ಪೇಶಾವರ: ಪಾಕಿಸ್ತಾನದ ಪೇಶಾವರದಲ್ಲಿರುವ ಬಾಲಿವುಡ್ನ ಖ್ಯಾತ ನಟನ ಬಂಗಲೆಯನ್ನು ಪಾಕಿಸ್ತಾನ ಸರ್ಕಾರ ಮ್ಯೂಸಿಯಂ ಮಾಡಲು ನಿರ್ಧರಿಸಿದೆ. ನಟ ದಿಲೀಪ್ ಕುಮಾರ್ ಒಡೆತನದ ಪುರಾತನ ಬಂಗಲೆಯನ್ನು ಖರೀದಿಸಿ ಅದನ್ನು ರಕ್ಷಿಸುವ ಹೊಣೆ ಹೊರಲು ಅಲ್ಲಿನ ಸರ್ಕಾರ ಸಿದ್ಧತೆ ಮಾಡಿಕೊಳ್ಳುತ್ತಿದೆ.
ಇದನ್ನೂ ಓದಿ: ಊಟಿಯಲ್ಲಿ ಪ್ರೇಮ್ ‘ಏಕ್ ಲವ್ ಯಾ’
ಈ ಮೊದಲು ಪೇಶಾವರದಲ್ಲಿನ ದಿಲೀಪ್ ಮನೆಯನ್ನು ಕೆಲ ಉದ್ಯಮಿಗಳು ಖರೀದಿಗೆ ಮುಂದಾಗಿದ್ದರು. ಈ ನಡುವೆ ಕಟ್ಟಡ ಹಳೆಯದಾಗಿರುವುದರಿಂದ ಅಕ್ಕಪಕ್ಕದ ಮನೆಗಳಿಗೆ ಹಾನಿಯಾಗುವ ಸಾಧ್ಯತೆ ಇದೆ ಎಂದೂ ಕೆಲವರು ಹೇಳಿಕೊಂಡಿದ್ದರು. ಆದಷ್ಟು ಬೇಗ ಇದನ್ನು ನೆಲಸಮ ಮಾಡಿ, ಇಲ್ಲವೆ ಬೇರೆಯವರಿಗೆ ಮಾರಾಟ ಮಾಡಿ ಎಂದೂ ಸ್ಥಳೀಯರು ವಾದಿಸಿದ್ದರು.
ಇದೀಗ ಆ ಕಟ್ಟಡವನ್ನೇ ಖರೀದಿಸಲು ಪೇಶಾವರ ಜಿಲ್ಲಾಡಳಿತ ಸಿದ್ಧತೆ ಮಾಡಿಕೊಂಡಿದೆ. ಕಟ್ಟಡದ ಕೆಲ ಭಾಗ ಹಾಳಾಗಿದ್ದು, ಅದೆಲ್ಲವನ್ನು ಜಿಲ್ಲಾಡಳಿತವೇ ಸರಿಮಾಡಲಿದೆ. ಇದಾದ ಬಳಿಕ ಕಟ್ಟಡದವನ್ನು ಪ್ರವಾಸಿಗರ ವೀಕ್ಷಣೆಗೆ ಅವಕಾಶ ಮಾಡಿಕೊಡಲಿದೆ.
ಇದನ್ನೂ ಓದಿ: ಬಂಧನವಾಗಿ ತಿಂಗಳ ಬಳಿಕ ರಿಯಾ ಚಕ್ರವರ್ತಿಗೆ ಜಾಮೀನು
ನಟ ದಿಲೀಪ್ ಕುಮಾರ್ ಅವರ ಬಾಲಿವುಡ್ ಸಿನಿಮಾ ಜರ್ನಿ ಮತ್ತು ಭಾರತೀಯ ಚಿತ್ರರಂಗಕ್ಕೆ ಅವರ ಕೊಡುಗೆಗಳೇನು ಎಂಬುದನ್ನು ಹೇಳುವ ಒಂದಷ್ಟು ಚಿತ್ರಗಳನ್ನೂ ಅಲ್ಲಿ ಪ್ರದರ್ಶನಕ್ಕಿಡಲಿದೆ. ಖರೀದಿ ಪ್ರಕ್ರಿಯೆ ಯಾವಾಗ ಶುರು ಎಂಬ ಬಗ್ಗೆ ಇನ್ನಷ್ಟೇ ಮಾಹಿತಿ ಹೊರಬೀಳಲಿದೆ. (ಏಜೆನ್ಸೀಸ್)
ಡ್ರಗ್ಸ್ ಕೇಸ್: ಮಗಳನ್ನು ದೂರ ಇಟ್ಟಿಲ್ಲ … ಸೈಫ್ ಅಲಿ ಖಾನ್ ಸ್ಪಷ್ಟನೆ