9: ಅರ್ಹತಾ-1
ಅ. 13: ಆಸ್ಟ್ರೆಲಿಯಾ
ಟಿ20 ವಿಶ್ವಕಪ್ಗೆ ಆಯ್ಕೆಯನ್ನು ಟೀಕಿಸುತ್ತಿದ್ದವರಿಗೆ ದಿಟ್ಟ ಉತ್ತರ ನೀಡಿದ ಮೊಹಮದ್ ಸಿರಾಜ್!